بمناسبة انتهاء الشتاااااء واقتراب الحر والصيف .. فكرة لزيادة كفاءة تكييف العربية :)

السلام عليكم ورحمة الله وبركاته

دلوقتى هقولها ببساطة

انت بتشغل التكييف وبتبقى فى العربية لوحدك غالبا فى معظم الاوقات

لية تبرد الاربع كراسى لما انت قاعد فى كرسى واحد بس


[overline]الفكرة باختصار
[/overline]

هتجيب مشمع تقيل شفاف من النوع الطرى اللى مش بيخرفش دة
هتعمل بية ستارة بين الكرسيين اللى قدام واللى ورا يعنى هتقسم الصالون نصيين قدام و ورا
الستارة دية هتسبتها على حاجة زى حبل او خيط

* لما حد يكون راكب ورا تشدها وتلمها فى جنب يمين او شمال وتيبقى التكييف شغال للعربية كلها
* لما تكون لواحدك اافردها وتبقى التكييف للنصف الامامى فقط ودة هيزود قوة التبريد ( لانك قللت حجم الحيز اللى التكييف بيبردة )

والله فكرة حلوة لتوزيع هوا التكييف - لكن يا ترى الشكل هيكون إزاي - فكرتني بزمان لما الناس كانت بتعمل غطاء للأنتريه أو الصالون ولما يجي ضيوف يشيلوا الغطا دا ( تاتا كانت بتعمل كدة الله يرحمها ) - بس برضوا فكرة حلوه - هتابع الردود - ممكن يكون في أفكار لتنفيذها بطريقة أفضل من الستارة المشمع.

اقول لحضرتك طريقة افضل
عارف الرول اللى بيبقى راكب على زجاج البربريز بتاع المينى باص اللى عشان السواق يشدة ويمنع الشمس

ممكن تتعمل حاجة زية وتتركب فى نصف السقف

او زى الشاشة بتاعت البروجيكتور اللى بتنزل بالكهباء عشان البروجيكتور يعرض عليها

زى الصورة دية

http://www.sunnforest.com/digital-li...%20100inch.jpg

160 inch Screen - YouTube

[youtube]http://www.youtube.com/watch?feature=player_detailpage&v=sbW4KLVTvq4[/youtube]


يبقى زى دة والستارة شفافة وبزرار على الطابلوة قدامك

[youtube]http://www.youtube.com/watch?v=sbW4KLVTvq4[/youtube]

بس كده انا ممكن اموت من البرد لو كيفت نص العربية بس ..بمعنى ان ممكن على اقل سرعة للتكييف اسقع منه مع مرور الوقت

لما تلاقى الجو بقى ساقع كفاية اقفل التكييف بسيييييييييييييييطة :d

مش عارف ليه حاسسها فكره مش عمليه لأنك همرك ما هاتقدر تحكم عدم تسريب هواء للخلف

و ايه نظام مراية الصالون ؟

اقتباس:

---

المشاركة الأصلية كتبت بواسطة zalabany

مش عارف ليه حاسسها فكره مش عمليه لأنك همرك ما هاتقدر تحكم عدم تسريب هواء للخلف

---

[gdwl]
دية الفكرة المجردة لكن تنفيذها فى حاجات هتتضاف ولكن هتبقى بشكل ميشوهش وميبانش[/gdwl]

اقتباس:

---

المشاركة الأصلية كتبت بواسطة تامر.محمد

و ايه نظام مراية الصالون ؟

---

الحاجز دة هيبقى مشمع شفاف من النوع المرن اللى مش بيخرفش

اقتباس:

---

المشاركة الأصلية كتبت بواسطة abdalah_hashem

[youtube]http://www.youtube.com/watch?v=sbW4KLVTvq4[/youtube]

---

:tumb:

إجتهاد بردو---- ولكن هل قمت بتنفيزها فى العربيه عندك ؟ :F_eyeb1[1]:

اقتباس:

---

المشاركة الأصلية كتبت بواسطة akmm

إجتهاد بردو---- ولكن هل قمت بتنفيزها فى العربيه عندك ؟ :f_eyeb1[1]:

---

لو عندى عربية كنت عملتها انا فى دماغى حاجات كتيييييييييييييير تتعمل فى العربيات لما اجيب عربية ان شاء الله هبقى اعملها

