تنظيف قلب طرمبة البنزين - بالصور

السلام عليكم ورحمة الله وبركاته

طبعا غني عن الذكر مشاكل طرمبة البنزين عندي والي اتمني من الله انها تنتهي بتنظيفها
وعشان كدة النهاردة انا عملت اول تقرير ليا مصور وهو تنظيف قلب الطرمبة والي إن شاء الله مايبقاش اخر تقرير

نبدأ بسم الله

الأدوات المطلوبة
حاجات بسيطة جدا جدا
1- مفك صليبة
2- بنسة ببوز
3- مفك عادة
4- مفتاح الانكيه نجمة سداسية مقاس 2

الخطوة الأولي :
فك العوامة بالكامل والي جواها طرمبة البنزين

1- فك قاعدة الكنبة - النص اليمين
هتشد القاعدة من تحت لبرة هتطلع معاك للأخر

http://img221.imageshack.us/img221/1...32012025zu.jpg

2- هترفع ارضية العربية (موكيت مقصوص علي شكل نص دائرة)
هتلاقي غطاء حديد لونه اسود ودة غطاء العوامة

3- هتفك الغطاء المربوط بثلاث مسامير صليبة

http://img192.imageshack.us/img192/8904/14032012026.jpg

هتلاقي قدامك العوامة وعليها كمية لا بأس بها من التراب

http://img196.imageshack.us/img196/8276/14032012027.jpg

يستحسن لو تعرف تنظف المكان دة قبل الفك والتركيب


http://img163.imageshack.us/img163/2...ithnumbers.jpg

4- بعد التنظيف هتفك الفيشة رقم 2 في الصورة
ودة عن طريق الضغط علي اللوك بتاعها الموجود يمين الفيشة

5- هتفك مجموعة الخراطيم رقم 3 في الصورة
الفك بتاعهم في غاية السهولة
هتلاقي في كل قفل بتاع الخرطوم زرار بسوستة (رقم 4 في الصورة) لما تدوس عليه هتلاقي الخرطوم بيتفك من القفل بسهولة

http://img85.imageshack.us/img85/9182/14032012028.jpg

وهنا في الصورة انا دايس علي الزرار ابو سوستة

6- هتفك الغطاء الرابط للعوامة ودة رقم 1 في الصورة ومربوط قلاوظ زي غطاء الجركن
فكه بصراحة صعب حبتين لأنه مربوط بأحكام شديد
وانا معلم علي اماكن الفك بالمفك العادة
يستحسن تستخدم حاجة غير المفك يكون ليها حرف حنين شوية عشان ماتكسرش الغطاء

http://img513.imageshack.us/img513/7658/14032012029.jpg

7- سلٌك (حرر) الخراطيم من الغطاء
هتلاقي العوامة طلعت في ايدك بمنتهي السهولة

http://img195.imageshack.us/img195/9484/14032012030.jpg

================================================== ===========
انتهت الخطوة الأولي

الخطوة الثانية:
فك القلب (الطرمبة) من العوامة

http://img641.imageshack.us/img641/9...th7numbers.jpg

الصورة دي في غاية الأهمية وللأسف مفيش غيرها لأن ابتداء من المرحلة دي كانت ايدي كلها بنزين وبنزين اسود كمان مش بنزين عادي

هوضح الأول الأرقام علي الصورة وبرجاء تخيل المنظور الثلاثي الأبعاد للشكل

1- جوان العوامة لأحكام الربط ومنع رائحة البنزين داخل السيارة
2- كلبسات لربط نصي العوامة (هنفتحهم فيما بعد)
3- ذراع العوامة ودة بيطفو علي سطح البنزين وبالتالي بيحدد كميته عن طريق شريحة مثبتة في اعلاه وبتدي اشارة كهربائية موصلة بالفيشة العمومية للعوامة والي كانت واخدة رقم 2 في الصورة السابقة
4- مسامير الانكيه (نجمة سداسية) عددهم 4 مسامير
5- الشريحة الوارد ذكرها في رقم 3
6- خراطيم بنزين ليها أفزان في غاية الصلابة عددهم 2 خرطوم
7- ترامل (كلبسات) طرفي الكهرباء للطرمبة

