ناوي ان شاء الله أشتريه و عندي كام سؤال:
هل لازم أشغله على ريسيفر HD برضوا؟ ولو رسيفر عادي حيبقى ايه التأثير؟
وهل يفرق في كده ال Full HD عن HD ready ؟؟
عرض للطباعة
ناوي ان شاء الله أشتريه و عندي كام سؤال:
هل لازم أشغله على ريسيفر HD برضوا؟ ولو رسيفر عادي حيبقى ايه التأثير؟
وهل يفرق في كده ال Full HD عن HD ready ؟؟
لا مش لازم ريسيفر hd بس يفضل
أنا عندي lcd hd ومشغله على الريسيفر القديم وزي الفل
بس ناوي أغير الريسيفر لأن الصورة بتكون أفضل
الرسيفر hd صورته على التليفزيون بتبقى تحفة اللى عندى مشغله على رسيفر عادى مفهوش مشكلة بس ان شاء الله ناوى اغير واجيب رسيفر hd
الHD Ready جودة الصورة 720p
ال Full HD الجودة 1080p
الفرق مش كبير بينهم و مش هتحس بيه الا اذا كان الرسيفر بيسبورته و القناة ال بتتفرج عليها او الفيديو
اما الرسيفر بقى ففرق السما و الارض بين العادي و الاتش دي
ولو اصلا جبت رسيفر اتش دي بيبقى في فرق كبير جدا في الصورة بين ما توصله بكابل HDMI و كابل AV
شكرا للردود
أصل بسأل عن شفته عند واحد معرفة و كان ريسيفر عادي و الصورة كانت زي ماتقولوا مشوهة...زي ما يكون مربعات حوالين الأطراف
كنا فاكرين العيب في التلفزيون (هاي سينس 42 بوصة)
1111+
و دي الحقيقية الغائبة عن معظم الناس ..
و الخدع المتبعة في التسويق و في البيع في مصر و الخارج !!
الخدعة الاول :
كله فرحان بهوجة ال LCD وال FULL HD ياعم مش HD بس زي الموبايل ابو كامرتين بالظبط.
المشكلة الي بتحصل كالاتي ..
حتشتري شاشة LCD HD Ready الي هي 720P يعني دقة العرض على الشاشة (1280x720).
جميل ...
حتقوم موصلها في ريسفر عادي ... في احسن الحالات بتبقى الصورة 480P العادية يعني كام ؟
يعني 640x480 تقريبا نصف الدقة بتاعة ال LCD.
هنا بيحصل اختبار لحرفنة الصنعة بتاعة الشاشة .. بباطة الشاشات الماركات و المتخصصة حتى الرخيص منها (Samsung - Sony - LG - Toshiba ) بتقوم بعمل تكبير للصورة الي داخلة تقريبا مرتين علشان توصل للدقة ال720P و كدة الصورة بتفقد بقى كمية كبيرة من نقائها على حسب الموديل و المصنع
بالتالي انت بتلاحظ المربعات او التشوه (PIX-ELATION) علشان البيكسل المعروضة مش كفاية انها "تخمك" او "تخم عينك"
ولو شغلت ماتش كورة بالذات (علشان في حركة كتيير) جربه على شاشة 29 عادية crt و شاشة lcd وقرب شوية حتلاقي ال crt صورتها افضل بمراحل !! و دي حقيقة !
الخدعة الثانية :
تلاقي ريسفر عادي في مخرج hdmi يقولك اصل كدة الصورة خارجة HD !
الحقيقة ؟ الصورة اتحسنت بمقدار 1-2% فقط !
