عايز اغير لاتصالات من فودافون..ممكن المشورة؟

**رزق** · 15-03-2012 12:11 AM

بعد 12 سنة أو حاجة كده مع فودافون جبت اخري منهم في كام حاجة منهم إن ال 3g في مكان مابقعد اشتغل ميتان اخر حاجة..التليفون في البيت بقى بيفصل كتير في المكالمات....كل شهر تقريبا يفصلوا عني اشتراك النت (1500mega بـ 90 جنيه )و يسحبوا من الكريدت (1500 ميجا بـ 1500 جنيه) من غير ادني انذار

قررت أحول اتصالات ببساطة لأن لما كان معايا usb مودم اتصالات كان بيعدي ال 1mbps بسهولة في مكان خروجي وعملي (متميز أكتوبر و طريق الواحات) في حين إن فودافون كان مبيعديش 50 k بالميت
كمان ارخص اشتراك شهري في فودافون عامل 50 جنيه - البرونزي - في حين في 25 جنيه في اتصالات (وانا مكالماتي محدودة واستهلاكي نت بس)
وكمان عشان ناس كتير بتشكر فيهم
بصراحة الحاجة الوحيدة اللي عجباني فيهم هي خدمة العملاء..بس ده لو عرفت أوصلهم

المهم

اللي مخليني أعمل الموضوع ده إني فهمت من خدمة العملاء إن ماينفعش اغير الشركة تاني بعدها غير بعد سنة فمش عايز اغير ل اتصالات وألبس واكتشف إن فودافون كانت نعمة

فـياريت أراء الناس اللي في اتصالات وياحبذا لو عندهم مشاكل معاهم عشان أعرف قبل مروحلهم

العيب الوحيد اللي لاحظته دلوقتي وانا بتصفح موقع اتصالات إن معندهمش اشتراك نت أكتر من 50 جنيه اللي بيدي 500 ميجا فـ ده مش كفاية (فودافون 90 جنيه - 1500 ميجا) لكن ممكن اعديه

**هيثم المنياوى** · 15-03-2012 12:18 AM

أكثر عيوب إتصالات أن شبكتها سيئه على الطرق السريعه وده عن تجربه
وتانى عيب خدمة عملاءسيئه للأسف مقارنة بفودافون
لعلم حضرتك انا كنت فودافون وحولت إتصالات ورجعت فودافون

**dr.hazem** · 15-03-2012 03:07 AM

كلهم حرامية

اتصالات عايز اشترك فباقة النت بعت الكود اكتر من 10 مرات كل مره يخصم تمن الرساله ويرد الخدمه لا يمكن تشغيلها كلمت خدمة العملاء تلات مرا
ياجدعان انا بستخدم النت يوميا ومش هينفع ابو جنيه ده
يحاولو وفي الاخير يقولي بعتنالك طلب ولحد يومنا هذا من شهرين ونص مش عارف اشترك
وخلال الشهر ده 4 مرات تحصل الرصيد يطير والله العظيم لوحده
اخرهم يوم الجمعة كان معايا 7 جنيه وانا اتصالات ييس
النت ببلاش يوم الجمعة
قبل الصلاه ب5 دقايق بكلم قريبي برن مردش
دخلت الجامع مكنش طلع الخطيب
رن عليا فككنسلت وببعتله رساله بقوله انا في الجامع
قال لم يتمكن من الارسال
قلت يمكن الشبكه
خلصت صلاة جيت ارن يقولي نفد رصيدكم

طب انا عايز افهم نفد في ايه وازاي
الله اعلم

حرامية اكتر من فودافون ورجعت لفودافون واشتركت في النت اول الاسبوع ده ومتكيف منهم جدا جدا

الجميل ان من نصب اتصالات
انا عندي عالاندرويد داتا مانجر عشان يديني تحذير لو قربت من الليميت بتاعي اليومي

ومتأكد اني عمري ما تخطيت ال 5ميجا عشان الرصيد يطير
ولو فرض اني تخطيت هما لو اتخطيته بيطلعلك رسالة يقول سيتم محاسبة كل ميجا ب 5
وده محصلش معايا خالص

طيب يبقى هما ال4 مرات دول سرقوني
وكره هكلمهم واشوف ايه الحكاية ان شاء الله

الخلاصه خليك عالفودافون برقبتهم

تحياتي

**meero_boy2000** · 15-03-2012 05:26 PM

المشاركة الأصلية كتبت بواسطة رزق

شكرا يا رجالة على النصايح
هل من مزيد؟

+1111111111111111111111

انا بفكر زيك برضه احول من فودافون لاتصالات بسبب سرقه فوادفون للرصيد ولخدمه البلاك بيري وكل مره اتصل بيهم يقولك اسفين يافندم ده خطأ سيستم ويرجع الفلوس تاني لما زهقت