بسم الله نبدأ الفك

1- هتفك الأربع مسامير الألانكيه
2- هتفك الأفزان الغاية في الصلابة بتاعة الخرطوم الداخل في الطرمبة (مش هتفك الأفيز بتاع الخرطوم التاني)
3- هتفك الخرطوم
4- هتفتح الكلبسات الي رابطة نصي العوامة ببعض وهتفتحهم بمفك عادة بحرص شديد عشان ماتكسرش الظفر بتاعها
5- هتلاقي العوامة نصين وظاهر امامك الطرمبة بتلمع في الظلام الدامس
6- هتفك الترامل بتاعة طرفي كهرباء الطرمبة وهتطلع الطرمبة لبرة لتري النور لأول مرة
7- هتأذن في ودنها اليمين و تقيم في ودنها الشمال
8- هتفك الشبكة (المصفاة) في اسفل العوامة - للأسف طبعا هي كانت تحت العوامة ومعرفتش اكتبلها رقم في الصورة ولكن هتلاقيها في الأسفل وهي عبارة عن مصفاة اعتقد من الحرير لتصفية البنزين من أي شوائب (يوجد بها وصلة تركب في اسفل الطرمبة)
9- اغسل المصفاة جيدا بماء الصنبور
10- لما تطلع الطرمبة اديها كهرباء (12 فولت) لطرفيها واعكس الطرفين عشان تشغلها عكس وكأنها تطرد بدل السحب ودي طريقة تنظيفها والتي اقترحها علي الأستاذ فادي hellboy من قسم الأوبل بارك الله فيه

http://img820.imageshack.us/img820/1958/14032012032.jpg

11- اغسل النص المفكوك من الطرمبة بماء الصنبور وجففه جيدا ياريت لو بكومبيرسور هواء
وواضح طبعا من الصورة قد ايه العوامة متسخة ومتعطشة لماء الصنبور

================================================== =======

انتهت الخطوة الثانية

الخطوة الثالثة:
التركيب

اول حاجة في التركيب هو تركيب الطرمبة في النص المفكوك من العوامة وهو مش بالسهولة الي انا بحكي بيها دي
صعوبته في تركيب المصفاة باحكام في اسفل الطرمبة وخصوصا ان المصفاة ليها اتجاه في التركيب ويوجد جوان للطرمبة لمنع دخول البنزين للمكان الموجود به الكرمبة قصدي الطرمبة داخل العوامة (اصلي كنت بدأت اجوع وحان موعد الغذاء)

بعد كدة كل التركيب زي الفك بالظبط بس اعكس الخطوات من 8 الي 1 في الخطوة الثانية ومن 7 الي 1 في الخطوة الأولي

================================================== ====================

انتهت الخطوة الثالثة والتقرير


اتمني يكون التقرير سهل وواضح

في انتظار ارائكم وتعليقاتكم
ومستعد لتلقي استفساراتكم

لمزيد من المعلومات او لطلبات الجملة اتصل ب 0900

والله المستعان
،
،

يسعدني ويشرفني اكون اول المهنئين لحضرتك ..
تسلم ايدك شغل احترافي وسرد متسلسل رائع
لو تسمحلي اضيف حاجه بسيطه علشان الناس
تبقي فاهمه ,هي طرمبه البنزين ماهي الا موتور
كهربي زي اللي بيبقي في لعب الاطفال ,
طبعا مغمور بالبنزين وده لا يعيق دورانه
بالعس بيبرده في حالات التشغيل المستمر
الملف الداخلي حروفه بارزه شويه علشان
تبقي زي الرفاس بتاع المركب تضخ البنزين
انا غيرت طرمبه البنزين عندي والقديمه
نظفتها بطريقه المهندس محمد واستخدمتها
لضخ الهوا في حوض سمك زينه..
بكرر شكري للباشمهندس محمد سيد
وبطلب من منسق القسم باعتباري ضيف
واكرام الضيف واجب تثبيت الموضوع
بمسامير 17 لاهميته ,تحياتي.

