أستني الفئة الثالثة الشكل الجديد أو فكر في دول : Volvo s80, volvo s60 r
عرض للطباعة
أستني الفئة الثالثة الشكل الجديد أو فكر في دول : Volvo s80, volvo s60 r
تسلم يا باشا ،،، ألف شكر.
سبحان الله ،،، انا فعلا روحت موزع فولفو اللي في شارع اللاسلكي في المعادي من اسبوعين علشان أشوف ال S80 بس مالاقيتهاش معروضة ،،، شوفت ال S60 مع أني كنت شوفتها قبل كدة ،،، فولفو عربية فعلا محترمة جدا وعلى بالي وبدأت تنتشر خصوصا ال S60 بس ناس كتير بتشتكي انها Noisy قوي على السرعات العالية.
والله يا رجالة انا فعلا محتار (جداً) ،،،، المقارنات صعبة قوي في المستوى ده ،،، ربنا بسهل.
إنت فى نفس موقفى بالظبط أنا بردو معايا سيفيك 2009 وهبعهاوبفكر فى كل العربيات دى إضافة للمرسيدس c180 الجديده جميله جدا
بعد التحيه ،
عن تجربه فى 4 سيارات بى-ام لا يوجد اى فرق بيع التجميع و الالمانى - ثق فى كلامى 100%.
و لا يوجد على ارض الواقع اى دليل يثبت عكس ذلك !! يعنى ايه التقفيل ماكانش عاجبه ؟؟ ازاى يعنى ؟؟ مستحيل تلاقى الا فرق !!
لو حضرتك ربطت عينيك و جربت الاتنين مش حتعرف التجميع من الالمانى :)
اطمئن من النقطه ديه - تحياتى لك....
إمبارح واحد (ربنا يسامحه) قال لي "مافكرتش ليه في ال a4؟" ,,, قلت له تصدق هي كانت ناقصة حيرة.
ربنا يوفقنا لحسن الإختيار ,,, وياريت إللي يرسى على بر فينا يقول للثاني :)
والله أنا كمان مش مقتنع إن الفرق يكون كبير لأن العربيات دي في المستوى ده لو طلع فيها فرق ولو بسيط بين الألماني والتقفيل المصري الناس كانت راحت للألماني من غير رغي كتير ووجع دماغ ,,, أصلها هاتبقى كلمة واحدة "يوم ما أدفع ثمن الألماني يا أركب ألماني بجد يا بلاش منها وأركب ياباني أو أوروبي وفلوسي في جيبي" ,,, ربنا يسهل ويلهمنا الإختيار الأصلح ,,, وألف شكر يا باشا على رأيك.
للمره الالف : لا يوجد اى فرق يذكر - الناس بتكلم و خلاص !! حضرتك البى-ام هى و المرسيدس بتتجمع من ايام ابو الفتوح من سنه 1999 يعنى من 12 سنه - يعنى لو الموضوع ده صح مكانش استخبى !! و المثال على ذلك ان الاوبل فيكترا فى اول سنه تجميع بان فيها عيوب الدنيا و الاخره و خسرت سوقها و سمعتها حتى اليوم ولكن اخر شكل المانى صلح شويه و باع معقول !!
اتكل على الله و بالتوفيق ...