a 113 عربية ممكن تشتريها و اللا بلاش احسن ؟

السلام عليكم و رحمة الله و بركاته

طوال الفترة الماضية و انا ابحث عن سيارة مناسبة في حدود السعر و الكماليات الجيدة في نفس الوقت - يهمني مثلي مثل الكثير ان تكون موفرة في البنزين - الجودة معقولة - قطع الغيار موجودة - و ......
السيارة a113 تجري في شوارع مصر منذ سنوات - هناك من قال انها اجمل سيارة ركبها و هناك ايضا من كره اليوم الذي اشتراها فيه
الدعوة الان الي كل من يملك هذه السيارة
كل من ركبها
كل من يريد مساعدة الكثير من الناس في اختيار سيارة مناسبة
بالله عليكم - هل هذه السيارة جيدة ام سيئة؟
هل معمرة في وجهة نظركم ام لا ؟
قطع الغيار ؟
تستاهل يدفع فيها المبلغ اللي التوكيل الرائع عمال كل يومين يزود فيه و اللا لا ؟
و اخيرا و هذا الاهم - هل تنصحون بالشراء ام بلاش احسن - و ان هذه السيارة تجربة فاشلة - و خليك في الكوري " الغالي " احسن - او المستعمل اللي بيوجع البطن كل شوية ؟
منتظر و معي الكثير
استحلفكم بالله يرجي الموضوعية في الرأي
و جزاكم الله خيرا

موضوع صعب
اسبرنزا بتكسب بالسعر .سعرها 58 الف لكن اللى زيها يعنى فى الشكل والاوبشن معدى 75000 اللى هوع الكورى يعنى يعنى بتتكلم فى 20 الف جنيه مبلغ محترم لكن 113 عربيه ممتازه لكن بالاستعمال النظيف يعنى ثبات حلو جدا اوبشن عالى وكل حاجه نيجى للعيوب اللى هتحس بيها صوت ماتور عالى شويه يعنى عن الكورى عفشه ناشفه لانها رياضيه يعنى على السريع ممتازه واحسن من الكورى كمان لكن فى المطبات ناشفه العربيه محتاجه انك تراعيها فى الصيانه ومش بتاعه قرص بعنى الطبيعى لكن الناس اللى بتجيبها علشن يعمل امريكانى وغرز ويدخل فى مطبات وكده لا مش هاتستحمل واللى عايز اقوله لك حتى فى الكورى برضه مش بيستحمل والعربيات دلوقتى مش زى الاول يعنى العمر الافتراضى لكل العربيات 5 سنين علشا تجدد وتجيب جديد
لكن زى ماقلت لك 113 تكسب فى السعر والكماليات

هى سعرها كام فى التوكيل دلوقتى

اقتباس:

---

المشاركة الأصلية كتبت بواسطة osa92003

موضوع صعب
اسبرنزا بتكسب بالسعر .سعرها 58 الف لكن اللى زيها يعنى فى الشكل والاوبشن معدى 75000 اللى هوع الكورى يعنى يعنى بتتكلم فى 20 الف جنيه مبلغ محترم لكن 113 عربيه ممتازه لكن بالاستعمال النظيف يعنى ثبات حلو جدا اوبشن عالى وكل حاجه نيجى للعيوب اللى هتحس بيها صوت ماتور عالى شويه يعنى عن الكورى عفشه ناشفه لانها رياضيه يعنى على السريع ممتازه واحسن من الكورى كمان لكن فى المطبات ناشفه العربيه محتاجه انك تراعيها فى الصيانه ومش بتاعه قرص بعنى الطبيعى لكن الناس اللى بتجيبها علشن يعمل امريكانى وغرز ويدخل فى مطبات وكده لا مش هاتستحمل واللى عايز اقوله لك حتى فى الكورى برضه مش بيستحمل والعربيات دلوقتى مش زى الاول يعنى العمر الافتراضى لكل العربيات 5 سنين علشا تجدد وتجيب جديد
لكن زى ماقلت لك 113 تكسب فى السعر والكماليات

