مفاجأة من العيار الثقيل: فولكس فاجن مصر تطرح باسات سي سي الجديده بالأسواق New Passat

http://www............com/ads/GPS.gif

بسم الله الرحمن الرحيم
مفاجأة بكل المقاييس من وكيل فولكس بمصر
اليوم و أثناء زيارتي لصديقي الأستاذ أشرف صاحب توكيل فولكس بالغردقة فوجئت بوصول تحفى فولكس فاجن الباسات سي سي
و في بداية الأمر أعتقدت ان السيارة اسبيشال أوردر لأحد العملاء لمعلوماتي انها 2000 سي سي و سعرها يتجاوز النصف مليون
ولكن المفاجأءة ان السيارة نزلت بنفس محرك الشيروكو 1.4 TSI ال 160 حصان
سعر البيع هو 325 الف جنيه
أعتقد بنزول هذه السيارة الجميلة ممكن حتكون منافس قوي للفولفو S60 high line
الموضوع منقول عن احد الزملاء فى منتدى اخر
أترككم مع بعص الصور من صالة العرض

http://i785.photobucket.com/albums/y...t%20CC/067.jpg

http://i785.photobucket.com/albums/y...t%20CC/066.jpg

http://i785.photobucket.com/albums/y...t%20CC/065.jpg

http://i785.photobucket.com/albums/y...t%20CC/064.jpg

http://i785.photobucket.com/albums/y...t%20CC/063.jpg

العربية دى مش هتبيع كتير
الناس هتخاف من ال dsg
و سعرها يجيب بى ام

يعني سعرها ارخص من اللي قبلها
والفرق بينها وبين الباسات العادية في السعر مش كبير اوي

اعتقد انها هتنجح

عشان خاطرها اخاطر بالdsg
تتجاب لونها ابيض

جميلة جدا وسعر معقوول

يس الى يجيلة قلب وميخفش من الفتيس

أنا من عشاق فولكس فاجن بس مين الى هيعوضنى ان الفتيس طلع فية حاجة

خصوصا ان بلدنا بتاخد حقها ناشف من الجمارك وبترميك وانت و نصيبك يا صابت ياخابت

اقتباس:

---

المشاركة الأصلية كتبت بواسطة AMRPEGAS

جميلة جدا وسعر معقوول

يس الى يجيلة قلب وميخفش من الفتيس

أنا من عشاق فولكس فاجن بس مين الى هيعوضنى ان الفتيس طلع فية حاجة

خصوصا ان بلدنا بتاخد حقها ناشف من الجمارك وبترميك وانت و نصيبك يا صابت ياخابت

---

ياباشا العربية تتجن خصوصا لعشاق ال vw زينا
انا عمري ما كنت هجيب حاجة dsg
ال passat ال cc
اجبها

ألرجاء التأكد من قوة المحرك لان المحرك التيربو الوحيد للباسات cc هو 1800 تيربو

ممكن حتى لو ال 1800 سى سى ..زى الاودى ال a4 ماهى برضه 1800 سى سى و ب 300 الف

هو مش سي سي يعني كوبيه كابروليه ؟

تحفه بس مش رخيصه برضه 335 تجيب C-Class و A4 و F30 الجديده اللى هاتبقى فى نفس الرنج تقريبا , مع ان ال CC تعتبر فئه مختلفه Four Door Coupe بس اكيد بالمبلغ دا لازم تفكر فى الباقيين خصوصا ان اقل موتور فى ال F30 اجمد منها وكذلك ال A4

اقتباس:

---

المشاركة الأصلية كتبت بواسطة amr salah eldin

ألرجاء التأكد من قوة المحرك لان المحرك التيربو الوحيد للباسات cc هو 1800 تيربو

---

فى منها 1400 تربو فى بعض الدول زى السويد

Volkswagen CC en elegant blandning mellan cupé och sedan. < Hitta modell < Volkswagen

1400 سى سى 160 حصان 240 نيوتن من 0 ل 100 فى 8.5 ثوانى

لسه شايف واحده امبارح على كوبرى اكتوبر 2012 من غير نمر فضى
تحفه ما شاء الله
واشيك حاجة فيها نورها الخلفى
http://www.carsuk.net/wp-content/gal...-cc-2012-1.jpg

اقتباس:

---

المشاركة الأصلية كتبت بواسطة Hosam_Optrawy

تحفه بس مش رخيصه برضه 335 تجيب C-Class و A4 و F30 الجديده اللى هاتبقى فى نفس الرنج تقريبا , مع ان ال CC تعتبر فئه مختلفه Four Door Coupe بس اكيد بالمبلغ دا لازم تفكر فى الباقيين خصوصا ان اقل موتور فى ال F30 اجمد منها وكذلك ال A4



