السلام عليكم
انا ان شاء الله ناوى على كلية تجارة انجلش
عايز اعرف هل الكلية دى ليها شغل كويس وراتب كويس وهل ليها فرص جيدة للعمل بالخارج؟؟
ايه رايكو اصلا فى الكلية ديه يعنى مطلوبة ولا ايه نظامها؟؟
اخوكم الصغير
هشام
عرض للطباعة
السلام عليكم
انا ان شاء الله ناوى على كلية تجارة انجلش
عايز اعرف هل الكلية دى ليها شغل كويس وراتب كويس وهل ليها فرص جيدة للعمل بالخارج؟؟
ايه رايكو اصلا فى الكلية ديه يعنى مطلوبة ولا ايه نظامها؟؟
اخوكم الصغير
هشام
ابببببببببببببببببه ياجماعة؟!!!!!
ياريت الرد للاهمية
انا لسة متخرجتش
بس انا راى انها احسن حاجة فى ادبى بعد اقتصاد وعلوم سياسية
هى كويسه طبعا بس انا هكلمك بصراحة لو معاك ايه وملكش سكه فى مكان كويس تشتغل فيه مش هتلاقى حتى لو كنت اوائل دفعتك للاسف بس اجتهد يمكن السنين الجاية مصر تتغير
اتعب هاتلاقى
هاتذاكر و تاخد كورسات .. ادخل الكلية و اتحمل عنائها و مصاريفها
مش واخدها جد و بتاع لعب يبقى خليك فى عربى و ابقى شد حيلك شوية و هات تقدير كويس مع شوية كورسات و هاتلاقى شغل ان شاء الله
الف شكر على الردود الجميلة دى وانا ان شاء الله متخمس و ناوى اذاكر بجد
ربنا معاك أولاً
ثانياً أنا هقولك على تجربتى........مع العلم أن الأرزاق دى بتاعة ربنا.
أنا خريج تجارة أنجلش دفعة 99 و نظراً لأنى مكنتش حاببها قوى أو بمعنى أصح فاكر أن مفيش شغل كويس ليها أبتديت بعد الكلية أذاكر فى مجال أنا بحبه أكتر و هو تكنولوجيا المعلومات......و خصلت فى 2001 و أشتغلت فى بنك فى مصر.........مش عاوز أقولك لو أشتغلت فى بنك بس فى المكان الصح.........هتلاقى دلع جامد جداً و هتلاقى شغل بره مصر بسهولة إن شاء الله.
أنا حالياً بقالى سنة بدور على شغل فى مجالى و مش لاقى حاجة عدلة.........و فى المقابل أصحابى اللى كانو فى تجارة معايا بسم الله ما شاء الله شغالين فى أماكن كويسة و بيلاقو شغل بسهولة أكتر منى بمراحل.
الكلية كويسة و توكل على الله بس حاول بقدر الإمكان تاخد الموضوع جد و تجيب تقدير.
بالتوفيق إن شاء الله.
تجارة ...... جوكر
المهم تكون دماغك نضيفة و متعتمدش بس على الكلية
شغل تجاره في امكان في الدنيا موجود بس الي يدور بنوك وشركات قطاع خاص بالعبيط وشغل بره بالاعبط منه بشوية انا من ساعة لما اتخرجت واصحابي كلها راحو السعوديه لدرجة اني زهقت من الوحده وبسافر شمال سيناء لان في اولي تمهيدي وعايز اذاكر في هدوء تاام
يعنى الواحد يتخرج وفى بطنه بطيخة صيفى ؟ههههههههههههه
بس اهم حاجه تذاكر وتكون فاهم ومش مذاكرة امتحان مذاكرة للشغل
طب ممكن معلش اعرف متوسط المرتبات
زى ما كل الاخوة قالوا، الاهم مذاكرة شغل. انت بيكون عندك لغة ولو زوت كمبيوتر وشهادة مهنية بعد التخرج هتلاقى الشغل الى انت عايزة - بس بردة اول 10 سنين فى الشغل لازم تثبت نفسك فيهم، اكتساب خبرة، سهر، سفر، كلة وبعدين تانى 10 سنين بتثبت الى انت عملتة فى اول عشرة وتالت 30 سنين بتاخد العائد على تعب اول 20 سنة. دة النظرة المحايدة. وطبعاً فية استثناءات كتير والفترات ممكن تقل. وفية نقطة اخيرة انت بتدور على اية فلوس ولا منصب ومكانة؟
حسب المكان الي موجود فيه في اماكن تديك راتب ضعيف وفي اماكن تخليك حاجه تانيه بس كله حسب الخبره والشغل
انا نفسى اخلص الكلية واسافر على نيو جيرسى واعيش هناك
بس مش عارف اه نظام الشغل بتاع المحاسبة فى امريكا
يعنى فى شغل للمحاسبين هناك؟؟
اما عن اللغة فهى موجودة والحمد لله ومتقن للانجليزى
امريكا ياباشا مش هتنفع شهادتك دى انا تجارة برضه زيك لو عاوز تسافر امريكا يبقى تاخد شهاده مهنية cma او cpa
بص يا باشا
شغل البنوك فيه أقسام كتييييير ممكن يشتغل فيها أى خريج محاسبة أو إدارة أعمال
أكتر الأقسام اللى كانت بتاخد مرتبات عالية عن الباقى و فرص الترقى فيها كويسة هى الكريديت و ال investment banking و ال dealing room و ممكن ال finance
لكن الحسابات و ال CS و ال tellers و كده مش قوى زى الباقى.
تانى حاجة الموضوع ده بيفرق من بنك للتانى......بمعنى
أن بنك زى بنك مصر ( على سبيل المثال ) ممكن تلاقى فيه متوسط مرتب واحد شغال خدمة عملاء و لسه فريش تلاقيه 2000 جم مثلاً بينما بنك زى HSBC ممكن تلاقيه ما بين 3 و 4 ( كل ده أمثلة من خيالى )
اللى أنا متأكد منه أن كان ليا واحد صاحبى فى HSBC أشتغل هناك فى 2001 و ساعة لما مشى من البنك فى 2009 كان بياخد أكتر من 10 بشوية غير ال profit sharing
و مشى من البنك و هو customer Service head و كان على وشك يبقى مدير فرع.
مش عاوز أقولك من ساعة لما مشى و هو بيحلف بالبنك ده.........مع أنه شغال مدير فرع فى بنك تانى..........بس بيقولى HSBC أحسن كتير فى كل حاجة.
موضوع الحرمانية ده تسأل فيه شيخ هو اللى يفتى فيه مش أنا
أنا اللى سمعته قبل كده على لسان الشيخ الشعراوى على ما أذكر أنه مفيهوش مشكلة و لكن تبعد عن أى حاجة فيها قروض بقدر الإمكان............هذا و الله أعلم.
الف شكر لحضرتك
واضح أنه مشي من البنك قبل الثورة..
على العموم نرجع لصاحب الموضوع, هي الكلية كويسة لو أنت فعلاً ناوي تجتهد و مجالات شغلها كويسة لو أنت أمكانياتك كويسة تميزك في سوق العمل عن غيرك.
عندك مجال البنوك واسع, و مميزاته المادية كويسة بس على حسب البنك.
عندك بقى مكاتب المراجعة, زي Pwc, deloitte, أو حازم حسن.. بس المرتبات هتبقى ضعيفة في الأول لحد ما تاخد الـCPA بعد كده الوضع هيبقى أفضل بكتير جداَ..
في مجال التسويق كويس برضه و في شركات بتدفع مبالغ كويسة جداً للي شغالين في التسويق..
المهم أنت شد حيلك و أعمل اللي عليك و بعد كده هتلاقي الأشغال هي اللي بتجيلك لحد عندك..
طيب حضرتك الي لسا بيدرس لازم ياخد توفيل دلوقت ؟ وازاي ازود نسبة اني اتقبل اكيد الموضوع مش تقدير بس