فتيس الميجان 2 .. مساعده ضرورى يا وحووش
اولا السلام عليكم ..
بعد استخدام حوالى شهر ونص بالميجان 2006 بتاعتى اللى انا بحبها جداا واللى قطعت فيهم حوالى 2000 كيلو ومحدش يسألنى ليه كل دا بس انا مشيت بيها حوالى 2000 او 2500 كمان:b4_556:
المهم غيرت المقصات وظبط العفشه بتاعتى والدنيا جميله
دلوقتى بقى فى مشكله غرييبه بتحصل ف العربيه
وهى ان اول ما بجيب الفتيس على ال r بحس بصوت زى زننه كده ف الدواسه دا غير بحس ان صوت الموتور عالى او حاجه كده واول ما اجيب الفتيس على ال d الموضوع دا بيختفى تمااااااامااااااا .. تانى حاجه فى نتشه غريبه ف النقلااات واحيانا النتشه دى بتبقى قويييه جدااا لما بجيب ال r وادوس بنزين خفيف بحس ان العربيه بتتنفض لورااا مش بترجع لوراا ... مش عارف وخايف ان الحوار دا يكون كبييير مع العلم انى عارف ان فى شداد موتور عايز يتغير والمفروض بازن الله نازل اغيره يوم الاتنين ..
ياريت حد من وحوش الميجان هنا يفيدنى ويقولى السبب دا قاعده فتيس ولا حاجه ف موتور ولا الشداد دا ولا ايه بالظبط عشان انا خاااااااايف جدا من الموضوع دا ومضايقنى طول ما انا ماشى ..وشكرا..
