الموضوع: لو اختفيت شويه ..يبقى انا اتخطفت

حاول تشيل سلاح مرخص بقى و لا مش مرخص مش هتفرق فى الوضاع الامنيه اللى زى الزفت دى لحد ما ربنا يصلح الحال و بشوات الداخليه يفتكروا ان امن البلد مهمتهم مش امن النظام

لا النوعيه دى من المجرمين عايزين الشغله السهله فلو لقى مقاومه من الضحيه هيدور على غيرها

المشاركة الأصلية كتبت بواسطة a7med_pharma

طالما كده

يبقا أنت أكيد ضمن القائمة ياخالد.. شاب موووز وعربية وحركات
خد بالك من نفسك بجد
وماتنزلش لوحدك بالليل ..أو بالنهار بدري..ماتمشيش في شوارع فاضية



وحسبي الله ونعم الوكيل
فين بقا الشرطة (إلي بيقولوا عليها إتغيرت...وبقت أحسن) نايمين في العسل ليه؟

احنا من قبل الثوره معندناش شرطه :)
حاميها حراميها يا برنس :)
بالنسبه ليا انا بقى انا مبنزلش قبل الساعه 9 غالبا ..اوقات 7 6 لو مسافر و عاوز اوصل بدرى ..و دايما ارجع بدرى ..بس انا لو فى القائمه ...لو عملت الللى ..هتخطف بردو :)

المشاركة الأصلية كتبت بواسطة a7med_pharma

ونفس الكلام ياخالود..لو عندك إخوات بنات
لو أبوك فاصل معاهم ودفع فيك ألف..هيدفع لأختك مليون

لا معنديش اخوات بنات ..وافهم من كده ان سعرى فى السوق الف جنيه ؟

المشاركة الأصلية كتبت بواسطة magyver

ربنا يسترهاا والله

يارب يا باشا

المشاركة الأصلية كتبت بواسطة screenplays

تخليوا في بورسعيد و الله خطفوا شاب من عيله علي قد حالها و طلبوا 2 مليون و طبعا ابوه ممعاهوش المبلغ ده فقاموا قاتلين الشاب ( رحمه الله عليه ) و رامين جثته علي الطريق السريع ... يعني خطف اولاد العائلات الغنيه ماشي لكن اللي حكيت عليه اسمه ايه ؟ حسبي الله و نعم الوكيل

مهو هنا بردو فى ناس فقراء ولادهم اتخطفو ..بس ولاد الحلال بيدفعو و الحراميه ناس ذوق ..بيعملو تخفيض بردو ..
بالنسبه للى انت بتحكى عليه بصراحه معنديش تعليق !

المشاركة الأصلية كتبت بواسطة damasry

أنت واخد الموضوع بهزار يا خالد!!!!
خد الموضوع بجد وتجنب تنزل فى حتة إلا لو فيها ناس وكمان بلاش مشى بتلعربية فى اماكن فاضية. اعمل معروف اهلك مش ناقصين

طيب اعمل ايه يا محمد ؟
انا بعمل الى عليا و الباقى على الله
انا مبمشيش فى حتت فاضيه ..خط سيرى آمن الحمد لله
المشكله بس فى السفر ..انا راشق على الدولى :(

المشاركة الأصلية كتبت بواسطة a7med_pharma

ماتيجي أخطفك ياخالد
كده وكده
وتيجي تقعد عندي يومين..نهيص فيهم

ونقلب الحج في قرشين
وهديك 25 %
قولت إيه ؟


نياهااااااااااااااااااااا ااااااااااااااااااااااااا ا

وانت مين ضحك عليك و قالك ان الحاج هيدفع ؟
هههههههههههههه

المشاركة الأصلية كتبت بواسطة mzeid

لا حول ولا قوة الا بالله

إيه يا عم خالد اللي بسمعه دة ؟؟؟؟

واحد صاحب ابويا ساكن عندك بعد ما تعدي مزلقان القطر و تمشي شوية كدة
ولاده بيقولولي كان فيه 2 على موتوسيكل بيروحوا المنطقة عندهم على موتو يضربوا كام طلقة تحية و يمشوا

الواحد بقى محتاج عربيات مصفحة نمشي فيها

طيب فيها ايه يعنى ؟
يا كبير السلاح هنا شىء عااااااااااااااادى جدا

المشاركة الأصلية كتبت بواسطة zangry

يانهار اسود .. انا سمعت الموضوع ده .. انا مش نازل بالليل تانى احسن اتقلب :d واتاخد

بس مين اللى خطفوه ورجع انهاردة ده؟

اه لو مفيش داعى تنزل خليك فى بيتك احسن :)
الى اتخطف من عيله غيده ..من تقسيم الشامى
بس رجع فعلا تانى يوم
و الى خطفوه اتمسكو ..احلى حاجه ساعه ما وقفوه قالهم خدو العربيه ..قالوله لا ده احنا عاوزينك انت و العربيه :)

المشاركة الأصلية كتبت بواسطة kar!m

انت لا تقدر بمال يا خالد .. ولا تفنى ولا تستحدث من عدم :-)

ههههههههههههههههههههههههه
ههههههههههههههههه
والله فطست من الضحك
بس انا فهمت من كلامك انى مش هيدفع فيا فلوس :)

المشاركة الأصلية كتبت بواسطة عزيز محمد

إخطف إنت نفسك، اتفق مع أهلك وفي السر روح أقعد في مدينة تانية (إسكندرية أو القاهرة أسبوع ولا حاجة) وخلي أهلك يشيعوا إنك اتخطفت واحبكوا الموضوع ودموع بأه والحاجات دي، يقوم العصابة يفتكروا إن فيه حد تاني دخل معاهم منافس ويلتهوا في الموضوع شوية وفي نفس الوقت يبقى احتمال إنك تتخطف بجد (بعد ما ترجع تاني) مستبعد

والله يا باشا ...الى ليه نصيب فى حاجه هيشوفها ...
ربنا يستر

المشاركة الأصلية كتبت بواسطة ramyhekal

ربنا يستر عليك ياخالد انت غالى عندى اوى
يا باشا ربنا يخليك ..وعموما ابقى ساهم مع الحاج فى المبلغ ههههههههههههه
اللى عنده قلق فى منطقته لازم يشيل سلاح فى جيبه

المشكله فى السلاح الحى انى بسافر كتير و ممكن اتمسك بيه :)
انا ماشى بطبنجه صوت

المشاركة الأصلية كتبت بواسطة أحمد كمال

اول امبارح قريب واحد زميلي في الشغل من المحلة اتخطف و رجع الحمد لله و بعد ما رجع مسكوا العيال و رجعوا الفلوس و قبضوا عليهم و جابوا السلاح و العربية و نفخوهم

مهو اتقبض على العيال فعلا ...الى اتخطف من عيله غيده

المشاركة الأصلية كتبت بواسطة م/مصطفى محمود

هو صحيح يا جماعه ، إية اللى هيحصل لو انت جريت بالعربية وخبط الناس

لو مت ، فبإذن الله شهيد
لو قتلتهم ، خلصت البلد من بلاهم
لو هربت يبقى محصلشي حاجه

طبعا المشكلة فى الإصابة بس اعتقد الموضوع يستحق

بجد الموضوع ده شاغلني جدا وكنت بتكلم فية مع واحد صاحبي ، ضعفنا هو اللى بيقويهم ، وبيشجعهم انهم يستمروا ، لو واحد فيهم متردد هيتشجع لما يلاقي زميلة شغال وزي الفل ومحدش بيقفلة ، لكن لو سمع ان زميلة اتقتل هيخاف ، لو سمع ان زميلة قتل حد وخايف ومستخبي هيخاف

مش عارف بصراحة بس انا شايف ان ده واجب علينا ، وبإذن الله لو إتعرضت لموقف كده هقاوم ، اما لو معايا حد فمش عارف ساعتها هعمل إية

عن ابي هريرة ( أَنَّ رَجُلًا جَاءَ إِلَى رَسُول اللَّه صَلَّى اللَّه عَلَيْهِ وَسَلَّمَ فَقَالَ : يَا رَسُول اللَّه أَرَأَيْت إِنْ جَاءَ رَجُل يُرِيد أَخْذ مَالِي ؟ قَالَ : فَلَا تُعْطِهِ مَالَك . قَالَ : أَرَأَيْت إِنْ قَاتَلَنِي ؟ قَالَ : قَاتِلْهُ . قَالَ : أَرَأَيْت إِنْ قَتَلَنِي ؟ قَالَ : فَأَنْتَ شَهِيد . قَالَ : أَرَأَيْت إِنْ قَتَلْته ؟ قَالَ : هُوَ فِي النَّار ) ‏

انا شخصيا لو فى امل بنسبه 1% مش هتردد فى انى اقاوم ..
انما لما الاقيه بالآلى فى وشى و مثبتنى ...بصراحه مش هقاوم

المشاركة الأصلية كتبت بواسطة shaddadfalcon1

هما لقو موضوع الفديه مش ماشي مع العربيات بيجربوه مع الناس
ايه الفجر ده

متطلبات السوق بتقول كده يا باشا

المشاركة الأصلية كتبت بواسطة friendship7897

يا رب أستر
الكلام دا حقيقي ! ولا هزار ؟
أول مرة أسمع أن رجال بتتخطف !! أسمع إن شقق بتتسرق ماشي ، فدية لعربيات ok ، خطب بنات وأطفال (قديمة) ، لكن رجاااااله !!! ، أنا أبني لو أتخطف ومحاولش يدافع عن نفسه ورجع بالسلامة ( مش شهيد ) هقتله بإيدي - ربنا يحفظه ويحفظ كل المصريين - الموت في سبيل الدفاع عن الدين والنفس شهادة لقوله صلى الله عليه وسلم : ( من قتل دون ماله فهو شهيد ومن قتل دون أهله فهو شهيد ومن قتل دون دينه فهو شهيد ومن قتل دون دمه فهو شهيد ) .
أوعى يا أ/ khaled ayman تتخطف وترجع تاني ! شكلك هيكون أيه في وسط المنتدى

انا لوحدى اعرف 4 بشكل شخصى اتخطفو و رجعو تانى ...ربنا يستر

المشاركة الأصلية كتبت بواسطة wael3m

خالد باشا .... رجعت من العمره ولا لاء ؟؟

بص طالما هتتخطف فى العام وفى الشارع ومفيش هارد فيلينج من ناحية اللى بيخطفوك
سووووووووووو وات استمتع يا مان.... تجربة جديدة ومثيرة هتثير كل مشاعرك وتغييرلك المود !!!

انا بهزر يا معلم وإفتكر الاية اللى بتقول ( فالله خير حافظاّ وهو أرحم الراحمين ) أكيد اللى بيعمل كدا من برا المحلة
يعنى من القرى اللى حواليها زى ما قريت لما مسكوا الخاطفين

وعموما ما تقلقش اتخطف انت بس وشوف الناس هنا هتعمل ايه

الحمد لله رجعت
لا معلش الى بيعملو كده من المحله ..سوق اللبن ..الرجبى ..فى اوكار كتير
فى واحد اسمه النمر ...خطف ييجى نص المحله

قريبي في المحلة بيقوللي حكاية الخطف دي بقت خبر يومي عندكم .. ربنا يسترها علينا كلنا و خللي بالك على نفسك الايام دي .. طول عمر المحلة الامن بتاعها شدييييييد