فى منها 1400 تربو فى بعض الدول زى السويد

Volkswagen CC en elegant blandning mellan cupé och sedan. < Hitta modell < Volkswagen

1400 سى سى 160 حصان 240 نيوتن من 0 ل 100 فى 8.5 ثوانى

---

العربية فى نفس الرنج مع عربيات تانية زى المرسيدس c180 وخلافه اه بس فى فرق فدان كماليات بين ال cc والعربيات التانية

شكرا علي التقرير

العربيه زايده 100000 عن العاديه عشان شكل و سوبر تشارجر!!!!!! (نفس مكنه الجولف tsi 160)
متهيألي كتير

بس ده مايمنعش انها جميله

عربية شيك جدا بس كتير علي تمنها لان جمارك ال 1400 تختلف عن ال 1600 والمكسب لصالح الوكيل
وبتمنها اركب بي ام 318

العربيه دى وهميه بمعنى الكلمه دى 4 door coupe زى المرسيدس cls الشكل تحفه جداااااااااااا
لاتقارن بالبى ام التالته او المرسيدس ال c بجد شكلها وهمى

في المعرض منزلنها بفرش قماش عادي و بدون ابانوس ب 335 الف و الكاملة هتنزل علي شهر مايو الجاي و لم يتم الاعلان عن سعرها اكيد فيها 10 الآف زيادة .

10آلاف زايده دى لما تكون لتتكلم عن كورولا او سيفيك. فى العربيه دى الزيادة مش اقل من ٤٠-٥٠ الف. زكى الباسات العاديه و الهاش لاين. و ألبي جو ٥٠٨ العاديه و الهوى لاين

لو الزيادة 50 الف في الهاي لاين تبقي المرسيدس 250 c او الx3 2000 cc الجديدة {420 الف} اولي بالشراء .

عربيه ممتازه بس يوم متبيع هتبيع 3 4 عربيات فى السنه

اقتباس:

---

المشاركة الأصلية كتبت بواسطة dr_radioooooo

العربية دى مش هتبيع كتير
الناس هتخاف من ال dsg
و سعرها يجيب بى ام

---

انا اسف يعنى حضرتك بتقارن فولكس بالبي
حضرتك محسسنى انك بتقارن الفولكس دى هيونداى مثلا بتتقارن بالبي ام

على فكرة شركة فولكس شركة كبيرة وتقارن بالمرسيدس والاودى

اقتباس:

---

المشاركة الأصلية كتبت بواسطة body

انا اسف يعنى حضرتك بتقارن فولكس بالبي
حضرتك محسسنى انك بتقارن الفولكس دى هيونداى مثلا بتتقارن بالبي ام

على فكرة شركة فولكس شركة كبيرة وتقارن بالمرسيدس والاودى

---

انا اسف اني اقول لحضرتك فولكس دلوقتي تتقارن بالصيني و الصيني يكسب كمان و لما يغيروا تصميم الفتيس الفضيحه ساعتها تتقارن زي ما حضرتك قلت

بس أنا لو معايا 330 ألف جنيه وش حجيب الc180 ونفس عدد الأحصنة ومهما كانت العربية دي كويسة إستحالة تتقارن بالمرسيدس والعين لاتعلى عن الحاجب ده كفاية إن المرسيدس دفع خلفي وتابلوها بعد الفيس ليفت بقى نفس ال cls بالضبط
ده طبعا غير الفتيس ال DSG الفاشل

والنبى قبل الكلام الكبير ده ...كم واحد هنا شاف او قعد فى السى سى ؟؟؟؟؟؟

عدد احصنه ايه! هو احنا بنقارن عربيات للسبق؟

اقتباس:

---

المشاركة الأصلية كتبت بواسطة maskeen

والنبى قبل الكلام الكبير ده ...كم واحد هنا شاف او قعد فى السى سى ؟؟؟؟؟؟

عدد احصنه ايه! هو احنا بنقارن عربيات للسبق؟

---

العربيه شكلا رهيييييييييييييييبه
موضوعا هي هي الباسات العاديه
اداء زي الجولف tsi ال160 حصان يعني اشد عربيه في مصر
عمليا حرام يدفع فيها 100000 جنيه بسبب الفتيس اللي ما يتسمى

اقتباس:

