ممكن لو حد يدلني علي أفضل طريق للوصول من الصحراوي إلي الفندق (شارع ابو الفدا - الزمالك)
عرض للطباعة
ممكن لو حد يدلني علي أفضل طريق للوصول من الصحراوي إلي الفندق (شارع ابو الفدا - الزمالك)
- تطلع المحور من الصحراوى فى اتجاه ميدان لبنان
- اول ماتوصل فوق ميدان لبنان - فوق الكوبرى - تمسك يمين علشان تفضل فوق الكوبرى باتجاه ميدان سفنكس
- تفضل ماشى علطول لغاية ما تطلع كوبرى 15 مايو، بعد ماتعدى فرع النيل الصغير هتلاقى على يمينك منزلين للزمالك، واحد نازل يمين موازى للنيل، سيبه و انزل اللى جنبه علطول على شارع 26 يوليو
- بعد ما تنزل من الكوبرى ادخل اول يمين علطول و لف مع الشارع يمين علشان تنزل النفق اللى تحت الكوبرى
- بعد ما تطلع من النفق، امشى علطول 100 متر، هتلاقى فندق ام كلثوم قدامك
سهل جدا
حضرتك بعد ما هتعدى البوابات هتلاقى مطلع المحور على يمينك وانت ماشى فى اتجاه شارع الهرم فيه طلعه تودى على 6 اكتوبر لالا سبها وامشى شويه هتلاقى طلعه تودى على ميدان لبنان
تاخد المحور لاخره هتلاقى منزل لميدان لبنان بالمهندسين متنزلش من المحور كمل على طول على كوبرى 15 مايو هتلاقى نزله اقصى اليمين ونازله فى النص خليك فى اللى بالنص وخذ اول يمين بعد النزله اسال اى حد هيدلك على الفندق لانك قريب جدا منه
شكرا دموع الثلج
أخي حسام حسن مش عارف أقولك إيه
جزاكم الله خيرا