ليه ؟ علشان ده الفرق بيبن ال AUDIO/VIDEO CABLE العادي و الكابل ال HDMI ان ده دييجيتال و ده انالوج ... فلو الكابل ال AV مش سليم .. ممكن يبقى فيه نغبشة او نقاء اقل سنة .. بينما لو الكابل سليم والدقة المنقولة واحدة ... انت بتشتغل نفسك لو اقتنعت ان في فرق .. الا في حالة ان الريسفر اصلا اي كلام ( وده للاسف حال 80% من الرسيفرات في مصر)
الخدعة الثالثة:
تجيب ريسفر HD فعلا ! و ماركة كمان نضيفة ! بس القنوات الي بتشوفها SD العادي مش HD
وتقنع نفسك ان الصورة احسن الف مرة من الجهاز الصيني التعبان الي كنت جايبه .. و في الحقيقية تاني مرة ... مفيش اي فرق بيحصل ... لان القناة العادية مهما عملت مازال ارسالها عادي 480p فحتى لو خرج من ريسفر hd بتتكلم في جودة نقل بيانات افضل .. يعني بتلكم في 2-5% فرق جودة في الصورة !
وبالتالي تضحلك من ال3 خدع انك جايب تلفزيون بالشيء الفلاني ! و full HD ياعم اه ! و 10 مخارج ! و 3D ,و انت في الاخر بتشوف صورة اسوء من الي كنت بتشوفها على التلفزيون القديم !!
طب ايه الحل ؟
ال OUTPUT ايه ؟
يعني الاشارة الي جايلاك .. هي الي تحدد جهازك !
حتجيب قنوات HD
MBC HD - OSN HD
يبقى حتشوف فرق السماء و الارض في النقاء ! و حتحس ان فلوسك حلال !
حتجيب BlueRay DVD Player
يبقى انت قاعد في سينما و حتتمتع باقصى جودة موجودة في هذا العصر ! (بس طبعا فلوس بالعبيط)
عندك افلام HD على الابتوب او الفلاشة ؟ ممكن توصل الابتوب او الPC او ال Playstation 3 او الاكسبوكس بالشاشة و برده تستمع بجودة عالية !
بتحب الالعاب ؟
طبعا الPS3 او الXBOX او حتى ال PC بيطلعوا دقة HD و حتستمع بالشاشة برده ...
---
اي احتمال غير الي فاتوا بقى .... متضيعش فلوسك و خليك في التلفزيون الي عندك.
يعني كده تقفلها في وشي يا CryptonX ؟
حتى متقدرش ترشحلي كام موديل كده يبقى فيهم الرمق؟
لا انا بقولك الحقيقة المرة بس :)
صراحة مقدرش ارشح موديل معين بس مع اني ضد "التعميم" عامة . بس بمنتهى الامانة خليك في ماركات معروفة و موديلات جديدة ... وافضل شخصيا samsung او sony.
ابعد تماما عن
hi-sense - caira - pluto - national
واي ماركة من دول ... مش "زبالة" يعني .. بس اقل بكتير و بتبقى واضحة حتى في المعرض
وللاسف كمان philips مع انها مصنع مشهور بس في موضوع تكبير الصورة دي سيئة جدا.
استاذ cryptonx متحامل على التلفزيونات و العيب مش فيها و لا في اي خدعة من طرفهم العيب على القنوات المصرية ال بتستخدم اجهزة بث متصنعة ايام الفراعنة
على سبيل المثال اتفرج على فيلم على قناة MBC2 و اتفرج على نفس الفيلم على بانوراما و شوف فرق الصورة
هات رسيفر و شغل القناتين دول على تلفزيون 50 بوصة بكابل AV عادي و كابل HDMI عادي وشوف الفرق
و بعدين المفروض ان العالم كله دلوقتي شغال بقنوات اتش دي ما عدا احنا
يعني لو جبت العرب سات هتلاقي معظم القنوات نزلت عليه اتش دي و في قنوات ثري دي كمان
بالنسبة للانواع سوني و وراها توشيبا و سامسونج
و ال جي كويسة برضو
الصراحة معلومات جميلة ربنا يديلكم الخير.
ياريت لو حد جرب ماركة كويسة يقولنا انا في رئي الشخصي ان سامسونج وبعدها ال جي وسوني هما الافضل.
كمان توشيبا وشارب منزلة شوية حجات كويسة جدا.