بصراحة الله ينور عليك حاجه كده روعه
اروح اكمل قراءة لو فيه جديد نتناقش

طبعا مش هلاقي مكان احسن من هنا اشكر فيه الجندي المجهول الي بذل معايا مجهود ضخم جدا
وهو المهندس / ايهاب منصور
الي كان معايا خطوة بخطوة في موضوع الطرمبة من اوله في عام 2011 والمستمر حتي الأن
امبارح كان كل شوية يكلمني عشان يتطمن علي الموضوع
واداني نمر (الصفوة - اشرف الشهابي - احمد صلاح) لأني كنت بدأت ايأس وكنت هشتري طرمبة جديدة وكانت هتنتهي قصة اشهر طرمبة بنزين علي مستوي قسم سيات بوجه خاص ونايل موتورز بوجه عام

اخص بالشكر ايضا المهندس / ايهاب windsofchange الي اصر انه يجيبلي طرمبة البنزين بتاعته علي سبيل الأحتياط لحد لما اشتري طرمبة جديدة (تقريبا زهق من مواضيع الطرمبة الي اغرقت القسم)

ايضا الأستاذ فادي hellboy من قسم الأوبل الي طرح عليا فكرة التنظيف

ايضا المهندس هاني عبدالهادي (تاجر قطع غيار واكسسوارات) جاري
الذي امدني ببعض العدة زي البنسة ببوز والمفتاح ال ألانكيه لسهولة الفك
وايضا مصدر التيار ال12 فولت لتجربة الطرمبة واختبارها قبل التركيب

شكرا لكل من ساهم معي في الموضوع ويارب تعبكوا معايا يجي بفايدة

والله المستعان
،
،

اقتباس:

---

المشاركة الأصلية كتبت بواسطة hellboy

يسعدني ويشرفني اكون اول المهنئين لحضرتك ..
تسلم ايدك شغل احترافي وسرد متسلسل رائع
لو تسمحلي اضيف حاجه بسيطه علشان الناس
تبقي فاهمه ,هي طرمبه البنزين ماهي الا موتور
كهربي زي اللي بيبقي في لعب الاطفال ,
طبعا مغمور بالبنزين وده لا يعيق دورانه
بالعس بيبرده في حالات التشغيل المستمر
الملف الداخلي حروفه بارزه شويه علشان
تبقي زي الرفاس بتاع المركب تضخ البنزين
انا غيرت طرمبه البنزين عندي والقديمه
نظفتها بطريقه المهندس محمد واستخدمتها
لضخ الهوا في حوض سمك زينه..
بكرر شكري للباشمهندس محمد سيد
وبطلب من منسق القسم باعتباري ضيف
واكرام الضيف واجب تثبيت الموضوع
بمسامير 17 لاهميته ,تحياتي.

---

انا الي يشرفني ان حضرتك تشارك في الموضوع
ولولا فكرة حضرتك كان زماني عند الميكانيكي بركب طرمبة جديدة وبلف اتحايل علي بتوع الأستيراد يشوفولي واحدة حلوة محلولة من تانك
او كنت زودت رصيد النقدية عند بتوع قطع الغيار ب350 جنية عدا ونقدا

والله المستعان
،
،

اقتباس:

