الموضوع: بجد محتاج مساعدتكم و رايكم ووقفتكم مع واحد لسه زيرووو فى البى ام دبليو

المشاركة الأصلية كتبت بواسطة bor3ey

طب تعليقا على الكلام ده معلش ممكن اعرف العربيه بنزينها عامل ايه يعنى علشان كده انا خفت و بعدين بافتراض انى ماشى عادى يعنى 3 rpm هيبقى بنزينها عامل ازاى ؟!!! و مصاريفها هل ليها مصاريف زياده يعنى عن العادى قطع غيارها متوفره و رخيصه ولا لأ .. انا كنت فاكرها كتيره و منتشره اكتر من الايفو مثلا باين كده من الكلام انها برضه قليله فى البلد

و بعدين بالنسبه للموتور هل ينفع عادى انط النطه دى من عربيه 102 حصان -فى الحقيقه عملت حاجه و تمانين - للموتور الجبار ده !!!! .... ارجوكم جاوبونى علشان انا عايز العربيه دى برضه كاستعمال يومى .... تنفع ولا تبقى صعبه ؟؟؟؟؟

و الف شكر ياباشا على التنبيه بس هو موتور ال is ده ايه ؟ احسن من الاصلى ال 2000 بتاعها و كام حصان و الاوريجنال كام حصان اصلا و برضه البنزين عامل ايه ؟

بالنسبة للبنزين مقدرش افيدك اوي لان انا عمري ماجربتها بس ليك ان تتخيل عربية 3500 سي سي وبنزين 92 شوف انت بقي
بالنسبة لقطع الغيار مظنش كتير لان الام عامتا مش كتير وكمان محدش بيحتاج القوة دي كلها في مصر الا اشخاص معدودين
بالنسبة للفرق في القوة انت ادري بنفسك بقي هتعرف تسيطر عالعربية والاهم تسيطر علي نفسك واغراء القوة ولا لا انا عن نفسي لو معايا الموتور دا مش هقدر ابدا وعارف نفسي :)
مظنش انها تنفع استخدام يومي جوة المدينة وكدا هتخرب بييييييييييتك بالمعني الحرفي بنزين
الموتور الis مش معدل ولا حاجة هو اصلي بردو وكان بينزل في عربيات الاوبشن بتاعها بالموتور دا وانت الي بتعملة انك بتنقلة في عربيتك لكن مين الاحسن هقولك لو سحب اول وتاني وتالت يبق هو احسن من ال2000 لان 2000 اتقل بكتير وسحب ال is جبار لكن عالسرعات العالية ال6 سلندر بتفرق كتير بس دا بعد 180 تقريبا
واي خدمة ياكبير انا تحت امرك والشباب كلهم بردو

المشاركة الأصلية كتبت بواسطة TheBuccaneer

ما دمت حضرتك تريد الأداء بالمقام الأول هذا يعنى التعديل الميكانيكى فى البدايه و أنا هنصحك إنك تحاول البحث عن سياره كوبيه تكون الميكانيكا فيها ضائعه ما دمت هتعدل ميكانيكا لأن فئه الكوبيه هى الأثقل بين الكابروليه و السيدان مما يعنى ثبات أفضل

E36 M3 3.0 Acceleration
[youtube]http://www.youtube.com/watch?v=RGU_QZ5ZJVM&feature=related[/youtube]

اولا يا باشا انا عايز العربيه برضه لاهلى فمش هينفع الوالده تركب فى كوبيه صعب عليها قوى و كمان ان شاء الله انا ناوى اقعد بالبى ام شويه و ده معناه انى محتاج تبقى اسريه علشان مستقبلا ان شاء الله ,فهل الاربعه باب هتبقى اقل ثباتا بمعنى انها غير كافيه لل M/// , انا خايف جدا من موضوع البنزبن ده و موضوع عدم قابلية الاستخدام اليومى , حضرتك لو تعرف حد عملها فعلا ياريت تقولى عامل ايه فى البنزين و هل بيستعملها بشكل يومى و مشاوير و شغل وكده

المشاركة الأصلية كتبت بواسطة hanyhosney

اه طبعا عارف البرافو بس ال 170 حصان دي حوار تاني
منا بكلمك في 2500 سي سي او 2800 بيدوك 192 حصان مع بعض التعديلات بوجيهات بلاتينيوم او 4 شبمعه
هيدر ستانلس فلتر سبور اوريجنال
هتعدي ال 200 حصان
وابقي سلملي علي البرافو في ملفات السخنه