بالنسبه للشاشات اخى الكريم فيه انواع واشكال واصناف واحجام واسعار مختلفه طبعا حضرتك هتقع فى مقارنه رهيبه ما بين الاداء والسعر يعنى مثلا هتلاقى مثلا شاشه حجم 32 بوصه سامسونج مثلا ب 2300 جنيه تقريبا وهتلاقى نفس الحجم لنفس الشركه 32 بوصه سامسونج ب 3250 ولكن التقنيه مختلفه فى الشاشه التانيه الا وهى تقنيه ال LED طبعا كل دا كلام تسويقى فى وجهه نظرى الشخصيه وهوضح لحضرتك ليه كمان شويه
+هتلاقى حضرتك حجم اكبر لشاشات Panasonic مثلا 42 بوصه ب 2600 جنيه وحجم 47 بوصه ب 3200 جنيه مثلا ولكن التقنيه هنا مختلفه تماما ف الشاشات الحجم الكبير دى شاشات تعمل بتقنيه البلازما اى الغاز وليس السائل كال LCD وطبعا تقنيه البلازما دى قديمه وتستهلك الكثير من الكهرباء وحجم الشاشه الضخم اللى بيكون عريض ووزن الشاشه كبير ولكن الشاشات الجديده منها تلافو بعض العيوب بتاعتها وعلى فكره الصوره فى البلازما تختلف عنها ف ال أل سى دى تماما فسرعه الانتعاش ف معضظم شاشات ال LCD 60Hz او اكتر شويه بينما البلازما بتكون 120Hzولكن طبعا بتختلف ف السطوع وف حاجات تانيه كتير ف النهايه بتكون الصوره الافضل لل LCD
[aldl]http://farm5.static.flickr.com/4153/4839415434_ed1bc5337f.jpg[/aldl]
[aldl]
[/aldl]
طبعا زى ما حضرتك شايف فيه اختلافات ف الصوره فى مطش الكوره بالتأكيد الفرق دا مش هيبقى مهم قوى مقارنه بفرق الفلوس وعلى اى حال اى شاشه LCD كويسه هتحطها ف بيت حضرتك مهيكونش فيها مقارنه نهائى ف الصوره علشان مش هيكون جمبها غير شاشات ال CRT القديمه ودى تقريبا مفيش وجه مقارنه بيننها وبين ال LCD بتاتا حضرتك اختلاف جزرى بين الاتنين حتى تلاقى الشاشات القديمه الكبيره منها 28 بوصه مثلا تلاقى حجمها رهيب 5متر ف 5 متر هههههه, بالنسبه بقى لتقنيه ال LED
الـ LED أفضل وله عدة نقاط لصالحه، فتلفزيون ال سي دي بإضاءة LED يعطيك :
- سواد أفضل.
- معدل تباين أفضل.
- أحياناً سطوع ودرجات ألوان أفضل.
- شاشات نحيفة جداً.
- زاوية مشاهدة أكبر.
هناك عيوب يجب أن تعرف عنها ؟
ليست عيوب ولكنها عوائق معتادة في التقنيات الجديدة مثل :
- أسعار أعلى من تلفزيونات الـ LCD بمراحل.