---

المشاركة الأصلية كتبت بواسطة ehab_mansour

بصراحة الله ينور عليك حاجه كده روعه
اروح اكمل قراءة لو فيه جديد نتناقش

---

في انتظار ردك

والله المستعان
،
،

السلام عليكم

عمل اكثر من رائع يا بشمهندس
بس احب اضيف حاجة مهمه جدا
ان الطرمبه ليها مكان محدد واتجاه معين بتركب فيه علشان قراءة العوامة تكون مظبوطة والمؤشر يبقى ثابت فى المطابات ودا بيبان على الطرمبة من فوق بتلاقى فى سهم اعتقد انه يمين الفيشة فى الصورة رقم 3 وفى علامه فى التنك والمفروض ان السهم والعلامة يكونوا امام بعض بالظبط والكهربائية بيبقولو علي المكان دا زومبه (اظبط السهم على الزومبة )

المعلومة دى عرفتها لانى لسه مغيير العوامة الجمعة اللى فاتت وطبعا انا اللى كنت براكبها والمؤشر مكانش عايز يثبت فى المطابات مرة ومرة يثبت وبعد كدة ينزل مرة واحدة على الصفر وبعد محاولات روحت لكهربائى وظبطها والحمد لله

جزاك الله خيرا يا هندسه

اقتباس:

---

المشاركة الأصلية كتبت بواسطة ahmed mubarak

السلام عليكم

عمل اكثر من رائع يا بشمهندس
بس احب اضيف حاجة مهمه جدا
ان الطرمبه ليها مكان محدد واتجاه معين بتركب فيه علشان قراءة العوامة تكون مظبوطة والمؤشر يبقى ثابت فى المطابات ودا بيبان على الطرمبة من فوق بتلاقى فى سهم اعتقد انه يمين الفيشة فى الصورة رقم 3 وفى علامه فى التنك والمفروض ان السهم والعلامة يكونوا امام بعض بالظبط والكهربائية بيبقولو علي المكان دا زومبه (اظبط السهم على الزومبة )

المعلومة دى عرفتها لانى لسه مغيير العوامة الجمعة اللى فاتت وطبعا انا اللى كنت براكبها والمؤشر مكانش عايز يثبت فى المطابات مرة ومرة يثبت وبعد كدة ينزل مرة واحدة على الصفر وبعد محاولات روحت لكهربائى وظبطها والحمد لله

جزاك الله خيرا يا هندسه

---

فعلا كان في اسهم كتير فوق العوامة (الجسم الكامل) بس انا ركبتها زي ماخلعتها بنفس العدلة بالظبط
علي العموم هفتح تاني وهراجع علي موضوع الأسهم دة

شكرا علي الأضافة ياباشمهندس احمد

والله المستعان
،
،

اقتباس:

---

المشاركة الأصلية كتبت بواسطة hellboy

يسعدني ويشرفني اكون اول المهنئين لحضرتك ..
تسلم ايدك شغل احترافي وسرد متسلسل رائع
لو تسمحلي اضيف حاجه بسيطه علشان الناس
تبقي فاهمه ,هي طرمبه البنزين ماهي الا موتور
كهربي زي اللي بيبقي في لعب الاطفال ,
طبعا مغمور بالبنزين وده لا يعيق دورانه
بالعس بيبرده في حالات التشغيل المستمر
الملف الداخلي حروفه بارزه شويه علشان
تبقي زي الرفاس بتاع المركب تضخ البنزين
انا غيرت طرمبه البنزين عندي والقديمه
نظفتها بطريقه المهندس محمد واستخدمتها
لضخ الهوا في حوض سمك زينه..
بكرر شكري للباشمهندس محمد سيد
وبطلب من منسق القسم باعتباري ضيف
واكرام الضيف واجب تثبيت الموضوع
بمسامير 17 لاهميته ,تحياتي.

