.... فكره من اجل التطوير ....*

**_hema** · 14-03-2012 08:13 PM

السلام عليكم ورحمة الله وبركاته

عندى اقتراح

بس فكرته مجنونه شويه

الفكره تعتمد اساساً على تطوير العقليه البشريه والفكر الاستراتيجى للمعامله مع مالكى السيارات وليس المعامله مع جيوب مالكى السيارات الا وهى

طبعاً كل صاحب سياره لديه رقم موبايل

رقم الموبايل هذا لابد وان يكون مسجل فى ادارات المرور وذلك عن طريق تدوينه كبيان اساسى عند استخراج الرخصه او تجديدها على ان يكون هناك إلزام على صاحب السياره إبلاغ المرور التابع له حال تغيير رقم تليفونه ( هذا الشق الاول )

اما الشق الثانى

فهو تركيب كاميرات على طول الطرق السريعه بمسافات معينه ومعلومه لكل الناس وليس بهدف تحرير مخالفه ردار ولكن الهدف منها تصوير السياره التى تخطت حاجز السرعه القانونيه بالوقت واليوم والساعه ويتم ارسالها فى ذات التوقيت اى اداره المرور التى تتواجد الكاميرا فى نطاقها

بعد ذلك يتم البحث من خلال شبكه الكمبيوتر فى ارقام السيارت عن صاحب السياره الذى سبق تدوين رقم تليفونه
يتم ارسال رساله تحذيريه لصاحب السياره بانه تجاوز السرعه القانونيه وانه حاله التكرار للمره الثانيه سيتم تغريمه غرامه ماليه يتم تقديرها بمعرفه المختصين على ان تكون غرامه رادعه
حال تكرار المخالفه للمره الثالثه تسحب رخصته لمده عام وتلغى نهائيا حال أصراره على تكرار المخالفه

ساترك لحضراتكم الابحار فى هذه الفكره واتمنى حضوركم المشرف للتعليق او اضافه جديد على الفكره او من لديه افكار افضل فليتقدم بها هنا

ولو حازت الافكار قبول الاعضاء او إحداها تكون المرحله المهمه وهى ضروره التقدم بالفكره الى ذى الامر لمحاوله تنفيذها

اكيد بذلك سيشعر صاحب السياره بان هناك تقدير وخوف على حياه صاحب السياره حيث ستقوم الاداره المختصه بالمرور باتباع النهج الحضارى فى التعامل معه

فالبتالى سيتغير السلوك الى الأفضل وتتهاوى من اذهاننا فكره تحرير المخالفات بهدف الحصول على مافى جيوب اصحاب السيارات

انا بحاول ان نكون من ذوى السلوك الحضارى

اشكركم من كل قلبى

لكم منى ارق التحيات

**Amr Axel** · 14-03-2012 08:25 PM

الفكرة ديه مطبقة في دول كتير منها السعودية
رقم موبيل صاحب العربية مدون في المرور و كاميرات المراقبة تلقط العربية المخالفة و تبعت رسالة نصية بالمخالفة لصاحب العربية
و نتمني ع الاقل تطبيقها هنا و بعدين نفكر في تطويرها و قبل تطبيقها يتم تجديد و تطوير كل الشوارع سواء رئيسية او داخلية و العلامات المرورية من الاخر الشوارع تصلح لتطبيق كل الافكار و التطويرات الجديدة
انا مش عايز احبطك لكن هي ديه الحقيقة احنا محتاجيين حاجات كتيير الأول عشان نطبق الافكار و التطويرات الجديدة اللي مطبقها بقلها سنين برة

**_hema** · 14-03-2012 08:33 PM

اخى الكريم

اشكرك على عطر مرورك

الموضوع مش موضوع إحباط

لو على الاحباط كان زمان كل واحد فى مصر خد كأس الاحباط عشان كلنا محطبين من كل حاجه

ولكن سيظل الأمل هو بارقه النور التى دائما نرنو اليها وسط الظلام الحالك

وطريق الالف ميل يبداء بخطوه

فليبداء كل واحد منا بنفسه ولاينظر الغير يبداء حتى يبداء هو

لك كل الود

**el_nahal2004** · 19-03-2012 12:30 AM

المشاركة الأصلية كتبت بواسطة se_coralsea

أخي الكريم ..