الفكرة جيدة وهتعجب الاعضاء لكن اظن محدش هينفذها لاسباب كتير
وكل عضو هيكون ليه سببه:
1_ عائق الرؤية مهما كان شفاف
2_استحالة عدم تسريب الهواء الي باقي السيارة ولكن الفكرة ان الهواء هيكون مباشر لوش السائق فيشعر بالبرد اكثر من المطلوب وهذا اظن غير جيد بحيث اني لما بأغلق التكيف بشعر بحرارة الي حدا ما فلا اريد اغلاقه
3_الشكل العام للصالون او السيارة اثناء القيادة اظن هيكون سئ بهذه الاقتراحات

دي مجرد وجهة نظر لكن هي فكرة جيدة منك جدا ولكن اظن لا تنفذ فكل العربيات
بارك الله فيك علي مجهودك
تقبل تحياتي .. اخي الكريم

فكره جميله قوي

بخصوص المشمع يا جماعه اللي يقصده الراجل متخافوش رخيص
انا كان عندي محل موبايلات وقافل الباب بمشمع زي اللي بيتكلم عليه
في الصيف مكنتش بحس بالبرد اللي بره ولا التراب ولا أي حاجه
و في الشتاء المحل كان دافي وبره المحل تلج و بيمنع اي حاجه و تقيل جدا ً ومبيخرفشش
كنت جايبه المتر بـ 12 جنيه وتقيل وخامته حلوة قوي بس الكلام ده من سنتين ولا 3
دلوقتي لو زاد قوي يعني مش هيزيد عن 15 ولو وصل لـ 20 مش هتفرق
بالنسبه للرؤيه هتشوف طبعا ً في المرايه لأنه شفاف
و الرول بيبقي عرضه متر ونص علي ما افتكر او متر

:Y_hi_3[1]:
بس محدش يرص حجارة تاني كده فل على الاخر:shyy:
ولو حد ساب الستارة مفتوحة مش عيب برضه الكنبة اللي ورا تبان
ده كده الواحد ممكن يأجر الكنبة اللي ورا مفروش هههههههههههههههههههههههه
على فكرة أنا ضحكت ضحك مضحكتوش من يجي 10 سنين
بارك الله فيك

اقتباس:

---

المشاركة الأصلية كتبت بواسطة medododo

:y_hi_3[1]:
بس محدش يرص حجارة تاني كده فل على الاخر:shyy:
ولو حد ساب الستارة مفتوحة مش عيب برضه الكنبة اللي ورا تبان
ده كده الواحد ممكن يأجر الكنبة اللي ورا مفروش هههههههههههههههههههههههه
على فكرة أنا ضحكت ضحك مضحكتوش من يجي 10 سنين
بارك الله فيك

---

بغض النظر عن الفكرة , بس انا اعدت اضحك علي التعليق دة لغاية مادمعت
ربنا يبارك فيكو يا شباب

فكرة رائعة و إجتهاد محمود
حتى لو تسرب جزء من الهواء الى الخلف سيظل الحيز المكيف محدود...و طبعا الحاجز الشفاف لن يعيق الرؤية
و اضيف على اجتهاد حضرتك تركيب مروحة صغيرة التي يتم تركيبها في مكان الولاعة...و هي تختلف عما توضع في التاكسيات...حيث أنها توزع الهواء بشكل أفضل من صاروخ الهواء الخارج من فتحات التكييف

انا عندى فكرة افضل انا هلبس الكيس وهوصل خراطيم الهوا من التكييف على فتحات الكيس--والله فيه ايام حر لابينفع فيها تكييف ولا غيرة

حسب ما اعلم ان في تصميم الصالون الداخلي للسيارة بيتم دراسة حركة الهواء داخل السيارة بحيث يتم توزيع الهواء اللي جاي من التكييف على كامل السيارة من اكثر من اتجاه سواء من اسفل الكراسي الأمامية او من جوانب السيارة وبالتالي اللي حضرتك هتعمله مش هيشكل فرق كبير لأن كده كده مش الفاصل بين الكراسي هو الاتجاه الرئيسي للهواء , والله اعلم ..

فكره جامده جدا جدا الحقيقه

بس انا فكرت فحاجه تانيه

فكرت اجيب المروحه اللي بتتحط عالتابلوه دي


واحطها ورا على الرف بتاع السماعات واوصلها مع اول سرعة للمروحه بتاعت التكييف بحيث هي ترجع الهوا اللي ورا قدام وده هيساعد عالتبريد اسرع


ايه رأيكم؟.؟؟

واللهي فكرة حلوة

http://up.z7mh.com/upfiles/ixs41325.jpg

http://t2.gstatic.com/images?q=tbn:A...AmlaAZPYABC1UH

الدنيا حــــــــــر ... وتحياتي .

