عفوا .... الموضوع بلا عنوان
آسف .... مش قادر الاقي عنوان .... فعلا مفيش عنوان ممكن يعبر عن الموقف ده
اليوم كنت رايح المطار الساعة 1.30 الظهر تقريبا
وانا سايق في طريق المطار ... تقريبا امام الكلية الحربية
وألاقي واحد راجل ( مريض عقلي ) ماشي علي الرصيف بتاع الجزيرة اللي في النص
الراجل في حدود الخمسين سنة وطبعا شعره منكوش وماشي على الرصيف ووشه ناحية العربيات اللي ماشية واللي انا واحد منهم
تخيلوا في هذا المكان والساعة 1.3 الظهر ويوم خميس والدنيا زحمة
الراجل ماشي عريان تماما ..... كما ولدته امه .............
وحتى مفيش اي ملابس في ايده او كيس او شنطة على اساس حد يمسكه ويضع عليه ملابس او يستر عورته بأي شيء
وطبعا استحالة عربية تقف في طريق المطار علشان يحاولو يعملو اي حاجة
اي عربية ح تقف فجأة على الشمال ح تسبب كارثة
...
...
انا شعرت بغثيان واكتئاب لحظي مش قادر اتخلص منه لغاية دلوقت
شعرت باهانة لي كأنسان اني اشوف انسان زيي في هذا الوضع المهين
شعرت باهانة لي كمصري ان ان اشوف مصري زيي في هذا الوضع المهين
حسبي الله ونعم الوكيل في اللي مسئول عن ترك مثل هذا المريض خارج المستشفى وبدون علاج
وحسبي الله ونعم الوكيل في اللي سبب له هذا الجنون