طبعا فكرة رائعة و لكن تنفيذها يجب أن يكون ضمن منظومة شاملة لتطوير المرور كالاتي :
1- تطوير الطرق و أن تكون مطابقة للمواصفات العالمية
2- تطوير أدارات المرور و تزويدها بالامكانيات التي تؤهلها من اداء عملها
3- عمل قانون مرور حقيقي هدفه تنظيم المرور و ليس جباية الاموال
4- أعادة تأهيل رجال المرور و تدريبهم بشكل جيد يمكنهم من التعامل مع معطيات العصر
5- أعادة تأهيل قائدي المركبات أنفسهم و كذلك المشاة
6- أعادة النظر في مواصفات السيارات و المركبات بكافة أناوعها و تقنين اوضاعها علي الطرق المصرية

طبعا كل هذا يجب ان يتم مع بعضه و ليس بند واحد فقط لأن من الاخر أحنا ماعندناش منظومة مرور أصلا

للاسف انت كلامك مظبوط
ومش هينفع يتعمل ده غير لما يكون الحاجت دى متواجدة,فحلنى لما خطوة من الخطوات دى تتعمل
بس هية الفكرة بصراحة اكثر من رائعة

**_hema** · 19-03-2012 05:14 PM

المشاركة الأصلية كتبت بواسطة se_coralsea

أخي الكريم ..

طبعا فكرة رائعة و لكن تنفيذها يجب أن يكون ضمن منظومة شاملة لتطوير المرور كالاتي :
1- تطوير الطرق و أن تكون مطابقة للمواصفات العالمية
2- تطوير أدارات المرور و تزويدها بالامكانيات التي تؤهلها من اداء عملها
3- عمل قانون مرور حقيقي هدفه تنظيم المرور و ليس جباية الاموال
4- أعادة تأهيل رجال المرور و تدريبهم بشكل جيد يمكنهم من التعامل مع معطيات العصر
5- أعادة تأهيل قائدي المركبات أنفسهم و كذلك المشاة
6- أعادة النظر في مواصفات السيارات و المركبات بكافة أناوعها و تقنين اوضاعها علي الطرق المصرية

طبعا كل هذا يجب ان يتم مع بعضه و ليس بند واحد فقط لأن من الاخر أحنا ماعندناش منظومة مرور أصلا

اخى الكريم

السلام عليكم ورحمة الله وبركاته

اشكرك على عطر تشريفك موضوعى

وانا اؤيد كلام حضرتك

واضيف اليه اننا لابد ان نطور العقول قبل ان نطور ادوات التنفيذ لانه كيف نطور ادوات والعقل المنفذ لها غير مطور

اتمنى ان نجد عقول مطوره تعمل لصالح الوطن والمواطن وليس ضده

اكرر شكرى لحضورك المشرف

**_hema** · 19-03-2012 05:17 PM

المشاركة الأصلية كتبت بواسطة el_nahal2004

للاسف انت كلامك مظبوط
ومش هينفع يتعمل ده غير لما يكون الحاجت دى متواجدة,فحلنى لما خطوة من الخطوات دى تتعمل
بس هية الفكرة بصراحة اكثر من رائعة

اخى الكريم

السلام عليكم ورحمة الله وبركاته

اشكرك على انضامك برأىك العطر لموضوعى

كل منى كل الود

**_hema** · 20-03-2012 11:10 PM

المشاركة الأصلية كتبت بواسطة me_medoo

بصراحة موضوع جميل ... والفكرة أكثر من رائعة ... ومفيش حاجة صعبة لكنها تستلزم قرار سياسي حكيم ومشروع قومي لتطوير مصر ... في الخارج الموبايل مفعل بشكل كبير ... من حيث الشراء والبيع ... ودفع الفواتير والاشتراكات الاخرى ... لكن في مصر هنا معمول علشان خاطر الرغيي والمعاكسات ... وأتكلم مين قدك .

انا برأيي لازم أولاً نوحد التعريفة المكالمات في مصر بين كل الشركات ... أما من ناحية العروض كل شركة هيا حرة في عرضها وساعتها محدش هيشيل رقم ورقمين و تلاته لأن ده التخلف بعينو ... ثانياً : تفعيل الدور القضائي بشكل اوسع يعني مينفعش الاقي حد بيعاكس ولا بيستظرف ومقدرش اجيب بيناتو نهائي .

