العربية فجأة سخنت و اتلمروحة علقت

**smousalim** · 15-03-2012 12:52 AM

كنت بعمل مشوار رايح المعادى و الكورنيش واقف خالص وفجأة لقيت البخار بتاع قربة المية طالع من الكبوت المية غليت وواضح ان المروحة مشتغلتش طبعا اكيد المروحة كانت شغالة قبل كدة لأن الطريق كان واقف لمدة ساعة الا ربع بس لية المروحة المرة دية علقت مش عارف المهم وقفت واستنيت العربية تبرد حوالى 20 دقيقة ودورت وزودت مية و مشيت بالعربية و المروحة اشتغلت الموضوع دة حصل معايا بردة من شهر ياترى اية تفسير ان المروحة تشتغل وفجأة متشتغلش ممكن دية تكون ترموستات ولا اية

**lanos2004** · 15-03-2012 01:09 AM

لو الميه ناقصه المروحه مستحيل تشتغل

**smousalim** · 15-03-2012 01:33 AM

المشاركة الأصلية كتبت بواسطة lanos2004

لو الميه ناقصه المروحه مستحيل تشتغل

لا ياباشا انا كنت مزود المية قبل ما اطلع بالعربية ومتأكد ان القربة مليانة ثم ان المروحة فعلا كانت شغالة لأن الطريق كان واقف حوالى ساعة والجو كان حر اليوم دة كانت الساعة 11 الظهر يعنى اكيد اثناء الوقوف دة المروحة اشتغلت و فصلت كذا مرة بس فى اخر مرة مشتغلتش و الموضوع فعلا اتكرر قبل كدة معايا بس مركزتش زى المرة دية

**lanos2004** · 15-03-2012 01:38 AM

ان القربه تتطلع بخار يبقه حاجه من الاتنين الغليان بسبب نقص المياه --او ترموستات الكوع مفتحش او بيعلق ودة يخلى الميه تغلى ايضا

**smousalim** · 15-03-2012 08:51 PM

المشاركة الأصلية كتبت بواسطة lanos2004

ان القربه تتطلع بخار يبقه حاجه من الاتنين الغليان بسبب نقص المياه --او ترموستات الكوع مفتحش او بيعلق ودة يخلى الميه تغلى ايضا

طيب هو ترموستات الكوع دة موقعة فين بالضبط ويتغير بكام واتأكد ازاى ان خلاص باظ

**blazer** · 15-03-2012 09:19 PM

غالبا الترموستات

**Ahmed_Ramadan** · 15-03-2012 11:30 PM

خلى كهربائى يشوفلك أخبار فيوز المروحة و قاعدته

**memofree** · 16-03-2012 03:58 AM

راجع على توصيلات المروحة يا استاذى

**smousalim** · 18-03-2012 05:26 PM

غيرت الترموستات امبارح وحصل معايا نفس المشكلة المروحة تشتغل اول 4 مرات وتفصل وفى المرة الخامسة الحرارة تعلى و المروحة مشتغلتش

**tarek_2005** · 18-03-2012 06:19 PM

حساس الحرارة اسفل ملف البوبينة فكه وركب الفيشة بتاعته فيه وسخن عليه بولاعة واتركه يبرد ثم سخن عليه مرة اخري واتركه يبرد وشوف تاثر المروحة ايه علشان ممكن يكون بداء يتلف او شربون المروحة خلص او بيعلق وبعد ذلك تاكد من غطاء القربة لانه في الغالب صماماته تلفت