تيل الفرامل ,,,جنني!!!

**medo666** · 15-03-2012 07:35 PM

السلام عليكم...هاحكي ليكم علي حكايتي مع تيل الفرامل...انا معايا بومه 2010وغيرت التيل في مركز خدمه العدوي_المنصوره بعد 17 الف كيلو وكان تمنه 505 جنيه...قلت مش مهم لانه هيكون زي الاصليوهايستمر معايا مش اقل من 15 الف.او اكثر..لكن للاسف قعد معايا 8 الاف كيلو وبعدين لاقيته بيصفر..قلت اغيره بره مركز الخدمه طالما طلعوا اي كلام في قطع غيارهم لاقيت نوعين في المحلان نوع كوري اسمه هاي كيو ونوع تركي ..والكل فضل لي التركي اشتريته ب 65 جنيه ...ولما دخلت علي الموقع النهارده لقراءه اللي عملته صح والا غلط اصبحت متذبذب من اللي عملته شويه كاتبين ارائهم ان التركي كويس وشويه كاتبين ان الكوري كويس وشويه يقولوا مافيش احسن من التوكيل...ارجو الافاده العاجله هل اللي عملته ده الصح ام لا..وهل فيه تيل اصلي في السوق وسعره كام وفين مكانه...بجد هاتجنن!!!!!!!

**medo666** · 15-03-2012 07:41 PM

منتظر ردودكم السريعه مع خالص امتناني

**catmaw** · 15-03-2012 09:47 PM

انا برده عاوز رايك فى هذا المركز من ناحية الكفاءة لانى محتار اعمل الصيانة عندهم او عند ميكانيكى كويس ويا ريت تدلنى على نوع فلتر بنزين كويس جدا بدل الاصلى ابو 600 جنيه

**mohammedabdallh** · 15-03-2012 10:31 PM

انا بغير الكورى على طوول وزى الفل معايا وتمنه 65ج انا معايا كرستاله
والى انت عملته صح وزى الفل

**semsemworld** · 15-03-2012 11:59 PM

يا باشا عليك و على الاصلى من التوكيل الرواس اللى لونه اخضر من فوق

**mody1221** · 16-03-2012 01:45 AM

طبعا التيل الاصلى هو غالى بس تمنة فية يعنى ولا حيصفر ولا حيغنى (لونة اخضر) وفى ناس بتركب البديل بتاعة الكورى
ومدام حضرتك اشتريت التركى وركبتة فماينفعش تغيرة دلوقتى اقعد بية لحد ما يودع وعليك وعلى الاصلى بعد كدة حتى اشترية من التوكيل وركبة برة

**medo666** · 16-03-2012 08:35 AM

يا باشوات لو قريتم مشاركتي جيدا هاتعرفوان ان اخر مره كنت مغيره في التوكيل ب 505جنيه وهو التيل الاخضر وماستمرش في العربيه 8 الاف كيلو وخلص ىيبقي ازاي اروح اعمله في التوكيل او مراكز الخدمه المعتمده تاني...وعاوز اعرف لو الاصلي موجود بره موجود فين وبكام,,,افيدونا

**mody1221** · 16-03-2012 01:45 PM

المشاركة الأصلية كتبت بواسطة medo666

يا باشوات لو قريتم مشاركتي جيدا هاتعرفوان ان اخر مره كنت مغيره في التوكيل ب 505جنيه وهو التيل الاخضر وماستمرش في العربيه 8 الاف كيلو وخلص ىيبقي ازاي اروح اعمله في التوكيل او مراكز الخدمه المعتمده تاني...وعاوز اعرف لو الاصلي موجود بره موجود فين وبكام,,,افيدونا

يا كبير التيل ماقعدش 8 الاف دة بسبب الاستعمال والتيل مالوش دعوة التيل الاصلى انضف حاجة ومش عشان ماقعدش معاك كتير يبقى وحش اكيد حضرتك بتستخدم العربية كتير جوة البلد واشارات وكدة .التيل الاخضر حتى لو ماعمرش معاك (بسبب كثرة استخدامك للفرامل وبالذات لو اوتوماتيك)فهو مش حيضر حاجة تانية (الطنبور)
الاصلى عندنا مش بيتباع غير ف التوكيل معرفش عندكو اية النظام ممكن يكون فى محلات بتبيعة الله اعلم

**yoko** · 16-03-2012 01:48 PM

المشاركة الأصلية كتبت بواسطة mody1221

يا كبير التيل ماقعدش 8 الاف دة بسبب الاستعمال والتيل مالوش دعوة التيل الاصلى انضف حاجة ومش عشان ماقعدش معاك كتير يبقى وحش اكيد حضرتك بتستخدم العربية كتير جوة البلد واشارات وكدة .التيل الاخضر حتى لو ماعمرش معاك (بسبب كثرة استخدامك للفرامل وبالذات لو اوتوماتيك)فهو مش حيضر حاجة تانية (الطنبور)
الاصلى عندنا مش بيتباع غير ف التوكيل معرفش عندكو اية النظام ممكن يكون فى محلات بتبيعة الله اعلم

+1
بالظبط كده
ويخلص في 8 الاف ده معناه غنك حريت فرامل

الموضوع: تيل الفرامل ,,,جنني!!!

LinkBack

أدوات الموضوع

عرض

-

-

-

-

المواضيع المتشابهه

الكاسيت خلاص جنني

عطل جنني

سحب العربية جنني

السنتر جنني !!

يا ناس ياهوووووووو وش السلندر جنني

الكلمات الدلالية لهذا الموضوع

المفضلات

المفضلات

ضوابط المشاركة