ثالثاً: تبقى حكومتنا حكومة اليكترونية بجد ... وحكومة ذكية .. مش كومبيوترات في ايد شوية اغبية ... وبيستخدموها مجرد الالة طباعة ... وبيسموها برينت ... روح هتلي برينت من الكمبيوتر الي جمبي ... وتقلو طيب والكمبيوتر الي قدامك مش عليه بيناتي يقلك لأ ده حاجة ودي حاجة ههههههههههه ... وابسط مثال لمن تروح تطلع بطاقة يقلك انزل تحت هتلاقي كمبيوتر قلو عاوز برينت ... وخد البرينت واطلع الدور التالت قلهم عاوز اعمل شهادة ميلاد بالكمبيوتر ... بعد ماتعمل شهادة ميلاد بالكمبيوتر من امو خمسة جنية هتهالي وتعاله علشان أعملك البطاقة الي بالكمبيوتر ياحبيبي ياحبيبي ... شايف التكنولوجية ... غير كده وكده نظام مبارك والسيستم بتاعو الي بقالو 30 سنة هوا هوا متغيرش ... النظام مش مقصود بيه افراد ... لالالالالا ... ده تصور خاطئ ... لكن قانون عصر مبارك لسه متبع ... نظام الرخامة والروتين والبيقراطية لسه متبع ... وروح اتعامل مع موظفين الحكومة هتكتشف ان مفيش اي ربط في المعلومات بينهم وهما يمكن مش عارفين هما بيعملو ايه ؟؟؟ او ايه الاجرائات المتبعة .... والمصيبة هتكتشف ان كل النظام الموجود مش لحمايتك وحماية حقوقك وحق الدولة لألألألألألأ ... ده نظام عطلة في عطلة ولف على المكاتب ... وكان النظام تدويخ المواطن ده موجود علشان المواطن يفضل يدوخ يدور على حقو ... ويدوخ علشان يطلع ورقة ... علشان مايفكرش في السياسية او السلطة ... ونشغلووو انو يقعد يلف ويلف علشان يعمل مصلحة حكومية او يستخرج ورقة ... وده مثلها عادل امام في فيلمو الارهاب والكباب ... المواطن البسيط الي اتجنن وكان هيضرب الموظف الي معطلو بقه ارهابي لأنو عاوز ينقل ملف مدرسة عيالو ... ده غير الخزنة الي بتفتح4 ساعات في اليوم ... واذا قفلت الخزنة فعليه العوض ومنو العوض فوت علينا بكرة ... لكن بأمانة الموضوع مش صعب ولا مستحيل ان مصر تبقى بلد زي العالم والناس وزي بلاد كتير ... بس احنا محتاجين قرار سياسي حكيم وفكر مستنير ... بأننا نواكب التطور ونلحق الناس الي سبقونا بدل ما احنا محلك سر ... وودنك منين يا جحا .

فكرت الموبايل بقت مطبقة في دول كتير من العالم ... رقم واحد بأسمك وبيناتك ... مش لعبه وسبهلله زي عندنا رحت ابيع موبايل من يومين في شارع عبدالعزيز ... فالراجل علشان يجرب الموبايل اتصل على النجدة 122 من أي خط مرمي عندو وقعد يشتم فيهم وقفل الخط في وشهم ... وقالي لا بصراحة يابش مهندس موبايلك 10 على 10 الصوت واضح ونقي ههههههههههههه ... فشايف الفكر المتخلف واذا الحكومة مش قدرة تاخود حقها ياترى المواطن يقدر ياخود حقو عليه العوض ومنو العوض .

اخى الكريم

السلام عليكم ورحمة الله وبركاته

حضورك اثرى موضوعى

اشكرك على عطر كلامك وانا اؤيد حضرتك فيما قلت واحب ان الخصه فى ان مصر تحتاج الى تطوير العقول التى تعمل وليس تطوير اجهزه الكمبيوتر فكيف نطور جهاز والقائم على عمل الجهاز فكره غير مطور اى انه كيف اتعامل بتكنولوجيا تسبق العقل البشرى دون ان يتدرب عليها اكيد سيكون هناك فجوه... فنحن نحتاج الى تطوير العقول اولاً لان العقل هو صاحب الفكر الجيد

اكرر شكرى لحضورك

لك كل الود

-

-

-

الموضوع: .... فكره من اجل التطوير ....*

LinkBack

أدوات الموضوع

عرض

.... فكره من اجل التطوير ....* - انشر الموضوع فى :

-

-

-

-

-

المواضيع المتشابهه

حل متكامل لأزمة المرور داخل القاهرة الكبرى و قابل للتوسع و التطوير

لادا 2170 .... هل هناك امل في التطوير؟؟

إغلاق الطريق الصحراوي من جهة الأسكندرية بداية الأسبوع القادم لإستكمال أعمال التطوير

الكلمات الدلالية لهذا الموضوع

المفضلات

المفضلات

ضوابط المشاركة