نظرياً الـ LED أفضل ولكن فارق السعر قد يكون أكبر من المعقول أحياناً، ولكن إن كنت من عشاق الأحدث والأفضل والميزانية ليست بمشكلة لديك فاذهب للـ LED، أما إن كنت مهتم بالسعر فتلفزيون الـ LCD ممتاز جداً وسعر البلازما ايضا ممتاز اكثر وفي الغالب لن تلاحظ الفرق بين ال LCD & LED، ولاحظ أن أسعار تلفزيونات الـ LED في نزول مستمر مثلها مثل أي تقنية جديدة، وقريباً ستكون أسعارها مثل تلفزيونات الـ LCD.•طبعا فيه تقنة ال OLED , SMART TV من سامسونج بس دى لسه منزلتش هتنزل فى القريب العاجل ودى حوار تانى خالص هيغير وجه التلفزيون علشان بيتفاعل مع المشاهد عن طريق كاميرا فى التلفزيون تقريبا كدا بيسمع كلامه وبيفهم حركاته واكيد بيكون واصل بالانترنت بس لسه بدرى على ما الكلام دا ينزل عندنا ف مصر اكيد
فيه حاجه اخرى يجب أن تعرفها قبل الشراء ؟
فيه نوعين من الـ LED، نوع ممتاز و نوع أقل امتياز، النوع الأفضل معروف باسم local dimming LED و النوع دا هو الذي يعطي السواد والتباين الأفضل ولكن سعره أعلى، وفيه edge lit LED ودا يعطيك بعض مميزات الـ LED ومش كلها ودا سعره أقل،
•شركة Samsung فيها خاصية local dimming بمعنى أعطائك سواد وتباين أفضل بمقاسات مختلفه
خد بالك ! الشركات مش هتقول لحضرتك على الحوارات دى خد الموديل وادخل على الانترنت وابحث عن الشاشه وادخل على موقع الشركه واعرف ال Futures بتاعها ايه بالظبط
نيجى بقى للكلام المهم (الرسيفر) ودا انا بسميه الماتور اللى بيضخ الجرافك للشاشه زى كدا الناس اللى هيا مدمنه الجيمز مثلا بيعشقو حاجه اسمها كارت الشاشه اهو الرسيفر بقى دا عامل زى كارت الشاشه بتاع التلفزيون اللى حضرتك ناوى تجيبه باظبط ودا هيفرق معاك جامد لوحضرتك من مدمنين الكوره زيي كدا عندك الجزيره HD1 & HD2 دول لو فيه رسيفر اتش دى محترم هتتفرج على جيمز زى ما بيقول الكتاب بص حضرتك لو فيه واحد رمش من اخر واحد ف الاستاد هتشوفه كأنك قاعد جمبه بالظبط يعنى اخر كورنر الشاشه اخر مشجع جايباه الشاشه هيكون واضح بطريقه فظيعه ومستفزه بمعنى الكلمه طبعا فكك من دريم اتش دى واكيد فيه قنوات بتحول اتش دى على النايل سات بس حتى الان كله فكسان بمعنى الكلمه هيا الجزيره وبس حتى الان على النايل سات ولو عند حضرتك القمر هوت بيرد يبقى انت كدا بتتكلم فى كلام تانى خالص يعنى عندك اكتر من 270 قناه اتش دى تعمل على هذا القمر بلا مبالغه الرسيفر اللى حضرتك هتجيبه طبعا هيكون معاه سيرفر مجانى لمدة سنه فاتح تقريبا من قنوات الاتش دى دية حوالى 120 قناه HD من ضمنهم طبعا باقات النوفا والاسكاى والكنال بلس وطبعا مش هتحتاج تعمل داونلود لافلام اجنبى بعد كدا علشان عندك HBO1 HBO2 HBO COMDY ودى قنوات كلها HD وكلها احدث افلام حتى كلمه HBO دى اختصار لكلمه HOME BOX OFFIC يعنى قنوات اتش دى من الاخر لو حضرتك من مدمنين الافلام الاجنبى زى حالاتى فيه طبعا قنوات كتير غيرهم زى سكاى سينما 1 و 2 ونوفا سينما وغيرهم كتير اخر افلام اللى نازله بتعرضها وبأعلى جوده ممكن تشوفها ف حياتك حتى اعلى بكتير من اللى بتدونها من الانترنت.
