ما هى السياره فيلت القديمه اللى ركبتها و مش قادر تنساها ؟

**zokla** · 14-03-2012 05:49 PM

انا فى حياتى مش هنسى عربية اخويا فيات 132 1600 موديل 1979 و كانت تسمى نادره اكنها واحده ست يعنى عشان كان موديل عزيز اوى و كانت فعلا عربيه نادره فى عز الايام دى كانت مرسيدس فى سنه 1994 بتجرى على الصحراوى 160 170 و كانت سرعه خزعبليه يعنى
و اخويا كانت معاه العربيه دى و بيجرى بيها 160 170 برضه و كانت ثابته اوى و راسيه تمام
يلا يا فياتاويه كل اللى ليه تجربه يحكيها مع الفيات القديم
بس و النبى بلاش قصص العذاب خلينا كده نسمع حاجه حلوه مع فيات الماركه الاولى فى العالم ( بالنسبه ليا على الاقل)
و ربنا يباركلنا فى عربيتنا و يكفينا شرها

**maryano** · 14-03-2012 06:15 PM

انا اول عربيه اتعلمت عليه السواقه كانت 127 زرقاااا كانت بتعت ولدتي بصراحة كانت اصيله بس بردو ميسلمش من بعض مواقف مش حلوة و غير اني طويل ولما بصوقهااا الدركسيون كان بيبقي بين رجلي كانت اول عربيه اخرج بيهااا مع اصحابي و سفرت بيها اسكندريه و الساحل ورجعت زي الفل بس فاكر اول مخدت الرخصة و طبعااا بجري و ولدي معايااا لبست مطب الشكماان جيه علي الارض و اتخرم و ختلي طلمتين حلوين

**lanos2004** · 14-03-2012 06:19 PM

مش او سيارة فيات ركبتها بس سيارة فيات 127 كانت معلمه على الصحراوى كله ومتقليش ازاى --انا وصحبى كنا فى فورد فوكاس 2004 ومش عارفين نحصله على الصحراوى غير انها كانت متظبطه زى حتت الالماظ -ودى الفيات الوحيدة الى مش هعرف انساها لان كنا بنجرى وراه 190 ومش عارفين نجيبه

**zokla** · 14-03-2012 06:26 PM

المشاركة الأصلية كتبت بواسطة lanos2004

مش او سيارة فيات ركبتها بس سيارة فيات 127 كانت معلمه على الصحراوى كله ومتقليش ازاى --انا وصحبى كنا فى فورد فوكاس 2004 ومش عارفين نحصله على الصحراوى غير انها كانت متظبطه زى حتت الالماظ -ودى الفيات الوحيدة الى مش هعرف انساها لان كنا بنجرى وراه 190 ومش عارفين نجيبه

جامد اوى الكلام ده هى دى 127 حبيبتى

**MohaMed_Refaat** · 15-03-2012 12:37 AM

ال 132 ولسة موجودة :)))
بصراحة عربية لها رونق وطعم قيادة خاص بيها حتى فى جريها تحب تجرى بيها كدة

**homme49** · 15-03-2012 04:02 AM

لا أنسى الفيات - نصر 1300- كانت لدى الأسرة فى سنة 1963 و كانت سيارة ممتازة بكل المقاييس و كان سعرها
975 جنيه مصرى و هى على الزيرو من شركة النصر للسيارات
و مازال حتى الآن لى شوق لتك السيارة حتى أننى لو شاهدت إحدى السيارات فى الشارع أتوقف طويلا و انظر تجاهها
و ما زلت أرغب فى إقتنائها لو بحالة جيدة .

**saadelden** · 15-03-2012 10:20 AM

مصر كلها ركبت فيات d:
ناس ركبتها و عجبتها و سابتلهم ايام حلوه
و ناس ركبتها و طلعت عينها و كرهتها في حاجه اسمها فيات

انا معايا 131 و اهي ماشيه و مقضيه الغرض
ميزتها ان بعد 35 خدمه و لف في الشوارع و تلاقيها ماسكه نفسها بعكس عربيات تانيه كتير
بس تحس ان العربيات دي شتوي شويه :d اما بيجي الصيف مشاكلها بتكتر و بتبتدي تصرف

**semsem_uno** · 15-03-2012 10:27 AM

المشاركة الأصلية كتبت بواسطة lanos2004

مش او سيارة فيات ركبتها بس سيارة فيات 127 كانت معلمه على الصحراوى كله ومتقليش ازاى --انا وصحبى كنا فى فورد فوكاس 2004 ومش عارفين نحصله على الصحراوى غير انها كانت متظبطه زى حتت الالماظ -ودى الفيات الوحيدة الى مش هعرف انساها لان كنا بنجرى وراه 190 ومش عارفين نجيبه

لونها احمر ؟؟؟؟؟؟

**MohssenRashed** · 15-03-2012 10:36 AM

اكتر فيات منسهاش و كانت تحفة, فيات ارجنتا بتاعت خالي كمية اوبشنز ساعته و ثبات و اللي اعرفة ان فيات خسرت في العربية دي.

**MohssenRashed** · 15-03-2012 10:38 AM

المشاركة الأصلية كتبت بواسطة semsem_uno

لونها احمر ؟؟؟؟؟؟

لؤي

الموضوع: ما هى السياره فيلت القديمه اللى ركبتها و مش قادر تنساها ؟

LinkBack

أدوات الموضوع

عرض

ما هى السياره فيلت القديمه اللى ركبتها و مش قادر تنساها ؟ - انشر الموضوع فى :

-

-

-

-

-

-

المواضيع المتشابهه

ازاى اعرف البوابه اللى عندى الجديده ولا القديمه

أول حادثة في حياتك ومش قادر تنساها

الحاجات اللى ركبتها النهاردة

فيلت 125 بولندي للبيع

هى دى اللى موجوده الان ولا القديمه

الكلمات الدلالية لهذا الموضوع

المفضلات

المفضلات

ضوابط المشاركة