داخل على شراء فيرنا مستعملة من معرض و خايف يتضحك عليا

السلام عليكم

يا فيرناوية برجاء المساعدة

انا كلمت صاحب معرض صغير كدا شغال فى المستعمل و هوا فى منطقتى

المهم قالى عندى فيرنا 1500 هاف اوبشن برا و جوة ب 48

طبعا استغليت السعر شوية بس ممكن توصل ل 45 و طبعا بتاع المعرض لية 500 منى و من الراجل التانى

العربية ماشية تقريبا 90 الف و شوفتها حالتها ممتازة

المــــــــــهـــــــم بقى

بيقولو فى عربية اسمها فيفا دى بتبقى 1500 و مش حابب اقع فيها

ف انا مش عارف هيا دى الى انا شوفتها ولا لا

و هل فى فيرنا 1500 ولا اكيد هتبقى هيا الفيفا الهندى ؟؟

و معلشى كننت عايز اعرف ثمن عقد التسجيل و تجديد المرور بكام

وهل ال1500 دى بتبقى باااااور كامل ولا هاف باااور

و انا شوفت التكييف تمام جدا

ياريت تساعدونى بالله عليكم

العربية موديل 2006

و كنت عايز اعرف هيا بااااور كامل ولا هاف باور ؟

و انجيكشن ولا كاربيراتير

أيوة فى فيرنا موديل 2006
ومتورها 1500 سىسى و باور كاملة زى الفيرنا العادية
فى منها نص كماليات وفى كاملة من كل حاجة
النص كماليات باور وتكيف
الكاملة باور وتكيف و زجاج ك وسنتر
يعنى الباور والتكيف اساسى فى كل الفيرنا
والفيرنا فيفا شكلها مختلف عت الفيرنا العادية فانوس الاماما اصغر من الفيرنا

اقتباس:

---

المشاركة الأصلية كتبت بواسطة marshal

أيوة فى فيرنا موديل 2006
ومتورها 1500 سىسى و باور كاملة زى الفيرنا العادية
فى منها نص كماليات وفى كاملة من كل حاجة
النص كماليات باور وتكيف
الكاملة باور وتكيف و زجاج ك وسنتر
يعنى الباور والتكيف اساسى فى كل الفيرنا
والفيرنا فيفا شكلها مختلف عت الفيرنا العادية فانوس الاماما اصغر من الفيرنا

---

+11111111111111111

بس الفيفا هيا هيا الفيرنا تختلف فى الفوانيس انام نفس موتور الفيرنا 1500 ونفس الشاسيه وكلو

بص يابشمهندس بما اني خبرة سنة كاملة في المعارض الوسيطه دي واتنصب عليا مرتين منهم احب اقولك نصيحة لوجه الله ابعد احسنلك وخليك منك لصاحب العربية دايركت وتكون الرخصه بأسمه علشان تتأكد انه مش تاجر واتعب شوية وانزل سوق الجمعه بدري علشان تلحق تلاقي عربية كويسه قبل التجار ما يهجمهوا علي السوق ولما تنوي تشتري تاخد العربية وتطلع علي مركز صيانة هيوانداي بينه وبين السوق مفيش 100 متر وتفحص العربية عندهم علشان تاخدها وانتا مطمن انها مفيش فيها مشاكل وتطابق رقم الشاسيه والماتور بالرخصة بتاعتها لحسن تكون مسروقة وتتبهدل زي واحد صحبي متروق دلوقتي في الموضوع ده وربنا يسترها عليك وعلينا

إبعد عن التجار يا ولد العم دول بداية سكة الندامة
على السوق على طول

تمام يا جماعة متشكر اوى ليكم

بس المعرض دا فى منطقتى و الرخصة باسم صاحبها و هيبقى منى لية

يعنى المعرض بيوفق راسين فى الحلال و ياخد ال500 من كل واحد و يمشى مش عربية باسمو و كدا

و صاحب العربية انا شوفتة مهندس محترم و ابوة ظابط جيش


ياريت تردو عليا فى باقى الاسئلة و السعر بالنسبة للحالة لو خلصت مثلا 45 او 46 حلو لوا اية ؟؟؟

يا جماعة السووووووق كلو نصااابين برضو و بخاف اروحة بصراحة

اقتباس:

---

المشاركة الأصلية كتبت بواسطة fox26

تمام يا جماعة متشكر اوى ليكم

بس المعرض دا فى منطقتى و الرخصة باسم صاحبها و هيبقى منى لية

يعنى المعرض بيوفق راسين فى الحلال و ياخد ال500 من كل واحد و يمشى مش عربية باسمو و كدا

و صاحب العربية انا شوفتة مهندس محترم و ابوة ظابط جيش


ياريت تردو عليا فى باقى الاسئلة و السعر بالنسبة للحالة لو خلصت مثلا 45 او 46 حلو لوا اية ؟؟؟