انا عن نفسي بقفل فتحات التكييف بتاعت الراكب الي جنبي وبسيب فتحات التكييف بتاعتي بس الي مفتوحه. بالتالي اقل درجة تبريد بتعمل الواجب وزياده وتخفيف الحمل على الcompressor وتوفير في استهلاك البنزين

شئ جميييييييييييييييل

اقتباس:

---

المشاركة الأصلية كتبت بواسطة medododo

:y_hi_3[1]:
بس محدش يرص حجارة تاني كده فل على الاخر:shyy:
ولو حد ساب الستارة مفتوحة مش عيب برضه الكنبة اللي ورا تبان
ده كده الواحد ممكن يأجر الكنبة اللي ورا مفروش هههههههههههههههههههههههه
على فكرة أنا ضحكت ضحك مضحكتوش من يجي 10 سنين
بارك الله فيك

---

الاقي معاك فحميتين يا أخ ؟؟
فحميتيييين
..
..
..
الفكرة كويسة مبدأيا
لكن محتاجة تطوير عشان الشكل والرؤية في المراية

الفكرة اتطورت يا رجالة فى الكام كونت اللى فى الصفحة الاولى
واتطورت اكتر فى دماغى دلوقتى هتبقى شيك ومش باينة
ومش هتسرب هواء من قدام لورا من اى حتة لا فوق الكراسى ولا تحت الكراسى
وهتبقى بزرار فى الطابلوة قدامك

شكرا جزيلا، بس الفكرة فعلا مش عملية

اقتباس:

---

المشاركة الأصلية كتبت بواسطة mahmoud_afifi

انا عن نفسي بقفل فتحات التكييف بتاعت الراكب الي جنبي وبسيب فتحات التكييف بتاعتي بس الي مفتوحه. بالتالي اقل درجة تبريد بتعمل الواجب وزياده وتخفيف الحمل على الcompressor وتوفير في استهلاك البنزين

---

الله ينور عليك، أنا بعمل نفس الكلام:bravo:

اي يا جدعان مبتشوفوش اعلانات سفن اب الناس تقعد مدوخة نفسها وهي حرانة واللي يحط راسو في حوض المية

واللي تنط في البحر
اشتري كازوزة صاروخ سفن اب وانت حتنتعش
------------

بعيد عن الهزار شكرا لصاحب الموضوع على فكرتو الجميلة

اقتباس:

---

المشاركة الأصلية كتبت بواسطة Sehsss

الله ينور عليك، أنا بعمل نفس الكلام:bravo:

---

يا جماعة انتوا كدة مش بتخففوا على التكييف ولا حاجة الفكرة ان التكييف بيسحب هوا من جوة العربية يعدية على ال cooler بتاع التكييف اسمة الصح ( evaporator ) وبعدين يرمة الهوا الساقع دة جوة العربية تانى

الفكرة ان حيز العربية الداخلى حجمة مثلا هنعتبر انة 100 لتر وبالتالى المفروض التكييف يبرد الهواء اللى فى الحجم دة كلة وبعدين يفصل لما يوصل كل الهواء دة لدرجة الحرارة اللى انت عايزها منة


اللى انا بقول علية انت كدة هتشيل جزء كبير من الحجم اللى انت مش مستفاد بية اللى هو الجزء اللى ورا
مثلا وليكن نقصنا حوالى 40 لتر من حجم الهوا دة
يبقى كدة المطلوب من التكييف يبرد حجم 60 لتر من الهواء يعنى انت كدة قللت الحاجة اللى التكييف هيبردها
بمقدار حوالى 40 % يبقى انت خففت علية قللت الشغل المطلوب منة يعنى

ودة اللى انا اقصدة من ناحية الفعالية هى مش هتخلى التكييف يبقى فريزر بس فى عربيات كتير صحابها بيقولوا التكييف مش شديد يبقى لما تعمل كدة التكييف هيبقى فوق المقبول وهيبرد الحيز الاقل افضل ودة اللى انا اقصدة

الارقام دية مجرد تقدير وليست فعلية وانما لتوضيح الفكرة وهى نفس التطبيق على الارقام الفعلية

ياريت اكون قدرت اوصل وجهة نظرى لحضرتك :)

اقتباس:

---

المشاركة الأصلية كتبت بواسطة lanos2004

انا عندى فكرة افضل انا هلبس الكيس وهوصل خراطيم الهوا من التكييف على فتحات الكيس--والله فيه ايام حر لابينفع فيها تكييف ولا غيرة

---

بتعقدها ليه ياعم طيب اللي معندوش تكييف يعمل ايه :fun_broken: