مشكله تعباني: وخز (شكشكه) في البطن والذراعين

**EZABY** · 15-03-2012 02:51 AM

الموضوع ابتدي من 3 شهور صوابع ايدي اليمين ورجلي اليمين ورموا رحت كشفت الدكتور قال عضة برد وكتبلي
Tebonina forte 40 mg مرتين في اليوم
Bentovate cream مرتين
Extra-1000 Sedico مره صباحا
Trivastal retard 50 مره مساءا
في فترة العلاج ابتديت اصحى بليل على سخونيه رهيبه في كل جسمي معاها شكشكه وهرش في البطن والذراعين واقوم من النوم واحيانا كانت مبتروحش الا لما اهوي جسمي واقعد شويه
وبرضو كان بيحصل ده لما كنت امشي شويه, انا قلت ده يمكن عادي حساسيه بسيطه من ادويه وخصوصا اني كنت بلبس تقيل زي مالدكتور قال
المشكله بقا ان الوضع استمر على كده, مبصحاش بليل الحمد لله بقالي فتره بس اي مجهود شكشكه رهيبه في البطن ولو كملت في المجود توصل للدراعين
يعني توضيح للمجهود بلعب ضغط في البيت مع سادس او سابع عده تكون بطني كلها شوك ويادوب ادوس على نفسي علشان اوصل لعشر عدات, ولو مجهود مشي يادوب 200 متر
الموضوع ده تاعبني جدا وعامللي شلل
أفيدوني أفادكم الله
وشكرا

**Totexxxxx** · 15-03-2012 02:23 PM

ربنا يشفي حضرتك ان شاء الله

وان شاء الله حد مختص يرد عليك ويطمنك

**MOK3336** · 15-03-2012 02:28 PM

1000 سلامة عليك
طيب ممكن حضرتك تقرأ الأعراض الجانبية للأدوية ايلي الدكتور دكتباهلك

**mostafa53** · 15-03-2012 02:38 PM

السلام عليكم ورحمة الله وبركاته
أنصحك توقف كل الأدوية لعدة أسباب. 1- الشتاء تقريبا خلص. 2- معظم اللى بيحصل لك ده أثار جانبية لأدوية كتير زيادة عن اللزوم معظمها وظيفتها زيادة نشاط الدورة الدموية. 3- التعب الأصلى اللى حصل لك نتيجة الجو البارد حله الأساسى هو الملابس الثقيلة والتغذية الجيدة والأدوية تأثيرها ضعيف بالنسبة للمشكلة دى. 4- واضح أنك صغير السن ومش محتاج أساسا أدوية تنشط الدورة الدموية لأن الأدوية بتؤثر على الجسم كله مش الأطراف بس

**EZABY** · 15-03-2012 03:40 PM

ربنا يشفي حضرتك ان شاء الله

وان شاء الله حد مختص يرد عليك ويطمنك

1000 سلامة عليك
طيب ممكن حضرتك تقرأ الأعراض الجانبية للأدوية ايلي الدكتور دكتباهلك

ألف شكر على ردودكوا ودعواتكم

السلام عليكم ورحمة الله وبركاته
أنصحك توقف كل الأدوية لعدة أسباب. 1- الشتاء تقريبا خلص. 2- معظم اللى بيحصل لك ده أثار جانبية لأدوية كتير زيادة عن اللزوم معظمها وظيفتها زيادة نشاط الدورة الدموية. 3- التعب الأصلى اللى حصل لك نتيجة الجو البارد حله الأساسى هو الملابس الثقيلة والتغذية الجيدة والأدوية تأثيرها ضعيف بالنسبة للمشكلة دى. 4- واضح أنك صغير السن ومش محتاج أساسا أدوية تنشط الدورة الدموية لأن الأدوية بتؤثر على الجسم كله مش الأطراف بس

هو حضرتك انا فعلا وقفت الدوا من أكتر من 3 أسابيع, ممكن يكون ده لسه تأثير الأدويه ؟ ولو كده هينتهى التأثير ده لوحده ولا هحتاج ادويه تانيه؟

**ah-gawad** · 18-03-2012 11:25 PM

مش عارف موضوع الوخز ده و الشكشكة بيكون له علاقة بمرض اسمه هربس او الحزام الناري و بتكون اعراضه الرئيسية كده بس هو لازم يكون جالك جديري و انت صغير علشان الاحتمال ده يكون موجود و لو كده شوف دكتور تاني و متقلقش ان شاء الله بسيطة لانه حتي لو هربس هو مرض فيروسي بياخد دورته و يرحل بسلام ان شاء الله . علي فكرة انا مش دكتور لكن اللي بوصفهولك ده هو اللي حصل معايا تماما من كذا سنة كده و الحمد لله الموضوع عدي علي خير

**MASERATI** · 19-03-2012 12:39 AM

السلام عليكم و رحمة الله و بركاته

هو الطبيب اللى أنت روحتله فى الأول, كان تخصص ايه ؟؟؟؟

شكرا و بالشفاء العاجل ان شاء الله.

**EZABY** · 19-03-2012 12:41 AM

مش عارف موضوع الوخز ده و الشكشكة بيكون له علاقة بمرض اسمه هربس او الحزام الناري و بتكون اعراضه الرئيسية كده بس هو لازم يكون جالك جديري و انت صغير علشان الاحتمال ده يكون موجود و لو كده شوف دكتور تاني و متقلقش ان شاء الله بسيطة لانه حتي لو هربس هو مرض فيروسي بياخد دورته و يرحل بسلام ان شاء الله . علي فكرة انا مش دكتور لكن اللي بوصفهولك ده هو اللي حصل معايا تماما من كذا سنة كده و الحمد لله الموضوع عدي علي خير

شكرا ياباشا على ردك واهتمامك, مش عارف بقا انا جالي هربس قبل كده بس اعتقد ده مش حاجه جلديه هو أغلب الظن حاجه في الأوعيه الدمويه