سؤال لوحوش الاوبترا ضروري جدا

**BMW30** · 16-03-2012 02:10 AM

المفروض اني استلم عربيتي الاوبترا ان شاء الله خلال الشهر دا ( ادعولي ) المهم انا كنت قريت ان في اول 1000 كيلو المفروض ماجريش بالعربية او مازودش عن 90 كم/س ,, طب لو زودت هيحصل ايه اصل انا من جنوب سيناء بالتحديد طور سيناء والمسافه من القاهرة حوالي 450 كيلو وهستلم من القاهرة ف صعب جدا امشي بالسرعه دي طول المسافة دي ارجو الافادة

**Hosam_Optrawy** · 16-03-2012 02:33 AM

الف مبروك مقدما وتستلم على خير ان شاء الله

ممكن تمشى لحد 120 لان على السرعه دى ال Rpm بيبقى اقل من 3 بحاجه بسيطه

المهم بما انك هاتمشى مسافه طويله بلاش تفضل ثابت على سرعه فتره طويله , يعنى طول السكه خليك 100 - 120 وبعدين انزل 100 يعنى غير فى سرعتك

ماتدوسش فرامل مفاجئه , ماتكبسش بنزين جامد او تعمل كيك داون

ابقى ظبط ضغط الهوا بتاع الكاوتش عشان بيبقى عالى , اظبط على 30 ويستحسن تحط نيتروجين

**BMW30** · 16-03-2012 02:53 PM

الف شكر بجد يارجاله ودا اللي كنت مستنيه منكم طبعا والله يبارك فيكم و العربيه مانيول ان شاء الله لاني اعتقد الكيك داون دا ف الاوتو بس ربنا يسهل واكتبلكوا تقرير اول ما استلم ان شاء الله

**Hosam_Optrawy** · 16-03-2012 04:00 PM

المشاركة الأصلية كتبت بواسطة BMW30

الف شكر بجد يارجاله ودا اللي كنت مستنيه منكم طبعا والله يبارك فيكم و العربيه مانيول ان شاء الله لاني اعتقد الكيك داون دا ف الاوتو بس ربنا يسهل واكتبلكوا تقرير اول ما استلم ان شاء الله

معلش انا كنت فاكر انها اوتوماتيك , يبقى زى ماقالك اسامه متعديش 3 Rpm ومتحرقش على الغيارات

بالتوفيق

**ahmedaglan** · 19-03-2012 05:56 PM

اولا الف مبروك يامعالي الباشا
ثانيا اتأكد وانت بتستلم ان اللباد بتاع الكبوت موجود
افتح الكبوت وبص هتلاقي في لباد جلد شوفو موجود ولا لا
ومفيش حاجة اقولها بعد حسام واسامة
وبالتوفيق وربنا يحفظهالك ويحفظك منها

**BMW30** · 20-03-2012 12:45 PM

احمد بيك الف شكر ياباشا ع ردك والله بفرح لما بلاقي ردك فموضوعي دايما بتضيفلي جديد انت وكل رجالة اوبترا ياريت ياباش تديني شوية معلومات عن الاستلام اكتر وايه الحاجات اللي اتاكد منها
اخوك محمد

**ahmedaglan** · 22-03-2012 11:53 AM

المشاركة الأصلية كتبت بواسطة bmw30

احمد بيك الف شكر ياباشا ع ردك والله بفرح لما بلاقي ردك فموضوعي دايما بتضيفلي جديد انت وكل رجالة اوبترا ياريت ياباش تديني شوية معلومات عن الاستلام اكتر وايه الحاجات اللي اتاكد منها
اخوك محمد