---

يا أهلا بيك اخ فادي في قسم سيات و ياريت مترحمناش من وجودك دايما و خبرتك جزاك الله خيرا واضم صوتي لصوتك في موضوع التثبيت ده بس لو لقيت أصلا منسق للقسم ههههههههههههه

اقتباس:

---

المشاركة الأصلية كتبت بواسطة syd

في انتظار ردك

والله المستعان
،
،

---

يا هندسة مافيش رد بعد كلامك خلاص مات الكلام ايه الحلاوه دي بجد راااااااااائع ما شاء الله ولا قوة إلا بالله
و منتظرينك بكرة بالعربية اوعي متجيبهاش ولو مجبتهاش أجيلك نشدها بعربيتي و نشتغل فيها في المقابلة ولا يهمك

اقتباس:

---

المشاركة الأصلية كتبت بواسطة ehab_mansour

يا هندسة مافيش رد بعد كلامك خلاص مات الكلام ايه الحلاوه دي بجد راااااااااائع ما شاء الله ولا قوة إلا بالله
و منتظرينك بكرة بالعربية اوعي متجيبهاش ولو مجبتهاش أجيلك نشدها بعربيتي و نشتغل فيها في المقابلة ولا يهمك

---

يا بشمهندس انت الخير والبركة

انشاء الله هحاول اجي بيها
ويارب ماتخذلنيش قدام الأخوة

والله المستعان
،
،

شغل ممتاز

الله ينور عليك

انا ندمااااااااااااان قوى علشان مش هقدر اتعرف عليكو بكره ان شاء الله معلش غصب عنى والله وان شاء الله تبقو تكتبو عن المقابله ديه فى المنتدى الجميل ده
نفسى استفاد من خبرتكم نفسى اعرف اعمل الحاجه بنفسى بدل ما الصنيعيه البهوات بيشتغلونى رغم انى بشوف الصنايعى بيعمل ايه وبحاول على قد ما اقدر انى اتعلم ومبقتش اقتنع بكل الكلام الى الصنيعى بيقولو الا ان فعلا الواحد بيتحصر لما يلاقى حاجه صغيره ممكن هوا يعملها ومش عارف بتتعمل ازاى ( طبعا مش زى الطرمبه )
بالمناسبه انا اشتريت عربيتى وكان المؤشر بتاع البنزين مش شغال وروحت لكهربائى قالى ان البلونه او العوامه عاوزه تتغير وملاقتش زيها للاسف المهم هوا عمل حاجه كده انا مشوفتهاش الصراحه ( كنت بدور على العوامه ) لما رجعت قالى اهى هتشتغل بس مش هتدى قرائه صح يعنى لما بفول التنك المؤشر بيعدى الماكس لحد اخر العداد ولما البنزين بيخلص بيكون المؤشر عند النص يعنى المؤشر شغال بمنطق نص العمى ولا العمى كله
واهو الحمد لله شغال

اقتباس:

---

المشاركة الأصلية كتبت بواسطة ahmed mubarak

ان الطرمبه ليها مكان محدد واتجاه معين بتركب فيه علشان قراءة العوامة تكون مظبوطة والمؤشر يبقى ثابت فى المطابات ودا بيبان على الطرمبة من فوق بتلاقى فى سهم اعتقد انه يمين الفيشة فى الصورة رقم 3 وفى علامه فى التنك والمفروض ان السهم والعلامة يكونوا امام بعض بالظبط والكهربائية بيبقولو علي المكان دا زومبه (اظبط السهم على الزومبة )

---

ممكن توضيع انهي صوره بالضبط

و شكراً
ضيف من قسم الدايو و مبهور بالموضوع الممتاز دا

اقتباس:

---

المشاركة الأصلية كتبت بواسطة biomedo

شغل ممتاز

الله ينور عليك

---

ربنا يخليك

شكرا علي مرورك

والله المستعان
،
،

اقتباس:

