الموضوع: بجد محتاج مساعدتكم و رايكم ووقفتكم مع واحد لسه زيرووو فى البى ام دبليو

المشاركة الأصلية كتبت بواسطة thebuccaneer

السلام عليكم...

أولا بالنسبه للأسعار
سعر النظام الميكانيكى لتحويل السياره إلى e36 m3 بمحرك m3 سعة 3000 سى سى بتتكلف 30,000 جنيه و المحرك إسمه s50b30

s50b30


e36 m3 saloons "sedan" 1992 - 1995
s50b30 سعة 2990 سى سى قدرة 286 حصان "282 حصان فعلى" @ 7000 أر بى إم و عزم 320 نيوتن @ 3600 أر بى إم

e36 m3 coupes 1993 - 1995
s50b30 سعة 2990 سى سى قدرة 295 حصان "291 حصان فعلى" @ 7000 أر بى إم و عزم 323 نيوتن @ 3900 أر بى إم

تسارع من 0 - 100 كم/ساعه فى 5.4 ثانيه

سعر النظام الميكانيكى لتحويل السياره إلى e36 m3 بمحرك m3 سعة 3200 سى سى بتتكلف 35,000 جنيه و المحرك إسمه s50b32

s50b32


e36 m3 saloons "sedan" 1995 - 1998
s50b32 سعة 3201 سى سى قدرة 321 حصان "317 حصان فعلى" @ 7400 أر بى إم و عزم 350 نيوتن @ 3250 أر بى إم.

e36 m3 coupes 1995 - 1999
s50b32 سعة 3201 سى سى قدرة 321 حصان "317 حصان فعلى" @ 7400 أر بى إم و عزم 350 نيوتن @ 3250 أر بى إم.

e36 m3 cabriolets 1996 - 1999
s50b32 سعة 3201 سى سى قدرة 321 حصان "317 حصان فعلى" @ 7400 أر بى إم و عزم 350 نيوتن @ 3250 أر بى إم " الأم ثرى الكابروليه لم تنتج إلا بالمحرك s50b32 فقط".

تسارع من 0 - 100 كم/ساعه فى 5.2 ثانيه

نأتى هنا للتوضيح ماذا يعنى نظام ميكانيكى؟ نظام ميكانيكى كامل يعنى محرك (طبعا على حسب اختيارك على احد المحركين الموجودين بالأعلى) + الفتيس كامل (وبيكون مانيوال بالنسبه للمحرك ال s50b30 بيكون الفتيس "5 سرعات + المارشدير" اما بالنسبه للمحرك ال s50b32 بيكون الفتيس "6 غيارات + المارشدير" ) + العدادات + كنترولات المحرك + ضفيرة السياره + الشكمان كامل + العفشه كامله أمامى و خلفى بالكرونه "بتكون كرونه لوك" + عمود الكردان كامل + الريداتير ال 6 سليندر + إلخ... يعنى كل ما تحتاج إليى السياره فى الجزء الميانيكى و الكهربائى المتعلق بالتعديل مثلا ضفيرة السياره

بالنسبه للتعديل الخارجى إلى e36 m3 يتكلف 5000 - 6000 جنيه بالقطع الأصليه و ليس بقطع فايبر جلاس - و هنا تقدر تعدل الأكصدامات أمامى و خلف و العتب بتعديل فايبر جلاس هيكلفك 1800 جنيه و هنا هنصحك بميدو بيرفورمانس و هو بصراحه تعديلاته جميله للبى إم دبليو بالذات و الهوايات "المعروفه بالخياشيم" هتتكلف 500 جنيه "جديده" و هتركبهم عند السمكرى و هتضطر تدهن الرفارف مره ثانيه بعد القطع و لحام الهوايات و المرايا الجانبيه هنا عندك شيئين إما مرايا ال e39 m5/e46 m3 و المعروفه "بالفولدنج تويست" جديده تايوانى ب 1600 - 1800 جنيه أو تضع مرايا ال e36 m3 المعروفه ب"المرايات الشوكه" و هذه تقدر تشتريها استيراد و هتتكلف تقريبا 500 - 600 جنيه للزوج كاملين - اما الباكتات الجانبيه هتتكلف من 800 - 1000 جنيه استيراد

e46 m3/e39 m5 بتغلق عن طريق الدوران للداخل و للأعلى و تفتح بطريقة دوران للخارج و للأسفل و الغلق و الفتح بطريقه كهربيه كامله و أيضا مع السنتر لوك


e36 m3 بتغلق بشكل عادى مثلها كسائر المرايا يدويا


طبعا الزجاجه داخل المرايا فى البى إم دبليو كلها تتضبط كهربيا من الداخل

تكلفة الكهربائى فى التعديل إلى e36 m3 هتتكلف من 2000 - 2500 جنيه
تكلفة الميكانيكى فى التعديل إلى e36 m3 هتتكلف من 3000 - 4000 جنيه

