الموضوع: تغطية معرض اتوماك اخبار اليوم 2008-عدسة كريم منير

الصورة النهائية قبل ما الموبيال يقطع شحن كانت لنجمة الحفل الصغيرة فيات 500
وليها صور تاني كتير مصورها مع العربية الحمراء في كاميرة احمد سامي

نجوم الحفل :
في عربية منزلها منصور من اوبل اسمها اوبل زافيرا العربية دي 1600 MPV وشكلها شيك جدا و7 راكب وهاتعمل حوالي 160 الف جنية وهاتكون اكبر منافس للعربية ال 7 راكب ويكفي انها الماني

بي ام منزل وحش او كائن خرافي اسمه X6 مانحش اي حد يقرب منه لانه سريع العدوي بمرض الاذبهلال
اللي هايجلك من تصميم العربية الثوري وموتورها الخرافي وشكلها وشكل الجنط بتاعها ده لو صادفك الحظ وعرفت تركبها هاتشوف جواها اللي عمرك ما شوفته بس غالبا مش هاتعرف لانها اتباعت امبارح لواحد حط تمنها مليوووووون و850 الف جنية مصري
يعني لو قربت منها الناس بتوع بي ام هايقولوك يلا يابني احسن نرش مية
ها ها ها

في عربية اسمها مازيراتي اللي يعرفها هايلاقيها واقفة جنب بنتلي كونينتتال بس خدو بالكم اصلهم مكهربين الاسوار حواليها
واللي عايز يتفرج من بعيد اهلا وسهلا بس العبد لله كان له نصيب الجلوس جواها وما زلت في حالة صدمة عصبية لم اشفي منها نتيجة اني سمعت صور المزيراتي الكوبية وهيا دايرة

في وشها على طول هاتلاقو جناج بتاع جاكوار لو ماكنتش الصدمة كافية ممكن تعدو على رجليكم وتروحو تتفرجوا عليها
وقبل ما تخرجوا من القاعة هاتقو مفاجئة في وسط القاعة متمثلة في نيسان GTR واقفة في وسطة المعرض بلون فضي وجنوط 20 وفرامل بريمبو ودركسيون ايمن هاتكمل على اللي فاضب منكم لو كان اتبقي فيكم حاجة بعد المازيراتي والجاكوار والفيراي ال 430 احمر واسود واقفين منورين جنب بعض

لو خرجتم من القاعة دي اشربلك كوباية ليمون بسرعة لانك هاتضر تعدي على جناح المستر ابو الفتوح بالوز بتاعة قصدي عرباتة المدعوة بالاسبيرانزا وخاصة ال M11 اللي هيا نسخة من الفا روميو 146 بس نسخة تفكر بالتسجيلات الصيني اللي ب 60 جنية في العتبة اللي بتنور اصفر واخضر
انا طبعا ماقدرتش اكمل فرجة على اسبيرانزا وروحت ووداني مليانة اصوات مواتير رائعة
وقولت كفاية كدة واكمل يوم تاني لان الساعة كانت 12 بالليل

في انتظار بقية الصور من احمد سامي