كنت راجع من الاسكندريه لدمياط النهارده بعد الظهر والجو كان جميل والطريق فاااااااااااااااضي والعربيه بتسحب وكله تمام و
ميه ع الزجاج الامامي ؟؟؟؟؟؟؟؟ وصوت طقه وارتفاع مؤشر الحراره
ركنت ..لقيت الكاوتشه اللي من الريداتير للموتور من فوق متفرتكه
انا كنت بين بلطيم وجمصه مكان موحش تماما
بس الحمد لله اتصلت بالمنقذ طبعا سمسم
وبعد مداولات لفيت شيكرتون علي الكاوتشه وربطه بكام افيز بلاستيك
والحمد لله وصلت لحد بتاع قطع الغيار بدمياط من غير ما تسرب تاني وغيرتها
المهم انا كنت ماشي علي 180 فتره سؤاااااااااال الجو كان حلو مش حر خالص ليه دا حصل
وانا شايف الميه الصبح ومزود القربه
ولقيت فقاقيع في الريداتير دا جوان وش سيلندر ولا ايه؟
نسيت اقولكم
وقف لينا واحد بتاع نص نقل وعرض المساعده وادانا خرطوم كان معاه وقال
انا رايح جمصه انزل الحموله وهارجع لو لقيتكو متصرفتوش هاشدكوا لجمصه ومش عاوز فلوس
والله مصر بخير ربنا يسلم طريقه ويجزيه خير
والف شكر يا سمسم