---

المشاركة الأصلية كتبت بواسطة matrix012

انا ندمااااااااااااان قوى علشان مش هقدر اتعرف عليكم بكره ان شاء الله معلش غصب عنى والله وان شاء الله تبقو تكتبو عن المقابله ديه فى المنتدى الجميل ده
نفسى استفاد من خبرتكم نفسى اعرف اعمل الحاجه بنفسى بدل ما الصنيعيه البهوات بيشتغلونى رغم انى بشوف الصنايعى بيعمل ايه وبحاول على قد ما اقدر انى اتعلم ومبقتش اقتنع بكل الكلام الى الصنيعى بيقولو الا ان فعلا الواحد بيتحصر لما يلاقى حاجه صغيره ممكن هوا يعملها ومش عارف بتتعمل ازاى ( طبعا مش زى الطرمبه )
بالمناسبه انا اشتريت عربيتى وكان المؤشر بتاع البنزين مش شغال وروحت لكهربائى قالى ان البلونه او العوامه عاوزه تتغير وملاقتش زيها للاسف المهم هوا عمل حاجه كده انا مشوفتهاش الصراحه ( كنت بدور على العوامه ) لما رجعت قالى اهى هتشتغل بس مش هتدى قرائه صح يعنى لما بفول التنك المؤشر بيعدى الماكس لحد اخر العداد ولما البنزين بيخلص بيكون المؤشر عند النص يعنى المؤشر شغال بمنطق نص العمى ولا العمى كله
واهو الحمد لله شغال

---

والله يا باشا العملية بسيطة وسهلة
هي بس محتاجة شوية جراءة وثقة بالنفس وطبعا تكون عارف الحاجة هتركب ازاي وهتتفك ازاي
وشوية عدة (مفكات علي مفاتيح بلدي علي الانيكهات)

والحاجة الي انا مقتنع بيها اني بفهم احسن من الميكانيكي

والله المستعان
،
،

اقتباس:

---

المشاركة الأصلية كتبت بواسطة biomedo

ممكن توضيع انهي صوره بالضبط

و شكراً
ضيف من قسم الدايو و مبهور بالموضوع الممتاز دا

---

http://img269.imageshack.us/img269/5...029arrowed.jpg


المؤشرين هنا بيوضحوا مكان الأسهم

اعتقد السهم اليمين هو السهم بتاع اتجاه العوامة

شكرا علي مرورك ونورت الموضوع والقسم

والله المستعان
،
،

اقتباس:

---

المشاركة الأصلية كتبت بواسطة syd

http://img269.imageshack.us/img269/5...029arrowed.jpg

المؤشرين هنا بيوضحوا مكان الأسهم

اعتقد السهم اليمين هو السهم بتاع اتجاه العوامة

شكرا علي مرورك ونورت الموضوع والقسم

والله المستعان
،
،

---

الموضوع منور بصاحبه و كل اللي شاركوا فيه و كل اللي قراه

الله يباركلك على حب إفادة الاخرين

" زكاة العلم مدارسته"

و زي ما انت عارف الدايو و الاوبل ولاد عم
:affection:

اقتباس:

---

المشاركة الأصلية كتبت بواسطة biomedo

الموضوع منور بصاحبه و كل اللي شاركوا فيه و كل اللي قراه

الله يباركلك على حب إفادة الاخرين

" زكاة العلم مدارسته"

و زي ما انت عارف الدايو و الاوبل ولاد عم
:affection:

---

ربنا يخليك الموضوع منور بحضرتك

والله المستعان
،
،

الله ينور
شغل زى الفل
و الف شكرللزملاء بالمنتدى لمشاركتهم و افادتهم

اقتباس:

---

المشاركة الأصلية كتبت بواسطة gelgel2004

الله ينور
شغل زى الفل
و الف شكرللزملاء بالمنتدى لمشاركتهم و افادتهم

---

ربنا يخليك يا محمد باشا
نورت الموضوع
شكرا علي مرورك

والله المستعان
،
،

مشكورين جميعاً

بصراحة انا مش مستغرب التحليل والشغل اللى فوق الرائع منك يا هندسة

ربنا يجزيك خير على المجهود وافادة الاعضاء ... بس كان نفسى اعرف ايه اعراض مشاكل الطرمبة ؟؟

تحياتى

شغل رائع مشاء الله

السلام عليكم

ممكن لو سمحت الاعراض اللي كنت بتواجها لاني شاكك في موضوع الطرمية.

