عايز عفشجى كويس

**المنسي** · 14-03-2012 04:14 PM

عايز حد بتاع عفشة يكون كويس عشان عايز اغير 4 مساعدين واشد العفشة كلها بس يكون قريب من الهرم اوالجيزة وتنصحونى اجيب جديد ولا استيراد وبسال كمان على موضوع الحشو بتاع علبة الدريكسيون كويس لو اتعمل ولا اجيب علبة دريكسيون استيراد واسف على الاطالة

**المنسي** · 15-03-2012 10:07 AM

المشاركة الأصلية كتبت بواسطة ayman20100

موضوع العفشجي اعذرني مش هقدر افيدك فيه
بالنسبة للعفشة ما تجيبش استيراد الجديد احسن ولو صيني عشان تبعد عن وجع الدماغ في انها ممكن تكون مش كويسة وسعرها مبالغ فيه
حشو الاسكترا شغال على حسب العفشجي لو كويس هيعملهاك وهتعيش وشوف هو هيقولك ايه برضه

شكرا لردك يا استاذ ايمن وجزاك الله خيرا يعني فى راى حضرتك ان الجديد احسن انا سمعت انه مش بيقعد سنة وبتحصل فيه مشاكل وواحد قاللى لو هتجيب جديد استرخص ومتجبش حاجة غالية عشان كله زى بعضه يا اما تجيب نص كامل استيراد المساعد بالسوست بالطنبورة بكل حاجته وقاللى هتجيبه ويشيل القديم ويركبه بس انا مش بعرف فى الحاجات الاستيراد من ناحية كويسة ولا تعبانة وبالنسبة لحشو الاسكترا لو اتعمل هيبقي كويس ولا ممكن يقلى انت محتاج اسكترا معلش طولت عليك هل الميكانيكي اللى يعمل حشو الاسكترا ولا العفشجى يووووووووووووه دا انا رغاى اوى

**sakr_skoda** · 19-03-2012 04:52 PM

على فكرة انا لسة امبارح عامل الحجات اللى حضرتك بتقول عليها*

انا جبت جلد المقص القطعطين لكل جنب ب50 جنية(اجمالى 100جنيه لجنبين) ورحت للعفشى قالى الاسكترا عاوزة تتغير قلت ليه سعرها كام قال فى حدود 425 جنية جديدة قلت الحل مش ماشى الايام دى اتصرف قال ماشى وحشاها وتمام التمام وقال انو فيه مساعد ضارب زيت قلت ايه العمل قال يتغيير انا رايح بور سعيد بكرة اجيب لك واحد 100% قلت له بكام قال125 جنية قلت توكل على الله واهو مستنى يتصل بي وقولى انو جاب المساعد علشان ارحلة....