تحذير : رادار متحرك على الكورنيش تحت الدائري

**tarek_2005** · 15-03-2012 12:36 AM

شكراً علي التنبيه انا رايح بكرة المشوار ده وطبعاً كنت هاخد المخالفة يعني هاخدها ليك في زمتي نصف تمن المخالفة ههههههههههههههههههههههههه

**hosar** · 15-03-2012 11:43 AM

حسبي الله و نعم الوكيل
نفس الاسلوب المستفذ القديم ماتغيرش

بيقفوا عشان يلموا فلوس فقط .. انما مش عشان يحافظوا عليك و يمنعوك من السرعات العالية

**تامر.محمد** · 15-03-2012 11:45 AM

المشاركة الأصلية كتبت بواسطة mailo

اللي أعرفه إن الرادار ده كان بيبقى موجود من كذا سنة مش الأيام دي بس
بس من قبل الثورة بفترة كده وهم مابيقفوش

في الاتجاه ده لأ
دي سكتي من سنين

المشاركة الأصلية كتبت بواسطة beshomilan

يانهااااااار 60 !!!!!!!!!!!!!
دانا عمرى مارحت المعادى بالعربيه واول مره امشى فى الطريق ده واول مره اروحها امبارح فحياتى يحصل كده!!!!!!!!!!!!!!

طالما ما وقفوكش يبقى اتطمن :)

المشاركة الأصلية كتبت بواسطة alaamousa

طالما السرعة زيادة يا ماعة يبقى من حقهم وبعين هما يختاروا المنطقة اللي ممكن تجري فيها ده لشئ كمان معرفش انتوا عارفينه ولا لأ لانهم من الموضوع ده بيلموا فلوس ودي طبعا في خزانة الدولة

1- شغلة شرطة المرور يا باشا انها تظبط المرور مش تلم فلوس من جيوبنا
2- الحقيقة و الواقع ان 60 جوة البلد دي قاعدة فاشلة و غير منطقية , لأن الشوارع اما شارع ما ينفعش تمشي فيه حتى على 40 , يا اما حتة مفتوحة زي دي ما بتصدق تاخدها بسرعة عشان تقف بعدها على طول في المطبات اللي هما حاطينها عشان ما يكلفوش نفسهم و يعملوا كوبري مشاة , و تكمل الطريق الزحمة عشان اليوترنات

**ahmed_122** · 15-03-2012 05:04 PM

المشاركة الأصلية كتبت بواسطة moumen_hs

ياريت حضرتك تفس اية موضوع السرينة الى على الموبيل دة برنامج ولا اية وشكرا

متابع

**medododo** · 15-03-2012 05:28 PM

شكرا على التحذير

**beshomilan** · 15-03-2012 10:46 PM

طالما ما وقفوكش يبقى اتطمن :)

لالالا دى بقى افهمها..
هى المخالفة بتدفع فورى؟؟
يعنى فى كمين بعد الرادار بيوقف كل واحد عمل المخالفة دى؟؟بس انا ملمحتش اى كمين فسكتى
ياريت تشرحلى النقطة دى ياتامر بيه
والغرامة كام بعد اذنك

**farahat** · 16-03-2012 12:06 AM

شكراً على التنبيه ، وربنا يسترها مع الجميع .

موضوع الموبايل دة مع احترامي مش صحيح أبداً ، مفيش أي جهاز موبايل يقدر يعرف مكان رادار ، دة أولاً ، ثانياً حتى لو حضرتك بتتكلم على جهاز كشف رادار مش موبايل ، أي جهاز تحديد رادار لازم يكون موجه للشعاع بتاع الرادار ، يعني ماينفعش يكشف رادار وهو مش أدامه أو وراه مباشرةً (ما بالك لو دة تحت الكوبري ودة فوقيه !! )

**M.Elgergawy** · 16-03-2012 12:37 AM

بالنسبة للأعضاء اللي بتسأل على موضوع الرسالة التحذيرية على الموبايل
دا برنامج بينزل من nokia ovi store والبرنامج اسمه trapster ودا بيشتغل عن طريق ال gps يعني لازم موبيل يكون بيدعم خاصية ال gps ودا انا مجربه وشغال ممتاز معايا من سنة تقريبا وكنت في الصيف بشغله على الصحراوي والعلمين وكنت ظابطه على المنحنيات الخطيرة والرادار قبل المنحنى او الرادار ب 2كم وداخل البلد ظابطه على الرادرات بس قبلها ب 500 متر
ملحوظة هو بيدي رسالة تحذيرية بوجود رادار ثابت بصرف النظر الرادار شغال او مش شغال
وعلى فكرة هو ينفع لاي نوع موبيل