نرجع لموضوعنا واسف على الاطاله فى المشاركه ف وجهه نظرى المتواضعه خليك فى سامسونج انت مش هتجيب شاشاه كل يوم شوف الحجم اللى يناسبك وتوكل على الله اى فئه اى حجم بس خليك فى كينج الصوره بلا منازع ولا ال جى ولا توشيبا ولا بطيخ كله فاكس بالنسبه لجوده الصوره جمب سامسونج ان شاله حتى الجيل الاول بالنسبه للدش اكيد حضرتك محتاج حاجه اتش دى فرق السما والارض عن الدش العادى اللى تقريبا مات حتى قنوات ال SD هتلاقى صورتها اختلفت وقربت من صوره ال HD ف الرسيفر ال HD طبعا مش هتتحسن تبقى HD 1080P يعنى ولكن هتتحسن بمعنى هتنطق شويه عن الدش القديم وفيه موديلات كتير زى الجوكر V2 طبعا فكك من V3 علشان صورته اى كلام او الافضل من تجربتى الشخصيه STAR SAT 6000 HD ودا فيه ميزات رهيبه واهمهم انه فيه وايرلس وتقدر تحط فيه الفلاشه بتاعة النت مباشرة بيتعرف عليها وبيعمل اتصال بالانترنت لوحده واكيد فيه الاتصال عن طريق كونفرتور لكابل الانترنت لو الشبكه عندك لاسلكيه بس ملحوظه مش كل الفلاشات بتاعه النت بتشتغل عليه يعنى الفلاشات القديمه بتاعه اتصالات شغاله تمام موديل E1550 HUAWI وكذا موديل تانى الانواع القديمه شويه مجربتش عليه الموديلات الجديده بصراحه.
وأسف مره تانيه على الاطاله وأى استفسار انا فى الخدمه.
اخى العزيز عندك الموديل دا Samsung LA32D450 32 inch LCD HDTV
فى كارفور سعره 2,599 L.E
ودى مواصفاتها
HD Ready (1,366 x 768)
Clear Motion Rate 50Hz
HyperReal Engine
Dynamic Contrast Ration (High Contrast)
Wide Color Enhancer
Anynet+ (HDMI-CEC)
ConnectShare™ (USB2.0)
Dolby Digital Plus / Dolby Pulse
SRS TheatreSound
dts 2.0 + Digital Out
10 Watts X 2 Sound Output (RMS)
down firing + full range speakers
1 Tuner PIP
2 x HDMI - 1 x USB - 2 x Component In (Y/Pb/Pr) - 2 x Composite In (AV) - PC In (D-sub)
هيبقى تمام الكيوماكس صورته جميله
متشكر أوي لحجم الردود الفعالة
أنا حاجيبه ان شاء الله عشان حاجتين: أوصله على الكمبيوتر و أشوف قنوات عادية عليه مش hd
السؤال دلوقت للي عنده الشاشة...هل في فرق واضح في جودة الصورة عن التلفزيون العادي؟
والا أجيب تلفزيون عادي أحسن زي ما عضو فاضل تفضل؟
ماهي هنا برده خدعة كبيرة (معلش كلامي كل عن الخدع)
انا في راي الشخصي صورة القنوات العادية على التلفيزون العادي انضف ! بس المشكلة حتشتري تلفزيون دلوقتي 29 بوصة لو لقيت مثلا من lg حتلاقيه ب 1500 - 1600 ...
حترميه كمان سنة ولا اتنين علشان حتلاقي الدنيا كلها قلبت hd ....
فالمفروض تقوم شاري دولقتي lcd علشان المستقبل
حتيجي كمان سنتين حتلاقي ال hd ده بقى موضة قديمة لانهم بالفعل بيعملوا شاشا دلوقتي (مش تجارية) اعلى على الاقل 4 مرات من ال hd و سنظل كدة على طول ..
الحل ؟
في راي المتواضع اشتري lcd بس متجبش اغلى و احدث و اقوى حاجة ... يعني شوف شاشة led مثلا بثمن مناسب (32 بوصة كفاية لغرفة المعيشة المصرية المعتادة) ملقتش هات حاجة lcd سامسونج مثلا عليها عرض او حاجة ..
يبقى جبت حاجة للمستقبل و ملبستش فيها كتير و حتستمع برده بشاشة كبيرة و دقة اقل بسيطة دلوقتي بس مش حتلاحظ يعني الفرق و حتبنسط برده .. ,لما القنوات تقلب hd حتبقى جاهز و تستمتع ساعتها برده .