---

يا سيدي الفاضل المعرضين اللي اتنصب عليا فيهم جنب البيت بردك عندي واللي نصب عليا كان رائد جيش وابوه لواء جيش في العربية التانية

والعربية دي اخرها 45 الف

طيب يا باشا حتى لو ان العربية باسم صاحبها و نفس المرور بتاعى ؟؟

و النصب ازاى و من ناحية اية ؟ معلشى نورنى و وضح

بالنسبة للسعر اتفقت معاة على 45

الفكرة بقى يا جماعة مش عارف اكشف فى بنزينة ولا مركز خدمة معتمد

و عايز حد يقولى الاجرائات السليمة اية لانى طلبت شهادة بيانات مع ا لمخالفات قالى بيانات لية دا رخصة سارية و نفس المرور بتاعى مدينة نصر و بصراحة الى بيقولى بيانات لية بقلق منووو هههههههه


ياريت تحسمو الموضوع دا

اقتباس:

---

المشاركة الأصلية كتبت بواسطة corsair

بص يابشمهندس بما اني خبرة سنة كاملة في المعارض الوسيطه دي واتنصب عليا مرتين منهم احب اقولك نصيحة لوجه الله ابعد احسنلك وخليك منك لصاحب العربية دايركت وتكون الرخصه بأسمه علشان تتأكد انه مش تاجر واتعب شوية وانزل سوق الجمعه بدري علشان تلحق تلاقي عربية كويسه قبل التجار ما يهجمهوا علي السوق ولما تنوي تشتري تاخد العربية وتطلع علي مركز صيانة هيوانداي بينه وبين السوق مفيش 100 متر وتفحص العربية عندهم علشان تاخدها وانتا مطمن انها مفيش فيها مشاكل وتطابق رقم الشاسيه والماتور بالرخصة بتاعتها لحسن تكون مسروقة وتتبهدل زي واحد صحبي متروق دلوقتي في الموضوع ده وربنا يسترها عليك وعلينا

---

كلام تمام وحلو عليه 45 الف
لازم شهادة بيانات علشان العربيات المسروقة كتير قوى اليومين دول
واكشف عليها فى مركز خدمة معتمد وياريت كمان بنزينة
انتا بتشترى عربية مش كيلو طماطم
وربنا يباركلك فيها ويكفيك شرها

ربنا يخليك يا باشا

متشكر لجهودكم دى يا رجالة بجد مش عارف اقولكم اية

طيب وهوا لو قالى ماينفعش يطلعولى شهادة بيانات طالما الرخصة سارية يبقى كداب و اوقف البيعة ؟

للرفع ياراجالة

عايزين راء اكتتتتتتتر

يا جماعة الراجل روحتلو

بقولو الى ادفعة كلو 45 قالى ربنا يسهل و كدا

و قلتلو عايزي نكشف عليها قالى ماشى السبت باذن الله و كدا فى بنزينة

طلبت منو شهادة بيانات قالى لازمتها اية و مش عارف اية قولتلو عشان الشهر العقارى يحاسبنى انها انتاج محلى وكدا

المهم قالى هنكشف عليها عجبتك هتسيب عربوون و تانى يوم تجهز الكاشات نروح الشهر العقارى نخلص هناك

الكلام دا سليم ولا اية ؟؟؟

انا خااااااايف اوى

up
up
up

هتدفع عربون يبقي العربية تفضل معاك يا زعيم ميخدهاش ومتدفعش اكتر من 50 % من تمن العربية كعربون وعندك بنزينة وطنية اللي في طريق المليون شجرة ارفعها هناك او وطنية اللي ورا سيتي ستارز مش هتفرق ومش شرط شهادة البيانات طالما الرخصة سارية اهم حاجه تطابق رقم الماتور والشاسيه اللي في العربية بالرقم اللي في الرخصة وتاخد منه شهادة برأة زمة ميكونش عدا عليها اكتر من 20 يوم وبعتذر علي التأخير في الرد لظروف شغلي

اقتباس:

---

المشاركة الأصلية كتبت بواسطة corsair

هتدفع عربون يبقي العربية تفضل معاك يا زعيم ميخدهاش ومتدفعش اكتر من 50 % من تمن العربية كعربون وعندك بنزينة وطنية اللي في طريق المليون شجرة ارفعها هناك او وطنية اللي ورا سيتي ستارز مش هتفرق ومش شرط شهادة البيانات طالما الرخصة سارية اهم حاجه تطابق رقم الماتور والشاسيه اللي في العربية بالرقم اللي في الرخصة وتاخد منه شهادة برأة زمة ميكونش عدا عليها اكتر من 20 يوم وبعتذر علي التأخير في الرد لظروف شغلي

---

ده الكلام التمام شهادة البيانات فعلا لو الرخصة منتهية بس خلى حد شاطر بيفهم كويس فى العربيات هوا اللى يشوفها بس يكون ثقققققةةةة وتوكل على الله واشترى