شكل الصني الجديد ومعلومات جديده
أخوانى الكرام أستكمالا لموضوع الشكل الجديد عرفت معلومه جديده من أوتو ايجيبت النهارده أن الشكل الحالى سيظل كما هو بجميع الفئات المتواجده حاليا وأن الشكل الجديد ماهى الا فئه جديده هتكون موجوده مع الفئات الموجوده حاليا دون تغيير ولما قلتله على اللى أنا سمعته برده من فرعهم التانى اللى فى مدينه نصر والكلام كان مع الفرع اللى فى المهندسين الراجل كان مستاء جدا وقالى للآسف الكلام ده مش مظبوط من أوله لأخره وأكد بشكل قاطع صحه كلامه أن الحالى زى ماهوه بكل مواصفاته والموديل الجديد فئه جديده جنب الحالى لأنى كنت خلاص قلت لنفسى أضغط على نفسى دولوقت والحق أجيب السوبر صالون قبل ما يوقفه أنتاجها ولو أنى مش جاهز دلوقتى لكنه قالى الأثنين هيبقو موجودين عادى جدا وقالى أنه فى خلال شهر أن شاء الله سوف يتوافر لديه كل المعلومات والمواصفات الفنيه للسياره الجديده وأسعارها وانها مش هتلحق المعرض اللى فى أخر الشهر .. وأنا شايف ياجماعه أنه بلاش نتسرع فى الحكم على الفئه الجديده الا لما نشوفها بعنينا وتكون واقع ملموس وفى النهايه الطريق هو اللى هيحكم على العربيه لآنه لاول مره طراز من نيسان يطرح فى أكتر من دوله فى نفس الوقت ومصر تكون معاهم وخوشوا شوفوها على اليوتيوب بأسم نيسان فيرسا وده أسمها فى امريكا والهند وشرق اسيا وأسف على الاطاله