---

المشاركة الأصلية كتبت بواسطة hany63

العربيه شكلا رهيييييييييييييييبه
موضوعا هي هي الباسات العاديه
اداء زي الجولف tsi ال160 حصان يعني اشد عربيه في مصر
عمليا حرام يدفع فيها 100000 جنيه بسبب الفتيس اللي ما يتسمى

---

حضرتك بتناقض نفسك!
منين هى هى الباسات..ومنين موتور 160 حصان اشد موتور ف مصر؟؟ (الحقيقه موتور الفولفو s60 اشد لانه 180 حصان بس ماعلينا)

حضرتك قارن حجم الصالون, الكماليات, التسارع, الثبات, وبعدين ابقى قول هى هى الباسات ولا لآ
ومين قال ان الفتيس اللى فيها هو نفسه بتاع المشاكل؟؟ ماهو راكب هو هو فى الاودى!
فيه اى موقع بيتكلم عن مشاكل فتيس ف ال سى سى او الاودى؟؟؟

اقتباس:

---

المشاركة الأصلية كتبت بواسطة maskeen

حضرتك بتناقض نفسك!
منين هى هى الباسات..ومنين موتور 160 حصان اشد موتور ف مصر؟؟ (الحقيقه موتور الفولفو s60 اشد لانه 180 حصان بس ماعلينا)

حضرتك قارن حجم الصالون, الكماليات, التسارع, الثبات, وبعدين ابقى قول هى هى الباسات ولا لآ
ومين قال ان الفتيس اللى فيها هو نفسه بتاع المشاكل؟؟ ماهو راكب هو هو فى الاودى!
فيه اى موقع بيتكلم عن مشاكل فتيس ف ال سى سى او الاودى؟؟؟

---

حضرتك اللي داخل تهاجم و خلاص ما علينا
1-اقعد في الباسات العاديه و خش اقعد في ال cc و انت تفهم قصدي هتحس ان العربيه بالمللي واحد تابلوه كرسي الخ فقط الاختلاف في الشكل الخارجي
2-ماليش دعوه بعدد الاحصنه ما بينها و مابين الفولفو مش يمكن الصافي يفرق او القوه للوزن ماعلينا حضرتك لو سقت ال TSI ال 160 حصان هتعرف قصدي و ان مافيش عربيه تسد معاه و خصوصا من الحركه حتى لو كانت الفولفو او الفئه الخامسه اما بالنسبه لمواتير البي ام الجديده ممكن الوضع يختلف و بالمناسبه الباسات ال 122 حصان بتعلم بسهوله على 320i و الc180
3-ياريت لما حضرتك تقول ايش عرفنا ان فتيس ال CC هو بتاع الباسات يبقى تقول لنا ايه التغيير اللي حصل هل عملوا تصميم جديد بشرطه مثلا
4-حضرتك كام عربيه اودي بتتباع في مصر اصلا مقارنه ب VW
5-كلامي مش متناقض ان بحلل كل نقطه بموضوعيه

تحفه فنيه وسعرها منطقى وافضل من البى ام الفئه الثالثه اللى هى فى نفس السعر

واكيد فى حل للفتيس الdsg وبصراحه ادائه مرعب

اقتباس:

---

المشاركة الأصلية كتبت بواسطة ahmed_fahmy

واكيد فى حل للفتيس الdsg وبصراحه ادائه مرعب

---

والله يافندم لحد دلوقت مالوش حل حضرتك بتبقى رايح تجيب بطيخه 90% قرعه
لسه عربيه جيتا 2010 عامله 23000 كم غيرت طقم دبرياج امبارح لتاني مره و كانت غيرت الميكاترونيك قبل كده و بسأل صاحبي على الاخبار قال لي مافيش فايده هبيعها بعد شم النسيم
وربنا يحاسبني لو بكذب

عربيىة تحفة واعتقد حتنجح

انا معايا باسات 2008 هاي لاين بصراحه عربيه ممتازه في كل حاجه من وجهة نظري بس عيبها الوحيد ان البودي بتاعها تحس انه شويه تقيل علي الموتور

وانا بحيي استاذ هاني علي تحليله وعلي صبره وعلي فكرة الباسات الشكل الجديد فعلا فيها حاجات كتير ناقصه عن عربيتي وكانت سعرها غاليه مع ان بصراحه شكلها مش بيعجبني بس انا بصراحه لسه ماشفتش ال cc عشان كده مش هاتكلم عنها لكن بالنسبه للاسعار و المواصفات ال الزملاء بيقولوها اكيد اكيد مع احترامي لفولكس النجمة علي العربيه لوحدها ليها ثمن فا مرسيدس تكسب اكيييييييييييييييييد