ارجوا من ا احمد منسق القسم
عمل مقابلة سريعة لتجربة السيارات المصابة بالمرض
عرض للطباعة
ارجوا من ا احمد منسق القسم
عمل مقابلة سريعة لتجربة السيارات المصابة بالمرض
والله يا بيه اقرأ مشاركتك تانى وشوف انسب تعليق عليها يكون ايه
واحد او اثنين او حتى عشرة من ملاك العربية عندهم مشكلة وبيدوروا على حل وبيتناقشوا مع الاعضاء اللى هما اصلا من ملاك العربية ومش عندهم نفس المشكلة
تقوم سعادتك تدخل وتقول التقفيل المصرى والصنايعية الزبالة مع انك لو كلفت نفسك بالقراءة حتلاقى العضو اللى بيشتكى بيقول ان مركز ضبط الزوايا بيقوله ان المشكلة فى الموديل اليابانى كمان
وطبعا لازم انت اللى يتعلق عليك لانك مش من ملاك العربية وسيبت كل حاجة ودخلت فى عيوب التقفيل المصرى على طول .
ياريت ياجماعة .. نتناقش بعد اذنك باسلوب بعيد عن العصبية
وانا شايف ان فى 3 موضوعات او اكتر مفتوحة بسبب الحدفة الشمال .. والاعضاء اللى هنا بترد هنا .. والناس افتكروا ان فى حاجة عامة على كل العربيات
فياريت حد يتكرم من الاعضاء اصحاب الموضوعات المفتوحة عن الحدفة .. يجمعوا نفسهم فى موضوع واحد .. بالاقتباسات اللى عندك لكل الاعضاء اللى بتشتكى
واللى مش عارف يطلب مساعدة من المنسق او المنسق المساعد فى القسم
عشان لو الموضوع كبير .. يبقا الاعضاء مش يتشتتوا فى كذا موضوع .. وتعرفوا كام واحد بيتشكى .. وهل الموضوع عام ولالا .. وايه عيوبه بالظبط .. هل شاسيه وده نظامه .. ولا كاوتش .. ولا وزن .. ولا زوايا .. ولا ايه ولا ايه
لكن كدا بالطريقة كدا .. فمش حتعرفوا تستقروا على حل .. لان كلكم كدا مشتتين
وخالى بالكم .. مش عشرة عندهم مشكلة يبقا البلد كلها عندها مشكلة
ولو فعلا طلع 10 بس او 20 واحد فقط .. يبقا نتكلم ونقول ازاى حنحلها مع التوكيل فى المشاكل الخاصة دى .. ومنعممش
اما لو طلع 1000 واحد او اكتر وجمعناهم نبتدى نتكلم على ان كدا يبقا فيه شبه مشكلة عامة .. وان فى مشكلة فى الكواليتى كنترول
ما علينا
لازم يكون الكلام فى موضوع واحد مش فى كذا موضوع
تحياتى للجميع
واتمنى الالتزام بتحلى الهدوء .. فى اطار اخوى بعيد عن المشادات والانفعالات .. كلنا اسرة واخوة فى الله
منسق القسم
اولا مش من حقك تحجر على رأي حد حتى لو مش من ملاك العربيه و اظن ان كل اعضاء نيسان المحترمين ليهم مداخلات في كل الاقسام و بيتكلموا باحترام عن كده محدش قال لهم انتوا مش من ملاك العربيه و لما الرأي بيختلف بيكون الرد بمنتهى الذوق كنت مش بتريقه و طبل و زمر و بعدين انا كنت أتأسفت عن المداخله بس كنت عايز الفت النظر لجمعيه حماية المستهلك و بصرف النظر عن عيوب التقفيل لسه ابن عمي جايب الصني عشان في الاخر هي احسن حاجه مقابل القيمه و على العموم انا اللي غلطان اني حاولت اساعد و مش داخل القسم بتاعك تاني رغم احترامي لاعضاءه
استاذ هانى .. اسمحلى اختلف معاك فى اخر سطر
القسم مش ملكا لاحد .. القسم ملكا لكل اعضاء المنتدى .. وكلنا اخوة واسرة واحدة فى قسم نيسان وفى المنتدى جميعا
وواضح ان حضرتك انسان فى منتهى الذوق والاخلاق .. وتقديرك فى راسنا من فوق .. على اعضاء القسم
وبنتشرف بوجودك معانا وبارائك .. وصدقنى حتى استاذ حسام بردوا .. انت مشوفتوش قبل كدا .. من الناس القمة فى الذوق جداااا .. هو بس مش عاوز يوضح .. اننا مش فى مشكلة عامة .. لان لو فى مشكلة عامة وحتى لو سعر العربية ممتاز .. محدش حيشتريها بردوا .. لان المستهلك مش لاقى الفلوس فى الارض
فهو عاوز يوجه الناس ان الموضوع مش عام عشان فى اعضاء بتدخل كتير .. بتشيل لواء الهجوم .. والتريقة
فهى معلش جت غلط .. وانا بالنيابة عن جميع اعضاء القسم بعتذرلك عن سوء التفاهم ده
واهلا بيك معانا .. وبنتشرف حقيقى بوجودك وبجود كل اعضاء المنتدى
تحياتى ليك
+111111111111111111111111111111111111111
طيب في اعضاء راحوا لمراكز ظبط زوايا والعربية ظبطت معاهم و ناس عملت زرجينة وظبطت معاهم
معرفش التجارب ديه اتقرأت ولا لأ .......... وللاسف مفيش طريق في مصر عدل تعرف منه عربيتك مظبوطة ول لأ
انا بمشي علي بلبيس 140 و160 ةالعربية مش بتحدف ......في جزء معين من الطريق
الجزء اللي بعديه ببقي ماشي 90 والعربية بتترمي شمال مش بتحدف
انا مش بقول ان كلامكم غلط ..... بس للأسف الصنايعية في مصر ضاييعين الا مارحم ربي
وكتر اللعب في الحاجة بيبوظها
فياريت اللي اللي عنده مشكلةفعلا .... يحاول يتأكد الاول منها
وبعد كده في موضوع واحد يتيفح طرق لحل المشكلة.