طبعا انا بشكرك جدا لزوقك
وطبعا اول حاجة تعملها انك متبقاش فرحان اوى ومتلهوج وانت بتستلم
ثانيا تاخد معاك اسطونة فيها قران علشان تشغلها ف العربية اول حاجة
ثالثا حضرتك تلف حولين العربية وتبص عليها كويس جدا وتسمى الله وتفتح الباب وتبص علي عداد الكيلو متر شوفو عامل كام
وتفتح الشنطة وتشوف الاستبن ومفتاح العجل
وبعد كدا تدخل العربية وتشغل الكاسيت وتجربة وانت بتفحص دور العربية وسبها ديراة شوية وبعد كدا شغل التكييف وشوف كفأتة وتجرب الازاز الكهرباء الاربع ابواب وتمر علي باب باب وتجرب الزراير كلها وتجرب المرايات الكهرباء وتفتح الانوار كلها والانتظار وتنزل تبص عليهم وركز مع صوت المكنة شوف كدا فيها صوت غير مؤلوف ولالا للطمئنينة بس
وبعد متطمن ان كلة تمام تسأل علي الكتالوج وكتيب الضمان
وتشوف هتستلمهم امتى
واول متركب وتأخد وضع القيادة تقول
اللهم انى اسألك خيرها وخير ما صنعت لااجلة واعوذ بك من شرها وشر ما صنعت لااجلة
وبعد كدا تقول
دعاء الركوب سبحان الذي سخر لنا هذا وما كنا لة مقرنيين وان الي ربنا لمنقلبون
وبعد كدا تقول الاية دى
بسم الله الرحمن الرحيم
وما قدرو الله حق قدرة والارض جميعا قبضتة يوم القيامة والسماوات مطويات بيمينة سبحانة وتعالي عما يشركون
صدق الله العظيم
وبعد كدا تقول وانت بتتحرك
بسم الله توكلت علي الله ولا حولا ولا قوة الا بالله
اللهم انى استودعتك دينى ونفسي وسياراتى
وبعد كدا تتوكل علي الله وتخرج علي اول بنزينة وتفول 92
وتاخد طريقك في امان الله
وياريت تطبع الي انا قولتهولك وتاخد الورقه معاك لان هيسقط منك حاجات كتير
وبالتوفيق يامحمد باشا والف مبروك وربنا يكرمك بيها ويجعلها فتحة الخير عليك بأذن الله

**BMW30** · 29-03-2012 03:05 PM

المشاركة الأصلية كتبت بواسطة ahmedaglan

طبعا انا بشكرك جدا لزوقك
وطبعا اول حاجة تعملها انك متبقاش فرحان اوى ومتلهوج وانت بتستلم
ثانيا تاخد معاك اسطونة فيها قران علشان تشغلها ف العربية اول حاجة
ثالثا حضرتك تلف حولين العربية وتبص عليها كويس جدا وتسمى الله وتفتح الباب وتبص علي عداد الكيلو متر شوفو عامل كام
وتفتح الشنطة وتشوف الاستبن ومفتاح العجل
وبعد كدا تدخل العربية وتشغل الكاسيت وتجربة وانت بتفحص دور العربية وسبها ديراة شوية وبعد كدا شغل التكييف وشوف كفأتة وتجرب الازاز الكهرباء الاربع ابواب وتمر علي باب باب وتجرب الزراير كلها وتجرب المرايات الكهرباء وتفتح الانوار كلها والانتظار وتنزل تبص عليهم وركز مع صوت المكنة شوف كدا فيها صوت غير مؤلوف ولالا للطمئنينة بس
وبعد متطمن ان كلة تمام تسأل علي الكتالوج وكتيب الضمان
وتشوف هتستلمهم امتى
واول متركب وتأخد وضع القيادة تقول
اللهم انى اسألك خيرها وخير ما صنعت لااجلة واعوذ بك من شرها وشر ما صنعت لااجلة
وبعد كدا تقول
دعاء الركوب سبحان الذي سخر لنا هذا وما كنا لة مقرنيين وان الي ربنا لمنقلبون
وبعد كدا تقول الاية دى
بسم الله الرحمن الرحيم
وما قدرو الله حق قدرة والارض جميعا قبضتة يوم القيامة والسماوات مطويات بيمينة سبحانة وتعالي عما يشركون
صدق الله العظيم
وبعد كدا تقول وانت بتتحرك
بسم الله توكلت علي الله ولا حولا ولا قوة الا بالله
اللهم انى استودعتك دينى ونفسي وسياراتى
وبعد كدا تتوكل علي الله وتخرج علي اول بنزينة وتفول 92
وتاخد طريقك في امان الله
وياريت تطبع الي انا قولتهولك وتاخد الورقه معاك لان هيسقط منك حاجات كتير
وبالتوفيق يامحمد باشا والف مبروك وربنا يكرمك بيها ويجعلها فتحة الخير عليك بأذن الله

الف شكر يا استاذ احمد والله الواحد بيستفيد جدا من نصايحك ياريت لو تعرف في عروض كويسة نزلت علي الاوبترا في معرض الاهرام ولا لا ياريت تقولي بعد اذنك ياباشا

-

الموضوع: سؤال لوحوش الاوبترا ضروري جدا

LinkBack

أدوات الموضوع

عرض

-

-

-

المواضيع المتشابهه

سؤال لفرسان الاوبترا ضروري

سؤال لوحوش الهوندا

سؤال لوحوش البروتون

سؤال لوحوش اللوجان

سؤال لوحوش كيا

الكلمات الدلالية لهذا الموضوع

المفضلات

المفضلات

ضوابط المشاركة