اما بالنسبه للصالون الداخلى

سعر عجلة قيادة ال e36 m3 و هنا يوجد عدة أشكال لها لكن أفضلها شكلا هتتكلف 1200 جنيه استيراد


سعر الأوكر النيكل الداخليه و سعر الفريمات النيكل حول العدادات و غطا فرمل اليد ال m3 تسأل عنها العضو فهد لأنه اشترى هذه الأكسسوارات من الخارج بسعر جميل هو يحدثك عنها أفضل منى :) "فهد باشا ^_^"

فريمات العدادات



غطا فرامل اليد


الدواسات


و هذه كلها تقدر تشتريها يعنى ممكن كلهم يدخلوا فى مبلغ 1000 جنيه "جديد"

المشكله تكمن فى الكراسى هى اللى ممكن تدخل فى مبلغ 6000 جنيه "2 كرسى أمامى كهرباء و كنبه"



الكراسى اللى مش كهرباء



بالنسبه للكراسى اللى مش كهرباء ليس لدى خلفيه بسعرها, أيضا سعر الكراسى الكهرباء أنا قولت سعر قد يكون صحيحا أو خطأ

يعنى تقدر تقول تكلفة تحويل سياره من e36 عاديه إلى e36 m3 كامله خارجى و داخلى حدود 50,000 جنيه. طبعا هتمسك معك سعر جميل جدا لأن ال m3 بشكل عام مش كثير للتكلفه الكبيره فى تعديل واحده و من هنا أيضا الأصلى منها بتكون أغلى لأنها أصليه من المصنع. و طبعا السياره مشكله على سبيل المثال أحمد طارق باع ال e36 m3 اللى كانت معه على 160,000 جنيه و السياره كانت تقريبا موديل 1995 و عدلها لكن وضع عليها محرك ال e46 m3 بقوة 343 حصان و هذا سعره يختلف طبعا الأسعار المذكوره بالأعلى

الف شكر ياباشا بس 50 الف كتييير قوى على مره واحده يعنى ممكن اعملهم واحده واحده مثلا فرأى حضرتك ابتدى ب ايه و بعدين اعمل ايه يعنى الترتيب للاولويات ؟ و معلش ياباشا انا مش فاهم اخر جزء ده " يعنى تقدر تقول تكلفة تحويل سياره من e36 عاديه إلى e36 m3 كامله خارجى و داخلى حدود 50,000 جنيه. طبعا هتمسك معك سعر جميل جدا لأن ال m3 بشكل عام مش كثير للتكلفه الكبيره فى تعديل واحده و من هنا أيضا الأصلى منها بتكون أغلى لأنها أصليه من المصنع. و طبعا السياره مشكله على سبيل المثال أحمد طارق باع ال e36 m3 اللى كانت معه على 160,000 جنيه و السياره كانت تقريبا موديل 1995 و عدلها لكن وضع عليها محرك ال e46 m3 بقوة 343 حصان و هذا سعره يختلف طبعا الأسعار المذكوره بالأعلى "
ياريت تفهمهونى معلش تانى , و بعدين عربية احمد طارق على كده محرقة بنزين اكتر كمان من اللى انا عايز اعملها ؟ اصلى بشوف احمد حماده بيها كتير !!!

المشاركة الأصلية كتبت بواسطة TheBuccaneer

بالنسبه لأمكانيات السياره بالنسبه للسيارات وارد الخارج لا نستطيع الحكم على إمكانياتها لأنها تأتى بمواصفات قد تكون بالأساس غير موجوده بهذا الموديل تمام بمعنى إن فرامل ال abs وجدت منذ عام 1996 لكن قد تجد موديل 1994 وارد الخارج موجود بها فرامل abs.

