الموضوع: ربنا رزقنى بفلوس وقررت اخيراً اعطف على الالنترا واعمل صيانة ال40 الف

المشاركة الأصلية كتبت بواسطة kareem fawzy

السلام عليكم ورحمة الله وبركاتة

اخيراً هعمل صيانة ال40 الف بعد 6 الف كيلو تأخير
العربية دلوقتى عاملة 46 الف ونص يعنى متأخر كتير العربية النترا 2007 اتوماتيك

نيجى للحاجات اللى انا سمعت عنها وعايزين نتناقش فيها واحدة واحدة لانى هعمل الصيانة غالباً فى مركز خدمة بره وغالباً هشترى انا الحاجة

1- زيت الفتيس
قررت احط زيت فالفولين للفتيس وهو maxlife atf
على حسب كلام مندوب فالفولين فى الموضوع المثبت هنا قالى

ننصحك بزيت maxlife atf ويمشي 60000km اللتر 75le وبتاخد 6.6l
الفلتر مش لازم يتغير

هو فعلاً الفلتر مش بيتغير
وياترى العربية بتاخد فعلاً 6.6 لتر
اصل لو كدة يبقى خراب بيوت لانى كدة بتكلم فى 525 جنيه زيت فتيس بس وطبعاً مصيبة فى حد ذاته

ياريت اللى غير زيت الفتيس يقولى عمل اية؟؟؟؟

انا من رأي انك تغير لموبيل او شل اوفر بكتيير

2- تغيير مياة الرادياتير

في بنزينه في السواح عندها ماكنة بتنضف الريداتير من الصدأ وتجيب جركن موبيل ميه خضرا وتسلك الريداتير وشكرا علي كدا

ياريت الكلام النهائى اشترى اية واعمل اية؟؟

نصيحة هتلاقيها عند نافع اللي في شارع دمشق اوفر انزل اشتري الحاجت دي كلها من عنده
3- تغيير فلتر الهواء
4- تغيير فلتر البنزين
5- تغيير فلتر التكييف
6- تربيط عفشة
7- رجلاش الفرامل اليد
8- تغيير البوجيهات

ياريت لو ناسى حاجة تقولولى واللى يعرف سعر الحاجات دى كام دلوقتى لحسن تكون غليت
منتظر الآراء

ان عن نفسي بطلت اعمل صيانة عربيتي في التوكيل لانه سفاح فلوس

انا معايا النترا اتوماتيك في الشركة 2007 بردك بس لسه معملتش فيها الكلام ده كله

ونصيحة طالما الظروف معاك مزنقه يبقي خليك في الاقتصادي يعني انا شايف انك تغير ل شل او موبيل وهتوفر معاك كتير جدا واي حد عفشجي يربطلك العفشه كلها ومش هياخد 20 جنيه واي واحد بتاع فرامل ينظفلك الفرامل كلها ويعملها رجلاش كمان ومش هيكلفك 20 جنيه بردك وتغيير زيت الفتيس 10 جنيه يعني في الاخر مش هتتكلف 50 جنيه علي بعض مصنعيات ولا عزاء للوكيل