---

السلام عليكم
جزيل الشكر اخي الفاضل علي الكلام الجيد - علي فكرة المشكلة فعلا ان العربية دي الكلام عنها متناقض بشكل كبير جدا - و محدش عارف ايه الصح ؟ - عامة اتمني ان يهديني الله و الجميع الي ما فيه الخير
و بالنسبة للاخ الذي يسال عن السعر حاليا في التوكيل - اعتقد انه 56000 ج و السعر يختلف من معرض الي اخر = و كثير من المعارض ارخص من التوكيل بحوالي 1000 ج

زود شوية وهات فيرنا

لو قلقان من الصينى وبتفكر فى الكورى ابعد عن الفيرنا على الاخص
هى عربية حلوة بس لما يبقى ثمنها زيرو 40000 بس لكن ازيد من كده يبقى بارمى فلوسى فى الارض

اقتباس:

---

المشاركة الأصلية كتبت بواسطة esam722

لو قلقان من الصينى وبتفكر فى الكورى ابعد عن الفيرنا على الاخص
هى عربية حلوة بس لما يبقى ثمنها زيرو 40000 بس لكن ازيد من كده يبقى بارمى فلوسى فى الارض

---

انت معاك حق صحيح بس برغم كل عيوبها ... العربية بتتشترها و تبيعها زي الجنيه الدهب .....و دي من الحاجات الغير مفهومة بس واقع عايشينه ....
انا معايا m11 علشان مش ناوي ابيع ولا اتاجر ...انما لو كنت حاطط حساب اني ابيع في خلال 5 سنين مكنتش جبت غير الفيرنا

اقتباس:

---

المشاركة الأصلية كتبت بواسطة hemaa_82

انت معاك حق صحيح بس برغم كل عيوبها ... العربية بتتشترها و تبيعها زي الجنيه الدهب .....و دي من الحاجات الغير مفهومة بس واقع عايشينه ....
انا معايا m11 علشان مش ناوي ابيع ولا اتاجر ...انما لو كنت حاطط حساب اني ابيع في خلال 5 سنين مكنتش جبت غير الفيرنا

---

الموضوع ببساطة ان معظم الناس فى مصر مش بتحب تتحمل اى مسئولية حتى لو مسئولية الاختيار
مش بيحب يتعب ويفكر ويخاطر ويتحمل مسئولية اختياره
الكل عايز المضمون واللى اختاره الناس
ايه اللى يخلى عربية زى الفيرنا يكون سعر اعادة بيعها مرتفع كدة
قطع الغيار؟ (ال516 قطع غيارها منتشرة وبقت ببلاش )
الموتور؟ اى موتور1600 متركب على هيكل خفيف زى الفيرنا لازم يطير بيها
الكماليات ؟ الفول اوبشن بتاعها لوقارنها بال516 ls يبقى ال516 هى الهاى لاين بالنسبة للفيرنا
ده بالاضافة انه لو ركب فى الفيرنا 4 اشخاص تلاقى الاسفلت وصل للمرايا
وده بالاضافة انه كلة بيقول الرأى عن السمع مش عن تجربة واللى بيسئل بيروح يسئل اللى ملوش علاقة بالموضوع فيكون القرار غلط
باختصار كتير مننا معندوش ثقافة الاختيار فى كل حاجة

كلام غير صحيح عن الفيرنا

اقتباس:

---

المشاركة الأصلية كتبت بواسطة ashouhdy

كلام غير صحيح عن الفيرنا

---

هو ايه اللى غير صحيح بالضبط
ياريت تحدد هل اللى انا قلته غلط واية الصح ؟

والله انا شايف كلامه عن الفيرنا منطقى جدا وموضوعى واعتقد ملاك الفيرنا نفسهم هياكدوا على كلامه لانه متهجمش عليها او غلط فيها

اقتباس:

