تسارع اكثر اذا لم اقوم بتسخين السياره

**yoga** · 14-03-2012 02:54 PM

يحدث ان عندما اقوم بتشغيل السياره صباحا او فى اى وقت ولم انتظر حتى يرتفع مؤشر الحراره ع الاقل على اول شرطه وخصوصا فى الصباح فان السياره تتسارع لوحدها وبدون تدخل منى واضطر الى الدوس على الفرامل لتهدئتها وتنقل اول نقله وتظل عليها يعنى بتزييد فى السرعه لوحدها لحد ما توصل ال 25 كيلو ف الساعه انما لو حبيت امشى برراحه اقل من كده مينفعش لانها بتزوود ف السرعه بشكل سريع ومتسارع وبتنقل اول نقله
كشف الكمبيوتر سليم ......... يا ترى ايه الحل

فى حاله الانتظار حتى تسخن السياره وع الاقل الشرطه الاولى فان السياره تكون هادئه وتستجيب لدوسه البنزين فقط يعنى ما دوستش بنزين بتبقى بتمشى بررراحه وبهدوء الى ان ادوس بنزين تبدا فى التسارع بناء على مقدرا الدوسه

السياره 1300 سى سى اتوماتيك 2008 لانسر بومه

**eldell** · 14-03-2012 02:57 PM

عن تجربه ياباشا العربيه مفيهاش اى حاجه بس الصبح لما بتيجى تدور العربيه بتلاقى الار بى ام رافع عند 1.5 او 1.8 وحضرتك بتجيب الd عادى فاكنك بالظبط دايس بنزين فعلشان كده بتلاقى العربيه بتتنطر معاك علشان العربيه بتكون لسه مش سخنت يااااارب تكون فهمت قصدى

**ahmedeihab** · 14-03-2012 03:02 PM

العربيه زيت الفيتيس بيبقى بارد جداااا
و ده بيدى تجميع اعلى للعربيه
و كمان ال أر بى ام بيبقى عالى علشان يسخن العربيه بسرعه
و بعد ما العربيه تسخن بيرجع ال أر بى ام تانى زى ما كان
علشان كده بتحس ان العربيه فايره
^_^

**Hamdy Masria** · 14-03-2012 03:09 PM

المشاركة الأصلية كتبت بواسطة eldell

عن تجربه ياباشا العربيه مفيهاش اى حاجه بس الصبح لما بتيجى تدور العربيه بتلاقى الار بى ام رافع عند 1.5 او 1.8 وحضرتك بتجيب الd عادى فاكنك بالظبط دايس بنزين فعلشان كده بتلاقى العربيه بتتنطر معاك علشان العربيه بتكون لسه مش سخنت يااااارب تكون فهمت قصدى

تمام كده
الفكرة كلها فى السخان ال Shock
العربية بتعلى اتوماتيك لغاية ما توصل لدرجة الحرارة المطلوبة
وبعد كده السخان بيفصل وترجع توطى تانى
عشان كده لو حضرتك مشيت على طول بيكون السخان بيقوم بوظيفتة
واول ما العربية توصل لدرجة السخونة المطلوبة يفصل والآر بى ام يرجع لطبيعتة

**ahmedsamir5edr** · 14-03-2012 03:14 PM

+1111111111111111111111111111111111

**yoga** · 14-03-2012 03:16 PM

سعيد جدا جدا للتفاعل والردود ............. بارك الله فيكم بس بابقى متضايق من العربيه لان لازم ابقى دايس ع الفرامل علطوول لحد ما تسخن بحس ان هيا اللى بتتحكم فيا مش انا اللى باتحكم فيها

............. انما لما باستنى لما تسخن تقريبا ف حدود ال 3 دقايق وامشى بتكون تمام

**drhegab** · 14-03-2012 03:20 PM

دي حاجه طبيعيه جدا لان العربيه بتكون السخانات بتاعتها شغاله بترفع الار بي ام يعني العربيه بتكون عاليه ف بتجري لواحدها

**zokla** · 15-03-2012 02:15 PM

نصيحه يا باشا تسخين العربيه حاجه مهمه جدا حتى لو الوكيل قالك نص دقيقه تسخين او مصنع الزيت قالك امشى على طول اول ما تدور
و ردود الشباب كانت جميله جدا ومظبوطه
انما بجد لازم تسخن العربيه كويس لان لانسر عربيه موتورها تقيل فى المعادن اللى متصنع منها و ده بيعمل مشاكل مع الشباب اللى بتقرص عليها كتير و الصبح ديما بشكل مفاجى و بيسبب مشاكل بيكون دايما اولها ان صوت الكامتين و الصبابات بيكون عالى و مستمر بعد فتره من الزمن (طويله ) و يبان اكتر فى لانوس على فتره قصيره من الزمن و ده راجع لان الصبابات و عمود الكامات بيقفع شويه من التغير المفاجئ فى درجه الحراره
و نفس الكلام لما تبقى جى من مشوار طويل او بتقرص على العربيه جامد لازم تسيبها دايره شويه لحد ما تسمع مروحه الراديتير اشتغلت وطفت و بطل العربيه بعدها
و ربنا يباركلنا فى عربيتنا و يكفينا شرها
اسيبكوا بالعافيه