اقتباس:

---

المشاركة الأصلية كتبت بواسطة ahmedhk

السلام عليكم

ممكن لو سمحت الاعراض اللي كنت بتواجها لاني شاكك في موضوع الطرمية.

---

الاعراض عندي كانت مختلفة عن الاعراض بتاعتك
وعموما اعراض تلف طرمبة البنزين كتير
ولكن اشهرها هي الاعراض اللي حصلت معاك
ضعف في السحب
عدم انتظام الدوارة
تبطيل السيارة المفاجئ بدون ادني سبب

الاعراض اللي كانت عندي
ابتدت اني لما ابطل ماتدورش غير بعد فترة - لكن كانت بتدور الصبح عادي بدون ادني مشكلة
فضلت علي هذا الحال يمكن شهرين
واخر ايامها تنتيش وعدم استجابة تماما لدواسة البنزين

نصيحتي اركن العربية وغيرها لأنها كدة في ايامها الاخيرة وممكن تقطع معاك في اي وقت وبدون مقدمات

تحياتي

اقتباس:

---

المشاركة الأصلية كتبت بواسطة زكريا محمود

مشكورين جميعاً

---

شكراً علي مرورك الطيب

اقتباس:

---

المشاركة الأصلية كتبت بواسطة mahmoud ghanem

بصراحة انا مش مستغرب التحليل والشغل اللى فوق الرائع منك يا هندسة

ربنا يجزيك خير على المجهود وافادة الاعضاء ... بس كان نفسى اعرف ايه اعراض مشاكل الطرمبة ؟؟

تحياتى

---

الله يخليك ياحودة
انت راجل ذوق ومحترم
بص يا سيدي
بعد البحث والتنقيب ومتابعة مشاكل الاعضاء، تتلخص اعراض تلف الطرمبة في الأتي..
- ضعف في السحب وكأن حد بيشد العربية منك او كأنك قاطر تريلا (علي فكرة الملحوظة دي بتظهر نتيجة مشاكل اخري غير الطرمبة)
- تنتيش اثناء التسارع (ايضاً هذه الملاحظة بتظهر نتيجة مشاكل اخري غير الطرمبة)
- تبطيل العربية فجأة بدون مقدمات واحياناً اثناء التسارع واحياناً علي المور
- عدم الدوارة بعد التبطيل واحيانا عدم الدوارة مبكراً
- عدم انتظام الار بي ام اثناء الضغط علي دواسة البنزين
- احياناً عند الضغط علي البنزين لا ترتفع عدد لفات المحرك عن 3000 لفة في الدقيقة

تحياتي

شكرًا للردود السريعة
و بجد انا بقيت كل حاجة محتاجة بسال هنا .

اقتباس:

---

المشاركة الأصلية كتبت بواسطة ahmedhk

شكرًا للردود السريعة
و بجد انا بقيت كل حاجة محتاجة بسال هنا .

---

تحت امرك في اي استفسار
ومساعدتك في حل مشكلتك شئ يسعدنا

موضوع مفيد جدا شكرا اخى العزيز

اقتباس:

---

المشاركة الأصلية كتبت بواسطة warfighter2114

موضوع مفيد جدا شكرا اخى العزيز

---

شكراً علي مرورك الطيب

ربنا يباركلك ياااااارب

الله يباركلك يااااااارب

https://encrypted-tbn1.gstatic.com/i..._O3V8OHh65eBIG

http://cranberrykiss.com/wp-content/...l-pump-495.jpg

http://rpmrush.com/uploads/article_i...79e8a72f5b.gif

http://www.universalautotransport.co.../fuel-pump.jpg

http://upload03.motoring.vn/upload/n...xang_denso.png

تطهير وغسيل خزانات المياه منزليا

تعتبر خزانات المياه من الضروريات في المنزل العصري حيث أن وجودها في المنزل يسهم في تخزين مياه الشرب لحين الحاجة إليها وقطع انقطاع المياه وفي بعض الأحيان قد يكون وجودها ضروري لاستخدامها خاصةً مع سكان الأدوار العليا ولكنها تحتاج دائماً إلى العناية والاهتمام حيث تحذر المديرية العامة للمياه من إهمال تنظيف خزانات المياه حتى لا تصبح بمثابة سم قاتل للمستخدمين.