---

المشاركة الأصلية كتبت بواسطة esam722

الموضوع ببساطة ان معظم الناس فى مصر مش بتحب تتحمل اى مسئولية حتى لو مسئولية الاختيار
مش بيحب يتعب ويفكر ويخاطر ويتحمل مسئولية اختياره
الكل عايز المضمون واللى اختاره الناس
ايه اللى يخلى عربية زى الفيرنا يكون سعر اعادة بيعها مرتفع كدة
قطع الغيار؟ (ال516 قطع غيارها منتشرة وبقت ببلاش )
الموتور؟ اى موتور1600 متركب على هيكل خفيف زى الفيرنا لازم يطير بيها
الكماليات ؟ الفول اوبشن بتاعها لوقارنها بال516 ls يبقى ال516 هى الهاى لاين بالنسبة للفيرنا
ده بالاضافة انه لو ركب فى الفيرنا 4 اشخاص تلاقى الاسفلت وصل للمرايا
وده بالاضافة انه كلة بيقول الرأى عن السمع مش عن تجربة واللى بيسئل بيروح يسئل اللى ملوش علاقة بالموضوع فيكون القرار غلط
باختصار كتير مننا معندوش ثقافة الاختيار فى كل حاجة

---

الفيرنا عربية لا تعطل من اول ماتحط المفتاح فيها ليوم ماتبعها اعطالها نادرة جدا جدا

تتقارن بالاسبيرانزا اذاى اللى كلها عيوب ويطلعوا من المعرض يغيروا اسكاترا ومساعدين واسأل كل سواقين التاكسى اللى راكبينها

الفيرنا كانت معايا ولما بيقعد 5 مش بتغوص فى الاسفلت والكلام دة

غير ان قطع غيارها بتعيش ورخيصة واعادة بيع ذى الفل

على اقل تقدير تبقى راكب عربية مطمن انها مش حتعطل منك فى طريق سفر ولا تسخن ولا الافلام اللى بنسمع عنها

عربية حتعاملها كانسان طبيعى من غير جرى وفحت وردم ولعب العيال دة حتعيش العمر

العربية دى بعتها بعد 3 سنين و بعد 70الف كيلو كنت مغير فيها تيل فرامل بس

وصديقى بعها بعد 7 سنين عاملة 240 الف كيلو مغيرة تيل وطقم دبرياج

مش حتكلم على التكييف وقوتة

ومش حقارنها بال113 عشان مينفعش اساسا

والللى بيشتكى من الفرامل والافلام دى بيكون دايما شاب طاير رايح جى وعايزها تقف عشان ميلبسش حادثة بغباوة سواقتة وتهورة لكن لكل مقام مقال

عربية مدنية حجم معقول موفرة اعتمادية متورها يشيل 5 بالتكييف والشنط و ميقولش لأ ... صيانتها رخيصة ومحدودة وتسافر بيها مطمن يبقى 100% وب 68الف !!


يبقى الحمد لله وميت فل وعشرة

وفيها كل الكماليات الأصلية اللى لا تعطل واخدين بالكم من لا تعطل

كاسيت سى دى سنتر انذار 4 ازاز مرايات كهربا اريال كهربا تكييف باور وكمان ضمان 60 الف و 3 سنين وب68الف ويوم لما تحب تبيع تتباع فى ربع ساعة وبسعر ممتاز


عرفتوا لية بقى هى انجح عربية فى مصر

اقتباس:

---

المشاركة الأصلية كتبت بواسطة ashouhdy

الفيرنا عربية لا تعطل من اول ماتحط المفتاح فيها ليوم ماتبعها اعطالها نادرة جدا جدا

تتقارن بالاسبيرانزا اذاى اللى كلها عيوب ويطلعوا من المعرض يغيروا اسكاترا ومساعدين واسأل كل سواقين التاكسى اللى راكبينها

الفيرنا كانت معايا ولما بيقعد 5 مش بتغوص فى الاسفلت والكلام دة

غير ان قطع غيارها بتعيش ورخيصة واعادة بيع ذى الفل

على اقل تقدير تبقى راكب عربية مطمن انها مش حتعطل منك فى طريق سفر ولا تسخن ولا الافلام اللى بنسمع عنها

عربية حتعاملها كانسان طبيعى من غير جرى وفحت وردم ولعب العيال دة حتعيش العمر

العربية دى بعتها بعد 3 سنين و بعد 70الف كيلو كنت مغير فيها تيل فرامل بس

وصديقى بعها بعد 7 سنين عاملة 240 الف كيلو مغيرة تيل وطقم دبرياج

مش حتكلم على التكييف وقوتة

ومش حقارنها بال113 عشان مينفعش اساسا

والللى بيشتكى من الفرامل والافلام دى بيكون دايما شاب طاير رايح جى وعايزها تقف عشان ميلبسش حادثة بغباوة سواقتة وتهورة لكن لكل مقام مقال

عربية مدنية حجم معقول موفرة اعتمادية متورها يشيل 5 بالتكييف والشنط و ميقولش لأ ... صيانتها رخيصة ومحدودة وتسافر بيها مطمن يبقى 100% وب 68الف !!


