انهارده ابتدت المعركه مع الرادياتير و دورة التبريد و ممكن ندخل شويه كهربا ف النص
المهم انا شوفت كذا طريقه لغسل الرادياتير منهم بالخل او الصابون او الجاز و غيرهم طرق كتير
انا عشان عارف الرادياتير بتاعي و محتاج قوات خاصه عشان ينضف ف فكرت اني اغسله بطريقتين مع بعض
اخترت الخل و الصابون
جهزت الادوات , ازازه الخل - شويه ربسو - جراكن ميه - جردل فاضي - شويه مفكات و مفاتيح
ابتديت الاول بفك ترموستات الحراره عشان معنديش حنفيه , نزلت كل الميه الي فيه و ركبتها تاني
فكيت الخرطوم الي فوق (المفروض الي جاي من الماتور للرادياتير ) و دورت العربيه و حطيت الصابون و ازود ميه
طبعا نزل بلاوي , و فضلت ازود ميه لحد ما الميه بقت صافيه
خلصت مرحله الصابون و دخلت في غسله الخل
مليت الرادياتير ميه و نص ازازه خل و قفلته و سبت العربيه دايره حوالي 10 دقايق
ف المده دي غسلت قربه الميه و طبعا كانت مليانه صدا و ورق شجر و تراب
نفس الي عملته مع الصابون فكيت الخرطوم الي فوق و ابتديت ازود ميه لحد ما الصدا كله نزل و لون الميه بقى صافي
سبت العربيه دايره نص دقيقه و بعدين حطيت الميه الخضرا
الغريب بقى ان الميه بتعمل رغاوي خفيفه . مش عارف بقى اذا كان دا بقايا صابون ولا هي اصلا بتعمل رغاوي ؟
و بكرا هاجرب العربيه علي الطريق و اشوف اخبار الحراره ايه.
المفضلات