الي الاخ MedoMurcilago أنا اؤيدك تماما 100% و تقريبا بعمل اللي بتقول عليه لكن فيه ناس كتير بتفهم تصرفاتي دي غلط , لكن مش مهم طالما اني مقتنع اني بأعمل الصح و براعي ربنا مش بجامل حد
عرض للطباعة
الي الاخ MedoMurcilago أنا اؤيدك تماما 100% و تقريبا بعمل اللي بتقول عليه لكن فيه ناس كتير بتفهم تصرفاتي دي غلط , لكن مش مهم طالما اني مقتنع اني بأعمل الصح و براعي ربنا مش بجامل حد
لو واحدة سايقة عربية باعديها و ابعد عنها الأول لسببين:
1- خوف من العواقب لو هي قليلة الخبرة
2- ذوقياً لأنها في الغالب مش قليلة الذوق + لو رخمت عليها ممكن ترتبك و الله أعلم ايه ممكن يحصل.
ولا علاقة لي بشكلها
لو ثبت العكس (قليلة الذوق أو بتعرف الأصول و واثقة من نفسها و شايفة الأولوية في المرور ليا) باعدي أنا الأول
لو راجل بيعدي تقاطع بالعافية بحاول أقرفه، أطلع ببوز العربية و ماقفش و أشاور له يقعد ببرود من غير ما أبص له (مستفز مش كده :D). لأني لاحظت في ناس لما تشوفك بتبص على عربيتهم و الاكصدام و كده بيفتكروك خايف و يعدوا.
لو (إنسان) بيعدي الشارع على رجليه. مش شرط راجل ولا ست، حلوة أو وحشة. لو الطريق سريع مش باقف لأنه يا أنا هاتخبط من ورا يا هما هيتخبطوا من اللي جاي بعدي على الحارة يميني أو شمالي و هما مش شايفينه. و ياريت بلاش الـ eye contact مع المشاة لو مش ناوي تعديهم.
لو الطريق زحمة و ماحدش راضي يقف لهم باقف و أعديهم و اللي ورايا يستنى
أحياناً باعرف أن العربية اللي قدامي سايقاها واحدة من تصرفاتها (التصاق بالحارة لا تناسب السرعة، فرامل على الطريق السريع بدون داعي، لخمة و ربكة في الزحمة و التقاطعات، فرامل فجائية عند الركن)
حسب الموقف والطريق والسرعة وشوية العوامل اللي بتتحكم فينا واحنا سايقين يعني مش شرط عشان واحدة بأجاملها
لو حسيت ان العربية اللي جاية في وشي او بتتقاطع معايا في تقاطع لو حسيت انه ذوق وداخل عامل حساب العربيات التانية اللي في الشارع ومش معتبر نفسة ماشي لوحدة بأجامله
في حاجة بس ان ساعات بعد الموقف مايحصل وتقف تستنى واحد في تقاطع او جاي في وشك والشارع ضيق لازم واحد يقف يستنى وييجي ويعدي وميقولشي شكرا باندم اوي على اللي انا عملته واتمنى اني ماكنتش عملت كدة ولما تقف لواحد او واحدة مشاة وتقول له عدي وينزل عليه البرادة اللي في الدنيا كلها وانت فرملت ووقفت الطريق وراك وينزل يعدي قدامك ببرادة او بزاوية ويديك ضهرة ويمشي في قصادك كأنه عربية داخلة الطريق وطبعا بقى لو اديتله كلاكس مثلا ولا حاجة تاخد نظرة مالهاش لزمة ولا تسمع كلمة مالهاش لزمة !!الموقف دا بجد بيخليني - وأكيد أي حد بيعمل زيي - اطق ومالوش غير خبطة مراية او اكصدام خفيف طبعا من غير أذية عشان في الأول والآخر هو = بني آدم قدام القانون وقدام ربنا
وساعات بقابل ناس ببقى خلاص هدمع لما ألاقي الذوق دا زي ان واحد يرفع ايدة اعتذارا وهو اصلا مش غلطان وببقى نفسي اجري وراة اوقفه واعتذرله عشان انا اللي غلطان وكنت مثلا ماشي صح بس بسرعة زيادة او اترددت مثلا فهو اتلخم و كدة
اتعاطف معاها ازاي
اللي ممكن اهمل لها
لو فرده كواتش نايمه ممكن اغيرها
لو عندها عطل ممكن اصلحه
لكن علي الطريق الكل واحد
كل إناء ينضح بما فيه :ph34r:
المفروض انك تساعد الناس بغض النظر عن راجل او ست وبعدين ما انت مش هتفضل راكب العربيه علطول طب ما انت هتنزل منها وتيجي تعدي طريق برضه هتلاقى واحد يرخم عليك زى اللى انت رخمت عليه من شويه لما كنت سايق
بالنسبه لموضوع البنات دا لو شكلها محترم او فعلا محتاجه انى اقف زى الحامل هاقف ولو نانسي عجرم:drool5: معديه مثلاهضرب فرامل لو ماشى على الخامس حتى ههههههه بهزر طبعا بس انا فعلا بطلت اقف لاغلب البنات من فتره لانى سمعت بنات كتير عندنا في الكليه ببيقولوا انهم بيحبوا اوى يحرقوا دم الشباب لما يققفوا لهم ويلفوا من ورا العربيه عشان يحرجوه وفعلا حصلت مع واح صاحبي لما كنت راكب معاه ولما عدت البنت قعدت تضحك يبقى الناس دي ما تستاهلش طبعا مش الكل كدا في بنات محترمين
اسف على الاطاله وشكرا على الموضوع
اه ليه...في حاجة :-) انا باقول يمكن بحسن معاملتي للضعفاء (المرأة والطفل والعجوز) ربنا يجازيني خير. ويوقف أولاد الحلال لأهلي في حالة عدم وجودي
+111111111111
مرة واقف ورا عربية نوبيرا في اشارة في الكوربة ، وأول الاشارة مافتحت العربية راحت راجعة لورا و. . . . طاخخخخخ & و انا معملتش اي حاجة لأنها مشيت لقدام انا فاكرها هتجري او حاجة اتاريها دخلت يمين ووقفت وانا كنت دخلت شمال و لما افتكرتها هتجري محاولتش أفكر في اي حاجة غير اني استعوض ربنا وساعتها كنت سايق سيات ومستعجل ومش عارف لو بطلت العربية ونزلت احتمال مترضاش تدور تاني مرة في نفس اليوم والخسائر عندي طبعا مهما كانت متساويش الواحد ينزل يتخانق مع واحدةلأني بصراحة ساعتها كنت على آخري من الموقف ولو نزلت كان لازم اتخانق ولما لقيتها واحد كبرت
المهم حاول دايما يبقى بينك وبين اي عربية سايقاها واحدة يكون في عربية او اكتر بينك وبينها مش كفاية انك تطلعها قدامك
مش كل البنات عشان محدش بزعل بس انا طول حياتي مشفتش غير اربع بنات بيسوقوا صح الصح