حاجه عجيبه عملها الونش النهارده !!!

**ganash** · 15-03-2012 09:15 PM

طيب هوه مش ممكن ياخد رقم العربيه ويسجلها مخالفه ؟؟

**Hyper3G** · 15-03-2012 09:54 PM

الموضوع باختصار ان الونش ليه ميعاد او ورديه خدمه
يعنى الونش بينزل يشتغل عادى زى ما انت لاحظت
واللى عايز يفك كلابش عربيته بيدفع الغرامه والونش يفك الكلابش
ولكن فى وقت معين لازم الونش يرجع و يلم كل الكلابشات لانها عهدته

**Medicalist** · 15-03-2012 10:25 PM

هى يا جماعه العربيات الاوتوماتيك تنفع تتشد بالونش لو انت راققاع فرامل اليد ولا لا ؟

**dr_abooody** · 15-03-2012 11:33 PM

المشاركة الأصلية كتبت بواسطة medicalist

هى يا جماعه العربيات الاوتوماتيك تنفع تتشد بالونش لو انت راققاع فرامل اليد ولا لا ؟

مش هينفع انا مرة شوفت عربية الونش بيشدها في شارع البحر الاعظم و العجلتين الللي ورا مش بيتحركوا واضح ان صاحبها كان شادد فرامل اليد و طبعا الكاوتشات عمالة تعمل صوت رهيب و طلعت دخان

اعتقد ان لما صاحبها ياخد عربيتة هيغيرها عجلتين ورا عشان اكيد اتدمروا

**kar!m** · 15-03-2012 11:43 PM

على فكرة شفت ونش شايل عربية عندنا فى الزقازيق النهارده .. و استغربت برضه .. مشفتش المنظر ده من زماااان.

**MASERATI** · 16-03-2012 12:53 AM

السلام عليكم و رحمة الله و بركاته

تحس أن عسكرى الونش ده عامل زى الصياد و الكلبش ده, الشبكة بتاعته, بيصحى الصبح, يرمى الشبك قصدى الكلبشات و ربنا اللى بيرزق و آخر النهار يرجع يلم الشبك -يووووه, يقطعنى- قصدى الكلبشات و يروح بيتهم.

الموضوع عاوز النفس الطويل, بعد كده, اللى عربيته تتكلبش, يطول نفسه و يستنى على أد مايقدر, على أساس أن العسكرى هيزهق و يرجع لوحده بكل أدب و هو يجر أذيال الخيبه و ياخد الكلبش بتاعه و يمشى يروح يكلبش عربية تانية يكون صاحبها مستعجل و نفسه قصير, ماهما أكيد مش هيسيبوها طول اليوم متكلبشة يعنى !!!!!!!!!!!!!!

أما عالم لاسعة صحيح !!!!!!!!

**MohaMed_Refaat** · 16-03-2012 12:59 AM

المشاركة الأصلية كتبت بواسطة dr_abooody

مش هينفع انا مرة شوفت عربية الونش بيشدها في شارع البحر الاعظم و العجلتين الللي ورا مش بيتحركوا واضح ان صاحبها كان شادد فرامل اليد و طبعا الكاوتشات عمالة تعمل صوت رهيب و طلعت دخان

اعتقد ان لما صاحبها ياخد عربيتة هيغيرها عجلتين ورا عشان اكيد اتدمروا

طيب هو مش ممكن يرفعها من ورا بدل قدام ولا هما حافظين مش فاهمين ؟!!؟

**abdo7000** · 16-03-2012 02:25 AM

حاجة غريبة فعلا

**Mostafa.Ismail** · 16-03-2012 02:53 AM

علشان الونش والكلابشات لازم يباتوا فى القسم :)
يعنى بجد لو اتكلبشت كمل مشوارك عادى وارجع على الساعة 9 بالكتير هتلاقى عربيتك مستنياك.
طبعا علشان الداخلية بتاعتنا عبارة عن شركة تحصيل والظباط شغالين sales وليهم كمان كوتة :) واحنا بقى بنلعب دور الزبون :) هما ميهمهمش تماما سيولة المرور.

**smsm_hamada** · 16-03-2012 03:48 AM

المشاركة الأصلية كتبت بواسطة MASERATI

السلام عليكم و رحمة الله و بركاته

تحس أن عسكرى الونش ده عامل زى الصياد و الكلبش ده, الشبكة بتاعته, بيصحى الصبح, يرمى الشبك قصدى الكلبشات و ربنا اللى بيرزق و آخر النهار يرجع يلم الشبك -يووووه, يقطعنى- قصدى الكلبشات و يروح بيتهم.

الموضوع عاوز النفس الطويل, بعد كده, اللى عربيته تتكلبش, يطول نفسه و يستنى على أد مايقدر, على أساس أن العسكرى هيزهق و يرجع لوحده بكل أدب و هو يجر أذيال الخيبه و ياخد الكلبش بتاعه و يمشى يروح يكلبش عربية تانية يكون صاحبها مستعجل و نفسه قصير, ماهما أكيد مش هيسيبوها طول اليوم متكلبشة يعنى !!!!!!!!!!!!!!

أما عالم لاسعة صحيح !!!!!!!!

السلام عليكم ورحمة الله وبركاته

احلى وصف فعلا بس ماننكرش برضو انهم بقو ينزلو الشارع شويه وانهاردة شوفت دوريه شرطه بتجرى ورا عربيه فى شبرا الساعه 2.30 صباحا
ووقفتها وبصت جوه العربيه وعلى بطاقات الراكبين و قائد السياره والرخص
بس اداره المرورلسه ماصحيتش

و شكلها عايزه تلم فلوس وبس ...

الموضوع: حاجه عجيبه عملها الونش النهارده !!!

LinkBack

أدوات الموضوع

عرض

-

-

-

-

-

-

المواضيع المتشابهه

حاجه عجيبه جدا جدا وتخنق كمان

حاجه غريبه قوى النهارده

حصل حاجه غريبة معايا النهارده

عندى سؤال عجيب عن حاجه عرفتها النهارده

استفسار عن حاجه عجيبه

الكلمات الدلالية لهذا الموضوع

المفضلات

المفضلات

ضوابط المشاركة