**matrix_it** · 15-03-2012 08:57 PM

انا مستريح بقى مع فودافون بس عايز احول اتصالات عشان النت

**أحمد كمال** · 15-03-2012 11:46 PM

المشاركة الأصلية كتبت بواسطة hm414

كلهم حرامية

شوف كام الف موظف من "الحرامية" دول هيقتص منك عالكلمة دي يوم القيامة ......

**BUNSH** · 16-03-2012 12:00 AM

اتصالات دنيااااااااااا لسة فيها نصب !!!

**dr.hazem** · 16-03-2012 12:22 AM

المشاركة الأصلية كتبت بواسطة أحمد كمال

شوف كام الف موظف من "الحرامية" دول هيقتص منك عالكلمة دي يوم القيامة ......

هو انا لم اقصد اطلاقا الموظفين ياعزيزي
انا اقصد الشركة ومن الناحيادي اطمن شوف انت كام ألف واحد هيقتص منهم على سرقتهم للشعب الغلبان ده!!!

كفايه موضوع الدمغات اللي طلعو بيه
51 قرش
اتصالات كانت بتحتفل من سنة بوصولهم 15 مليون مشترك
15000000 * 51 قرش 7 مليون جنيه من غير ما حد يتكلم دقيقه هوب خدوها

دي مش سرقة
انت اتعاقدت معاهم على كده
طب ده حتى عيب

ثم لو فرضنا ان مدرس فمدرسة
دخل الفصل لقا واحد مشاغب جدا
بيقول الفصل كويس ولا وحش؟؟؟
الشر يعم ياعزيزي

ايا كان الموضوع متتحسبش بالطريقة اللي حضرتك بتقولها وقيس عالكلام ده كتير
وفي القرآن (وان تطع اكثر من في الأرض يضلوك عن سبيل الله) يعني الشر يعم

تحياتي

**أحمد كمال** · 16-03-2012 12:47 AM

المشاركة الأصلية كتبت بواسطة hm414

هو انا لم اقصد اطلاقا الموظفين ياعزيزي
انا اقصد الشركة ومن الناحيادي اطمن شوف انت كام ألف واحد هيقتص منهم على سرقتهم للشعب الغلبان ده!!!

كفايه موضوع الدمغات اللي طلعو بيه
51 قرش
اتصالات كانت بتحتفل من سنة بوصولهم 15 مليون مشترك
15000000 * 51 قرش 7 مليون جنيه من غير ما حد يتكلم دقيقه هوب خدوها

دي مش سرقة
انت اتعاقدت معاهم على كده
طب ده حتى عيب

ثم لو فرضنا ان مدرس فمدرسة
دخل الفصل لقا واحد مشاغب جدا
بيقول الفصل كويس ولا وحش؟؟؟
الشر يعم ياعزيزي

ايا كان الموضوع متتحسبش بالطريقة اللي حضرتك بتقولها وقيس عالكلام ده كتير
وفي القرآن (وان تطع اكثر من في الأرض يضلوك عن سبيل الله) يعني الشر يعم

تحياتي

على فكرة الدمغة دي هتتورد للحكومة يعني مش هتخش جيب اي شركة من التلاتة

و القانون المصري بيقول ان المستهلك يتحملها (راجع مشاركة للعضو Peaceman)

و حضرتك بقالك عشرات السنين (بدون مبالغة) بتدفعها على فاتورة الارضي

و كانوا بيدفعوها عنك و دلوقتي بطلوا ...... ده مش معناه بياخدوها

الموضوع: عايز اغير لاتصالات من فودافون..ممكن المشورة؟

LinkBack

أدوات الموضوع

عرض

-

-

-

-

-

-

-

المواضيع المتشابهه

ممكن المشورة بخصوص الاكصدام

عايز احول من فودافون لاتصالات بنفس الرقم ايه رايكو؟

قرفت من فودافون وعاوز اغير ياريت تفهموني القصة

عاوز اغير من فودافون لاتصالات

عايز اغير من فيليشيا لفابيا الشكل القديم ممكن الافادة

الكلمات الدلالية لهذا الموضوع

المفضلات

المفضلات

ضوابط المشاركة