أهمية تطهير وغسيل خزانات المياه

http://up.bawabat.net/do.php?img=656

• يفضل المداومة على تنظيف وغسيل خزانات المياه كل ثلاثة أشهر حتى لا تتسبب في انتقال الأمراض إلى المستخدمين سواء بنفسك او بالاستعانة بمختصين في شركة تنظيف خزانات بالطائف .
• التخلص باستمرار من الرواسب والبكتيريا الضارة التي تنشط داخل الخزان مما يؤثر على طعم ورائحة المياه.
• في بعض الأحيان قد تكون هناك بعض الأجزاء المعدنية داخل المياه والتي تتسبب في إعاقة حركة المياه وقدرتها على الوصول إلى شبكات المياه وبالتالي يفضل التخلص منها بشكل سريع.

أنواع خزانات المياه

http://up.bawabat.net/do.php?img=655

تنقسم خزانات لمياه إلى أنواع متعددة من حيث الاستخدام ومن حيث المكان الذي يتم وضعها به ومن حيث الغرض منها وسوف نستعرض هذه الأنواع بالتفصيل:
• الخزانات الأرضية: وهي من أنواع الخزانات التي تستخدمها الشركات والمصانع والمنازل وتختلف حسب الغرض المستخدمة من أجله فخزانات المياه في المنزل تصبح أصغر حجماً من التي تستخدم في الشركات والمصانع ويفضل بناء الخزان بجوار المبنى أو المنزل.
• الخزانات العلوية: وهي من نوعية خزانات المياه الأكثر انتشاراً ويتم استخدامها فوق أسطح المنازل والمصانع أو الشركات حيث أنها تقوم بتوصيل المياه عن طريق شبكات الصرف لكافة القاطنين بالمبنى.
• الخزنات الخرسانية: وهي من نوعية الخزانات التي لا يستخدمها الأشخاص كثيراً على الرغم من أنها تصلح للبناء بجوار المبنى أو على أسطح المباني.
• خزانات الألياف الزجاجية: وهذه النوعية من الخزانات صالحة للاستخدام خاصةً وأنه يتم تصنيعها وفقاً لمعايير الجودة العالمية بالإضافة إلى قدرتها على التحمل فهي الأكثر شيوعاً.
• خزانات الصاج: هذه النوعية من الخزانات تستخدمها الشركات مثل شركة الشهاب كنترول أو الأشخاص بالتحديد في الشوارع والميادين حيث تستخدم كمبردات للمياه فيفصل الصيف ويراعى في تصنيعها طليها بمادة مقاومة للصدأ حتى لا تتسبب في تلوث مياه الشرب.
• خزانات البلاستيك: وهي من النوعية التي لا يقبل عليها الكثير خاصةً وأنها تحتاج إلى الالتزام بمعايير الجودة العالمية في اختيار نوعية البلاستيك التي يصنع منها جسم الخزان أو في قدرتها على عدم التفاعل مع الخواص الكيماوية للمياه وذلك بهدف عدم الإضرار بصحة المواطنين.
• الخزانات العامة: وهذه النوعية يصلح استخدامها في المستشفيات والجامعات والمصانع الكبرى ويتم الموافقة عليها من قبل وزارة الصحة للتأكد من مطابقتها للشروط الصحية.

http://up.bawabat.net/do.php?img=654

المصدر : غسيل خزانات المياه