منذ عام 1996 زودت ال e36 بالفرامل ال abs فقط, و فى عام 1997 زودت بالأيرباج و هنا تجد بعض السيارات بها واحد إيرباج و اخرى يوجد بها 2 إيرباج و فى عام 1998 قد تجد سيارات بها 4 إيرباج. منذ عام 1996 زودت ال e36 بالتكييف التاتش أيضا بدلا من التكييف البكر. منذ عام 1997 فوانيس الأشاره الخلفيه و الأماميه بتكون بيضاء اللون بدلا من البرتقالى, و الدبانتين الموجوده بالأمام بتكون أكبر حجما من سابقتها.

طب ياباشا حضرتك معندكش فكره لو هقلبها M/// e36 هل ممكن تبقى ب abs مع التحويل ولا مكنش نزل فيها لسه و الايرباجز برضه مهمه يعنى ربنا يسترها علينا كلنا

المشاركة الأصلية كتبت بواسطة TheBuccaneer

من جهة التعديل طبعا تقدر تقسمه على مراحل و الأفضل إنك تبدأ بالشكل الخارجى و ممكن أيضا تقسمه يعنى مش شرط تشترى قطع التعديل مره واحده بمزاجك تشترى انهارده الأكصدام الأمامى بعد شهر المرايا بعد شهرين الباكتات الجانبيه إلخ... أنت و كيفك و إذا قررت إن السياره تكون معك تعدل الميكانيكا و التعديل أيضا ممكن يتقسم يعنى تشترى العفشه كلها أو تقسمها نصف أمامى و نصف خلفى و بعدها الأشياء القادمه لازم تكون مره واحده مش هينفع فى ده بقى تقسيم المحرك + الفتيس + الكنترولات + العدادات + الضفيره + الشكمان + الريداتير + عمود الكردان "والمشكله فى هذه التقسيمه إنك اما بتشترى جمله بسعر و اما بتكون فردانى بسعر تانى خالص يعنى اما تشترى العفشه مثلا كامله خلفى و أمامى غير اما تقسمها خلفى مره و أمامى مره و أيضا اما تشترى النظام الميكانيكى كامل و اما تقسمه عفشه و بعد ذلك محرك و مشتملاته" و بعدين التعديل الداخلى عندك مثلا فريمات العدادات ب 100 جنيه, الدواسات ب 350 جنيه, المرايا سبق و ذكرت لك سعر كل فئه فى ردى السابق, الأوكر الداخليه للأبواب تقريبا هتتكلف 250 - 350 جنيه أيضا اما الصالون للحقيقه ليس لدى علم بسعره الحقيقى.

بالنسبه للكلام اللى حضرتك عايزينى اعيده. حضرتك طبعا أول شىء ذكرته فى ردك ايه قولت 50,000 جنيه كثير تمام. و هذا مقصدى بالضبط إن تكلفة تعديل سياره بى إم دبليو بشكل عام من فئتها العاديه كال 316 مثلا إلى الفئه الرياضيه ال m بيتكلف مبلغ كبير و بالتالى مش كثير اللى بيعدل هذا التعديل لأن مصاريف التعديل كما رأيت مكلفة و هذا كله بدون مصروف مصنعهي كهربائى أو ميكانيكى أو حتى سروجى يعنى 50,000 - 55,000 جنيه ثمن شراء قطع التعديل فقط من قطع خارجيه, داخليه, ميكانيكيه و كهربائيه و قول 5,000 جنيه مصنعيه يعنى 60,000 جنيه مبلغ و من هنا و بسبب ارتفاع مبلغ التعديل مش كثير اللى بيعدل و هذا ينتج عنه أولا إن عدد اللى بيعدلوا مثل هذا التعديل مش كثير مما يعنى إن عدد السيارات المعدله إلى m قليل هذا بالأضفاه إلى طبعا نظافة كل سياره عن الأخرى بتفرق هذا شىء إضافى إنه مثلا لو فى 10 سيارات فممكن تجد إن الأفضل فيهم 4 سيارات فقط و الباقى كله محتاج مصروف و هذا يعطينا النتيجه الثانيه إنك بتمسك سعر فى السياره -> لأن عددها مش كبير للأسباب التى سردتها بالأعلى و هتجد سيارات نظيفه و أخرى لأ و أخرى تحتاج مصروف و أخرى لأ...