ههههههههه يعنى ممكن اقوله , طب فى مواتير برضه اقوى من كده و قطع غيارها متوفره و و مش حوت بنزين يعنى تنفع استخدام يومى ؟

المشاركة الأصلية كتبت بواسطة TheBuccaneer

عالعموم لو حضرتك ناوى عن جد ممكن نتقابل فى الحرفيين يوم و تسأل على كل اللى أنت تريده عند التجار و تعرف مميزات هذا و ذاك. بالنسبه لقطع غيار ال m هى موجوده صحيح مش بكثره لكن أيضا هذا يتناسب مع عدد سيارات ال m الموجوده يعنى اما تجد من 1 - 3 تجار هم اللى عندهم قطع الغيار شىء ليس سىء لأنه بالأساس عدد السيارات مش كثير

المساعدين موجودين جديد لكن سعرهم مرتفع يعنى مبلغ 3500 - 4000 جنيه ال 4 مساعدين. التيل و الطنابير جديد موجود لكن سعرهم مرتفع أيضا, جلب المقصات ب 250 جنيه جديده اعتقد سعرهم معقول, طقم الدبرياج موجود جديد و استيراد و فى كلا الحالتين سعرهم مرتفع جدا

لكن ملحوظه ال m3 محرك قوى ما شاء الله و عفشه قاسيه تتحمل و تعيش و الفتيس بالتأكيد و الدليل إن كل اللى بيدخل سباقات و معه بى إم دبليو m مع هذا المصروف المكلف لو السياره من حيث عفشه و محرك و فتيس ليست حمالة قاسيه كان زمانه طلع عين أهله

من حيث جدية النيه فأنا جاد جدا والله - مع ملاحظة انى زى ما قلت فى الاول الكلام ده على الاجازه كده اخر السنه دى ان شاء الله - , و من حيث قطع الغيار لو هى غاليه بس بتتحمل يبقى تستاهل يعنى مثلا مع قوة الموتور ده ممكن العربيه تجيب اسطوانة دبرياج بسرعه ؟ انا اعرف ان البى ام ماشاء الله حمالة قسيه يعنى اعرف ان فى مره رامى سرى قبل ما يبتدى دريفت و حركات العربيه عطلت مكانها و نقلها فى ونش ... هل البى ام ممكن تعمل الحركات دى و كل اسبوع تقضى الويك ايند عند الميكانيكى سبا ؟؟!!!

و ان شاء الله بس اول ما الفلوس تتوفر و اتأكد من قابلية انى اخليها عربية يوميه هعملها

المشاركة الأصلية كتبت بواسطة mik_e30

بالنسبة للبنزين مقدرش افيدك اوي لان انا عمري ماجربتها بس ليك ان تتخيل عربية 3500 سي سي وبنزين 92 شوف انت بقي
بالنسبة لقطع الغيار مظنش كتير لان الام عامتا مش كتير وكمان محدش بيحتاج القوة دي كلها في مصر الا اشخاص معدودين
بالنسبة للفرق في القوة انت ادري بنفسك بقي هتعرف تسيطر عالعربية والاهم تسيطر علي نفسك واغراء القوة ولا لا انا عن نفسي لو معايا الموتور دا مش هقدر ابدا وعارف نفسي :)
مظنش انها تنفع استخدام يومي جوة المدينة وكدا هتخرب بييييييييييتك بالمعني الحرفي بنزين
الموتور الis مش معدل ولا حاجة هو اصلي بردو وكان بينزل في عربيات الاوبشن بتاعها بالموتور دا وانت الي بتعملة انك بتنقلة في عربيتك لكن مين الاحسن هقولك لو سحب اول وتاني وتالت يبق هو احسن من ال2000 لان 2000 اتقل بكتير وسحب ال is جبار لكن عالسرعات العالية ال6 سلندر بتفرق كتير بس دا بعد 180 تقريبا
واي خدمة ياكبير انا تحت امرك والشباب كلهم بردو

انا قصدى هل ينفع النقله دى يعنى هقدر عليها و لا مثلا غلط او مش هعرف اتعامل , ولا واحده واحده هتعامل و هبقى جيد فى التحكم فيها ؟ , موضوع البنزين ده خايف منه فحت والله فعلا بين نارين حبى للM\\\ و بين البنزين و الاستخدام اليومى

و ايه رايك فى المواتير اللى بيقولى عليها هانى باشا ؟ الاسود ال 192 حصان ده يعنى جبار ولا ال is احسن ؟!