يبقى الحمد لله وميت فل وعشرة

وفيها كل الكماليات الأصلية اللى لا تعطل واخدين بالكم من لا تعطل

كاسيت سى دى سنتر انذار 4 ازاز مرايات كهربا اريال كهربا تكييف باور وكمان ضمان 60 الف و 3 سنين وب68الف ويوم لما تحب تبيع تتباع فى ربع ساعة وبسعر ممتاز


عرفتوا لية بقى هى انجح عربية فى مصر

---

انت واخد الموضوع على صدرك لية كدة انا بقول الفيرنا حلوة بس بـ40000 جنية بس وبعدين كماليات اية اللى مش بتعطل هى فين الكماليات اساسا اى عربية دلوقت بتنزل كاسيت وباور وتكييف يعنى اللى نازل فى الفيرنا مش عجبة وبعدين فين المرايات الكهرباء دى ومش معقول الايريال هو سبب غلو العربية
وبعدين فى الوسع انا بنزل من عربيتى وممكن لظرف اركب عربية زميلى الفيرنا بحس ان التابلوة على حجرىوكمان العلو عن الارض دى حاجة مش من تأليفى دى حاجة معروفة للجميع
وبعدين فين الامان اللى فى العربية اذا كان ممنوع على الشباب يركبوا العربية وتبقى لكبار السن فقط علشان السرعة متزيدش عن 100 كيلو
وبعدين كلامك عن المميزات الجبارة دى فكرنى بواحد صاحب 128 حاطط ورقة على العربية كاتب فيها سيارة للبيع بها راديو كاسيت والـ 4 فرد كاوتش تيوبلس (بيعدد الكماليات فى العربية )
على فكرة انا لما قارنت بين السيارتين ده كان عن تجربة .
انا اخويا معاه تاكسى 516 وللامانة اتغير فى التوكيل مساعدين امامى فى الضمان وده من غير ما يشتكى منهم لكن فى التوكيل لاحظوا مع الصيانة ان المساعدين عايزين يتغيروا وده ميعبش العربية فى حاجة ان ليها وكيل محترم. لكن موضوع الاسكاترا او اى حاجة بتحصل تانى دى مشاكل فردية مش عامة فى كل العربيات
خلاصة الموضوع انا بقول ان عربية زى الفيرنا فيها 25000 الى 30000 مدفوعين زيادة فى عربية اقل من العادى
ملحوظة اخيرة اخويا سلم تاكسى 125 موديل 79 كان فيها يد بتفتح الشنطة من الداخل مش موجودة فى الفيرنا 2012 العادة عرفت لية الكماليات مش بتعطل لانها مش موجودة اصلا

دي فيها و دي فيها

لما وزني يخف هكون اسرع وادي احساس بالقوة في الطلعة و هوفر في البنزين بس اكيد صاجي هيخف و ابقي مش راسية علي الطريق
لما مساعديني تبقي طرية هبقي اريح بس مش اثبت

انما كلنا عارفين ان غبور لو يطول يطلع العربيات ب 3 عجلات و من غير دريكسيون كان عملها...دي المرايات الكهربا في الاوتوماتيك بس يا مؤمنين....
عربية زيرو 2012 مرايات منافلة و جنوط حديد... و مع ذلك علي القل كفاية انها بتحقق لراكبيهي معادلة "علي الاقل مش صيني "
ده لا يعيب الاسبيرانزا .... ماهي ارخص .. اوسع ... اكتر امان.. ممكن تكون مش اريح علي الارض ... ممكن تكون علشان العفشة القاسية شوية بتحتاج متابعة ... بس فرق الفلوس علشان كلمة صيني بس لان حاليا ال 516 بقت عاملة زي ال 128 ...كله بيشتغل فيها و كله عنده قطع غيارها