للاسف ... استخدام النقاب في التسول
كتير مننا واحنا راكبين عربياتنا بنتعرض للمتسولين والشحاتين سواء في الاشارات او وانت راكن عادي تحت البيت
اغلب المتسولات بيستخدموا النقاب للتسول
وبقيت اشوف الموضوع ده كتير ومنتشر جدا كل اللي بيشحتوا لابسين نقاب وشايلين العيل الصغير والعبارات المعروفة ( ساعدني يا بيه ااكل العيال ) ( والنبي حاجة للعيال )
طبعا اغلبنا بيصعب عليه يسمع كدة وبيضطر يطلع حاجة
بس جيه في بالي ليه اغلبهم كدة
والسبب انهم بيستخدموا النقاب عشان يداروا شخصياتهم الحقيقية زي ماحصل معايا
كنت مرة ماشي في رمسيس على رجلي لقيت واحدة ماسكة اكياس مناديل قاعدة بتتسول في الشارع
قربت منها عشان ماشي في طريقي واكتشفت حاجة غريبة
الست دي بوابة عندنا في المنطقة وكان معاها ابنها حوالي 10 سنين .. اول ماشافني راح متدور بوشه عشان مشفهوش وطبعا اللي عرفني انها هيا اني شوفت الواد ده قاعد جنبها
ومعلومة مهمة اكتشفتها ... ان البوابة دي عندها عمارة في منطقة الاميرية او السواح وكمان عندهم عربية لانسر 1300 وفورد توراس ههههههههههههههههههههههههه ههههههههه
عشان كدة يلاش ننخدع في الناس دي .. يعني بدل ماتشحت ممكن تشتغل شغلانة شريفة احسن وبلاش تستغل النقاب في حاجة زي دي
وربنا يتوب علينا من القرف ده والبلد دي بقى