بالنسبه لموضوع إنها بتأكل بنزين هذا شىء مؤكد إنه فى حالة الشد و الجرى هتسحب منك بنزين و يفضل إنك لو داخل مسابقه مثلا تمون 95 لكن فى حالة المشى العادى استهلاك البنزين مش هيكون بالدرجه اللى أنت متخيلها يعنى مثلا لو الصفيحه بتعمل 150 كيلو مش وحش خالص بالنسبه لأنت راكب ايه فى النهايه و سعرها كام. و بعدين بتمسك معك سعر لعدة سنوات لأنه كل مثلا 50 شخص معه e36 هتجد 1 فقط بيعدل m



تقدر طبعا و أنت بتعدل تركب الأيه بى إس و إذا لم يكن فيها إيرباجات تشترى الأيرباجات و كده كده أنت هتعدل شغل كهربائى هيركب لك كهرباء السياره من ال الألف إلى الياء لكن كله بثمنه طبعا و المشكله إن الصنايعيه المحترمين المعروفين مصروفهم غالى و بما إنه لديه شهره أنت عارف مث المحل اللى بيفتح جديد بيحاول يربى زبون فبيعمل خصومات و تخفيضات مرجد أن حصل على شهره الصنايعيه كده

اولا انا بحييك على صبرك على و ردك ياباشا , ثانيا انا بالنسبالى اهم حاجه الاداء و خصوصا انى هحاول اجيب العربيه مفيهاش الا اساسيات فهتبقى موتور و صالون و كل حاجه مش قد كده , فان شاء الله هبتدى الاول بالضربه الكبيره و تحويل العربيه مره واحده و هحاول باللى اقدر عليه انضفها من جوه يعنى على الاقل صالون و فرش لحد ما ربنا يسهل و يكرم ابتدى اجيب فى بودى كيت -يارب الامكانيه تسمح و اجيبه اصلى - و باكيتات مثلا و هكذا لحد ما اخلص خالص يمكن فى الاخر ارشها بقى ...... رأى حضرتك ايه فى الخطه الماليه بالشكل ده و فى راى حضرتك فى حاجه احسن من كده فى الترتيبات ؟

المشاركة الأصلية كتبت بواسطة hanyhosney

الموضوع
مش ماشي صح صاحب الموضوع زيرو
في البي ام
والارقام دي هتخضه
حضرتك البرلنياس دي
هتكون ضعيفه جدا ادام اي موديل من موديلات البي ام
واخف طبعا
حضرتك ممكن تشتري
اي موديل استوك لحد 94
وتسقط عليه واحد من ال 3 مواتير
موتور اي اس 1800 سي سي 140 حصان وده موتور رياضي بحوالي5000 جنيه
موتور اسود 2000 سي سي 150 حصان بحوالي 5000 جنيه
موتور اسود 2500 سي سي 192 حصان بحوالي 6000 جنيه
السعر يعني الموتور بفتيسه
غالبا هتحتاج عفشه 6 سلندر لو العربيه كانت 4 سلندر
يعني بالكرونه كله كله ممكن 3500
انت بقي ممكن تجيب اكسسوارات الام وحطها في عربيتك
الطاره العدادات الكراسي الاكصدامات العتب الجنط
انت وزوقك
المهم هتركب عربيه مميزه قويه سريعه شبابيه
لكن مواتير الام 3
للاسف قطع غيارها نادره ومكلفه وليست للاستعمال اليومي
انت ممكن بال 70 الف ال معاك تلم الدنيا دي
وفي عربيات مشدوده باسعار قريبه ونتا ممكن تاخدها
تكمل ال فيها
ولوعايز متوجعش دماغك مع الصنايعيه اشتري حاجه جاهزه
كان في زميل معانا في القسم عامل موضوع عايز يبيع عربيته
موديل 94 325 اوريجنال
بيضاء اللون
حاول توصله ولو في نصيب هتركب عربيه ظريفه وجامده
ومتقلقش كل قطع الغيار للمواتير والعفشات ال انا قولتلك عليهم متوفره
و الاسعار موجوده برضو في موضوع عن اسعار قطع الغيار
وربنا معاك

اولا الف الف شكر ياباشا على الرد بس فى كام حاجه كده , اولا انا اصلا كانت دماغى فى اليابانى سكة الايفو يعنى كنت ناوى اسقط ان شاء الله موتور 1800 و تربو كان 202 حصان ,,, فكان نفسى فى حاجه جامده كده من البى امات تفحت التربوها دى و لو حضرتك تسمع عن فيات برافو ال 150 و ال 120 حصان دول للاسف كان بيطلعوا من بى امات كتير قوى لحد ال 5 سيرياس على ما اظن ... طبعا بعد ال 200 التربو بيهدى و البى ام بيطلع لقوة موتوره ...... بس هو الام قطع غياره نادره و كمان مينفعش كاستخدام يومى ؟