الموضوع: مشروع معرض سيارات

راس مالك هو علاقاتك فقط لا غير

صعب انك تشترى كل العربيات اللى هاتعرضها عندك فمن خلال علاقاتك هاتقدر تعمل عرض كويس لانواع عربيات كتير تعرضها عندك ياعنى الاول هاتشتغل لحساب الغير كمثال انت تعرف 5 عندهم عربيات عاوزين يبيعوها هاتعرف السعر المطلوب وتتفق معاه على انه ياخد السعر المطلوب وانت بتعمل فرق سعر او انك تشتغل معاه بعموله او نسبه من البيع وعلشان تبداء مظبوط ابدا بالفئات رينج الاربعينات فيما فوق وحاول ان العربيات تكون فابريقه بالكامل وحالات ممتازه وسعر مقبول وانت يكون عندك خبره ودرايه بحالات العربيات واسعار السوق وقدره الاقناع ع البيع وع الشراء او الاستبدال لان اى حركه بتتعمل فى المعرض بتعمل ليك دخل
اول سنه مكسبك الحقيقى هو سمعتك واسعارك وتوطيد علاقاتك بجميع المعارض على اد ماتقدر علشان تعمل معاهم عمليه بدل للعربيات علشان اللى مايتباعش عندك يتباع عنده والعكس وتقدر توفر لعميلك العربيه المطلوبه

لا ده وضع تانى خالص اما انك تشتغل براس مال خاص بيك وده محتاج مئات الالف وممكن ملايين او ان من خلال علاقاتك تاخد عربيات من معارض وتعرضها عندك ومكسبها مش كبير لو هاتشتغل من خلال معرض مكسبك فى العربيات رينج ال 100000ج = 1000ج

والمسعود كل العربيات اللى بيبعها بتاعته