الموضوع: لو اختفيت شويه ..يبقى انا اتخطفت

ايوه مش بهزر ..لو قعدت فتره مش بدخل المنتدى و محدش عرف يجيبنى على الموبيل ...يبقى انا اتخطفت :) هرجع تانى ان شاء الله ..
الموضوع و ما فيه ..
هنا فى المحله حوار الخطف ده شغال الله ينور
كل يوم اسمع عن واحد اتخطف ..و طالبين فديه ..ابوه يدفع ..الواد يرجع ..عادى يعنى
و منهم ناس كتير اعرفهم
فى الى جاب 150 الف ..فى 250 (بيكون المخطوف هاى لاين تقريبا)
و فى واحد مواصفات خاصه تقريبا رجع ب 400 الف (كان متاخد بالجيتا بتاعه) و الجماعه الحراميه طلعو زوق و رجعو العربيه for free
كل ده بعيد عن المنطقه الى انا ساكن فيها
لحد اول امبارح
نزلت الصبح رايح الشغل
سمعت الخبر
شاب ساكن فى العماره الى بعد الى بعدى ..
نزل الصبح الساعه 8 ركب عربيته و ماشى ..ادام بيتنا بالظبط ...طلع عليه الجماعه الى بالك فيهم بالآلى ..بهدوء نزلوه قعد فى العربيه ورا ..و ركبو معاه ..و توكلو على الله
طلبو 5 مليون جنيه
لان عيلته معروفه الى حد ما فى المحله هنا و مبسوطين ..
يمين شمال ..و مفاوضات رجع الحمد لله النهارده الصبح
بصراحه مش عارف رجع بكام ..هعرف ان شاء الله بس حاليا الموضوع فيه فتاوى كتير :)
المهم بما ان الجماعه الحراميه وصلو المنطقه عندنا ...مش عارف انا رقم كام فى ال black list
هههههههههه اصل نص البلد اتخطف مش معقول هيسيبونى انا يعنى
و مش عارف بقى سعرى كام فى السوق دلوقت
لو ابويه مدفعش ابقو جمعوا من بعض و رجعونى يا جماعه :)
يلا الحمد لله