الموضوع: عايز اركب سماعتين بيضاوي في السريع

بسم الله الرحمن الرحيم
السلام عليكم و رحمة الله و بركاته

ازيكم يا رجالة عاملين ايه ؟؟

انا قولت هركب ساوند سيستم واحدة واحدة يعني سماعات ثم هيد يونت نضيف ثم نبص للجي ام والصب بعدين
و العدة اللي راكبة عندي دلوقتي هي

سماعتين كلاريون بيضاوي بلاش اقول الوات عشان متضربش بالنار هنا
كاسيت كلاريون ARX1970
و ديه امكانياته
Clarion Singapore | ARX1970

فدلوقتي عايز اجيب سماعتين بيضاوي حلوين بس يكونوا تمام عشان لما اركب هيد يونيت بعد كده و جي ام و صب يكون قابلين مش تعبانين
و هركبهم مؤقتا طبعا ع الكاسيت الكلاريون اللي فوق
و محتار بايونيير و لا كينوود و كام وات ؟ و منين من التوكيل بتاعهم و لا من واحد برة ؟ و الصناعة ايه ؟
و المبلغ اللي جاهز للسماعات 300 -350 بالكتير
بالاضافة لتمن الرف لو عملت واحد بس طبعا هعمله ع ايدي عشان غاوي
و طبعا عايز صوت نقي و بيز و تربيل محترميين


الهيد يونت بقي في المستقبل البعيد ان شاء الله ههههههههه
بايونيير بس و لا كاسيت و لا سي دي
لأني اغلب الوقت فاتح الراديو او حاطط ام بي ثري او فلاشة غير كده لأ
و مش هجيب حاجة دبل ان يعني مع ان مكانها جاهز
فايه الموديلات المتوافر فيها القصة دي ؟؟ و سعرها في حدود كام ؟؟ و برده منين توكيل و لا مكان تاني محترم ؟؟


سيبكم من الجي ام و الصب دلوقتي خلونا في دول دلوقتي هههههههه
بس عايز رد سريع بدل ما اضيع فلوس السماعات و مجبش حاجة و انتوا حريين بقي هههههههههه

المشاركة الأصلية كتبت بواسطة eldell

كان يستحسن انك تبتدى بالكاسيت وعندك البايونيير 4350 جاااامد واخر مره كنا سالين عليه كان عامل 720 جنيه وعندك الارخص فى التوفيقيه محترم بالنسبه للسمعات فى البايونيير 500 كل الناس هنا بتشكر فيها وهى فى نفس الرنج الى انت بتتكلم فيه وبالتوفيق ياكبييير

باشا عامل ايه دايما بتكون من اول المشاركين :)
للأسف الحالي مينفعش انط لهيد يونت العربية لهفت شوية مني فخليني في السماعات الأول

و طالما ذكرت الـسماعات البايونيير ايه رأيك في البايونيير 400 و 500 و 600 ايهما الافضل او ايه الفرق بينهم و السعر ؟ لأن الناس كلها اختلفت عليهم هم التلاتة و ده محيرني اكتر

و بالنسبة الهيد يونت ده 4350 ايه نظامه و امكانياته و هل فيه موديل تاني فيه اللي انا عايزه في البايونيير ارخص شوية و زي مقولت مش عايز سي دي او كاسيت يا دوب راديو و ام بي ثري و فلاشة ؟؟

المشاركة الأصلية كتبت بواسطة eldell

بص ياكبييير بالنسبه للسمعات انا سمعت ال400 بس وكل الى جربو ال500 قالو عليها كويسه وفيهم ناس صحابنا هنا كتييير جربوها لاكن ال600 الكلام عليها قليل اوى
بالنسبه للهيد يونيت مدام مش فارق معاك مخارج صب وكام باند وكده هتلاقى حجات تانيه فى الحنين يعنى عندك السونى 490 u ده جاااامد وعن تجربه معايا انا ودلوقتى سعره مش عارف 500 جنيه باين او اكتر سيكا ولو انت عايز بايونيير يبقى هتلاقى ناس كتيييييييير هنا متابعه الاسعار علشان بقالى فتره مش موجود ومش بسال على اسعار علشان مش افتيلك فى حاجه ياكبيييير

بصراحة حيرتني زيادة كل وات فيهم ناس تقول حلوة و ناس تقولها وحشة و معرفش بيقولوا ده ع اي اساس يعين بيز و لا تريبل و لا نقاء
بص اللي في دماغي يا باشا سماعتين محترميين يركب عليهم هيد يونت محترم و بعدين صب و جي ام لأني في النتيجة النهائية عايز صوت حلو و بيز محترم و لما افتح الشنطة لأنها هاتش باك في فرح في زفة او في وقفة حلوة تعملي منظر متحرجنيش هههههههه و في نفس الوقت متعديش جامد يعين حاجة صوتها جامد لكن مش يهز الارض اكيد و في نفس الوقت التكلفة مش كبيرة
يعني عايز خبرتك معايا في القصة ديه من وجهة نظرك
سماعتين + هيد يونت + صب + جي ام

ايه الوات المناسب لكل واحد و النوع

و ان شاء الله المقابلة الجاية لرجالة الصوتيات ممكن اجي اسمع بقي و استفيد من خبراتكم لو مفيش مانع بس حد يقولي هي امتي لو قريبة :)

المشاركة الأصلية كتبت بواسطة m7mda7md

ازيك يا باشا......منورنا و الله يا صاحب الموضوعات الجميله و لو ان ابداعاتك غايبه عننا شويه الفتره دي.........السماعات البايونيير ال 500 عندي حاليا و صوتها وحششششششششششششششششششششششش ش........هات كينوود 500......الكاسيت سوني 500 و ده أقل من 600‏ جنيه بالتركيب

الحمد الله تمام اخبارك ايه ؟؟
معلش بقي الواحد مشغول شويتين و انشغل بقسم السوزوكي كمان بس ان شاء الله قريب اكمل باقي السلسلة :)

طب يا ريس كده حيرتني زيادة البايونيير الـ500 وحشة من ناحية ايه و انهي احسن 400 و لا 500 و لا 600 و الكنوود اعتقد هتكون غالية شوية
و الكاسيت ده ايه امكانياته ؟؟ زي مقولت عايز هيد يونت مفيهوش و لا كاسيت و لا سي دي يا دوب ام بي ثري و فلاشة و راديو هم دول اللي بحتاجهم بس