طقة ورا يمين مجنانى

**محمد الشامي** · 14-03-2012 10:32 PM

ازيك يا احمد باشا :) لعلك تكون بخير

المشاركة الأصلية كتبت بواسطة tarek_2005

الكانستر عايزة تتنظف
والدليل بعد الطقة هتلاقي مؤشر البنزين بينخفض قليلاً

والله يا استاذ طارق احتمال وارد بردو , بس مش كل اللانوس فيها كانستر , لو دي فيها كانستر ممكن يكون باظ وعشان كده مش بيعادل الضغط جوا تانك البنزين وعشان كده بيعمل صوت طقه مع تفريغ الهوا الموجود جوا التانك

بص يا استاذ احمد اسهل طريقه لمعرفه اذا كان صوت الطقه من جوا تانك البنزين بسبب الكانستر او لا هي انك تشيل غطاء تانك البنزين وتخليه معاك وتعمل بالعربيه مشوار طبيعي زي مشاوريك , لو الطقه اختفت يبقا فعلا الكانستر فيه مشكله وفي الحاله دي هاتشتري واحد استيراد ب 25 جنيه او حسب ما التاجر يقيمه لان معظم التجار مش عارفين ده بتاع ايه اصلا

**maka** · 14-03-2012 10:57 PM

المشاركة الأصلية كتبت بواسطة tarek_2005

الكانستر عايزة تتنظف
والدليل بعد الطقة هتلاقي مؤشر البنزين بينخفض قليلاً

هو ايه الكانستر ده يا طارق بيه

**amrelsaqqa** · 15-03-2012 12:02 AM

عندى نفس الطقطقة وبرضه يمين ورا في البيجو

صوت يجنن ومقرف
الاول تحس انها حاجة في الباب او في فرش الباب كأن حديدتين بيحكوا في بعض وبيظهر في طلعة العربية او في الارض المكسرة

فكيت الباب ومالقيتش اي حاجة

المساعد عندى كان اصلا خفيف وبيرزع

غيرت المساعدين وجبت طقم مونرو زيك كدة بالظبط

و لسة موجودة برضه ،
الصوت تبقى سامعه جوة العربية ومش عارف تحدد منين ، واقرب ما يكون تحت الكنبة

لحد ما في يوم رحت للسمكرى ركب معايا وسمعها بنفسه وقاللى دى بارومة في الدواسة من تحت

قاللى هلحمهالك ، نزل تحت العربية قاللى برومة جامدة بين المقص وتحت الكنبة والمقص مغطى عليها ولازم عفشجى ييجى هنا ويفك المقص عشان اعمللها تقوية كلها

وممكن اعملهالك حواليها كدة مؤقتا دلوقتى بس هتبوظ تانى

قلتله ماشى نعملها دلوقتى ونشوف ومش مشكلة لو باظت تانى نبقى نجيب عفشجى

عملها وطلع يجرب معايا كذا مرة وكل مرة يرجع يلحم تانى لحد ما فعلا الصوت راح خالص

انا فرحت جدا وقلت ان شاء الله مش هترجع تانى ويوميها السمكرى خد 50 جنيه عشان اللحام اللى عمله

الصوت قطع لمدة اسبوع ، وبمجرد ما طلعت على الطريق والشد والجذب ومع فرملة هنا ونطة هنا ، العربية طرقعت صوابعها واللحام فك و الصوت رجع تانى هههههههههه

ومن ساعتها مكسل اعمله وبدأت اتأقلم عليه وساعات بشغل الكاسيت عشان اضيع الصوت هههههه

خلاصة الكلام يا باشا روح لسمكرى وهو اللى هيقولك تروح لمين
ان شاء الله مش هتبقى مشكلتك برومة زي مشكلتى بس اانا شايف لو سمكرى كويس هيقدر يوصل للعيب حتى لو في حاجة مش تبعه ويقولك تروح لمين يعملهالك

**mo3tazanas** · 15-03-2012 12:11 AM

عاندى نفس الصوت تزيء بحس انة فى القايم اليمين بس مجنينى ومش عارف سببة اية

**abo_lamar** · 15-03-2012 07:34 AM

والله انا العربية عندي بقى فيها مزيكه حسبالله من كتر الطقطقات و الزنات وكل ما اوديها لميكانيكي يقولي مفيش حاجة ... يمكن اكون بحلم ولا بهيس , لغاية ماكبرت دماغي في الاخر

**احمد ابراهيم** · 15-03-2012 10:12 AM

المشاركة الأصلية كتبت بواسطة smousalim

فى رأي امتواضع كان عندى نفس الموضوع وبعد كتير من الأفتاء اتضح ان قاعدة الموتور اليمين بايظة وممكن تكشف عليها انك تفتح الكبوت وتزود بنزين من بكرة الأكسراتير وشوف الموتور بيتهز من الناحية اليمين جامد و لا لا وطمنى

قواعد الموتور عندى كلها سليمة و الطقة من ورا مش من ناحية الكبوت مش عارف دى تبقى ايه

**احمد ابراهيم** · 15-03-2012 10:15 AM

المشاركة الأصلية كتبت بواسطة elakawy

والله انا العربية عندي بقى فيها مزيكه حسبالله من كتر الطقطقات و الزنات وكل ما اوديها لميكانيكي يقولي مفيش حاجة ... يمكن اكون بحلم ولا بهيس , لغاية ماكبرت دماغي في الاخر

و الله انت بتحكى عليا كل حاجة بتزيق و بتطقطق و بترن و من كل حتة و الله من التابلوه مزيكا و من الفيبر بتاع الابواب مزيكا و من الطقة اللى بقول عليها دى مزيكا

**احمد ابراهيم** · 15-03-2012 10:37 AM

سؤال بقى هل الطبيعى انى اسمع صوت البنزين جوه التانك لو العربية اترجت او عديت على مطب مش مستوى يعنى ناحية عاليه و ناحية واطية ؟ لانى بسمع صوت البنزين احيانا بيترج جوا التانك
زى لما الواحد يبقى ماسك زجاجة مياة و بيقلبها و المية بتعمل صوت جواها
هل ده طبيعى ؟؟؟؟؟؟؟؟؟؟؟

**ahmedeihab** · 15-03-2012 10:39 AM

انا اقولك
العربيه دى فيها
عفررررررررررررررررررررررر ريت
بص يا سيدى لا عفريت ولا حاجه طالما هديت العفشه اللى ورا و ركبتها تانى كلها من الاول للاخر
يبقى بص على قواعد الفيتيس و الموتور
و شوف الدنيا ايه و قولى
ربنا يعينك يا باشا
^_^

-

الموضوع: طقة ورا يمين مجنانى

LinkBack

أدوات الموضوع

عرض

-

-

-

-

-

-

المواضيع المتشابهه

مشكله في الجين مجنانى

مشكلة مجنانى على سرعة 170 كم

مشكلة مجنانى فى الافيو؟؟؟؟؟؟؟

مشكله مجنانى فى الفيات 128

العربية بتحدف يمين يمين يمين مش عارف هي عاوزة ايه من اليمين

الكلمات الدلالية لهذا الموضوع

المفضلات

المفضلات

ضوابط المشاركة