الموضوع: تجربتي مع مركز أس كار التابع لتأمين قناة السويس

المشاركة الأصلية كتبت بواسطة mahmoud_afifi

الف مبروك يا باشا وربنا يباركلك في عربيتك.
اوحش حاجه هي الاجراءات بتاعت التأمين. ولو تلاحظ تلاقي نفسك دافع في التأمين + نسبة التحمل زياده عن الي بيتدفع في التصليح اصلا !
انا اتلدغت قبل كده وحرمت أأمن تاني. عبوهم كلهم :d

ههههههههههههههههههههههههه ههه

لا والله يا بشمهندس انا متعبتش في التأمين خالص قد ما تعبت وقرفت من اجراءات كونتكت وادي اخرة اللي يقسط عربية لكن والله اول مره الاقي الاجراءات سهله كدا في شركة تأمين وهو يدوب سيبتلهم العربية 12 يوم رجعت خدتها ودفعت 130 جنيه مع ان المفروض ادفع 250 جنيه نسبة التحمل ال 4 في الالف ده غير تحمل نسبة من قطع الغيار بس لقيتهم 130 جنيه

المشاركة الأصلية كتبت بواسطة night_whisper

ألف مبروك على أصلاح العربية

ربنا يحفظك و يحفظها ليك من كل شر و يسعدك بيها
فعلآ أوحش حاجة فى التأمين الأجرائات
معاينات و محضر و تدفع و بعد كدة تأخذ شيك

و غير طبعآ الشاى بالياسمين فى كل خطوة

الحمد لله مشربتش شاي بالياسمين في اليوم ده خالص يا بشمهندس هههههههههههههه

المشاركة الأصلية كتبت بواسطة ahmedsamir5edr

مبروك يا باشا

الله يبارك في حضرتك يا بشمهندس احمد

المشاركة الأصلية كتبت بواسطة bunsh_fox

الف مبرووووووووك ,, وربنا يباركلك فيها يارب .

الله يباركلك يا بشمهندس ويجازيك كل خير

المشاركة الأصلية كتبت بواسطة dr_radioooooo

ممكن يا باشا تشرحلى اكتر عن الموضوع بتاع التأمين ده

بص يا دكتور الموضوع بسيط خالص لو اول مره تأمن انتا بتشوف سعر العربية السوقي كام وتبتدي تدفع مبلغ التامين ويبلغ 3.5 % تقريبا من سعر العربية السوقي والسعر السوقي بيقل 10 % كل سنة يعني انا دافع علي مبلغ 60 الف جنيه 1575 جنيه بنسبة تحمل 4 في الالف يعني 4 جنيه في كل 1000 جنيه من تمن العربية

يعنى مثلا العربية اتخبطت كزا مرة و روحت عملتها و بدل متدفع اكتر من خمسة تلاف جنيه دفعت 130 جنيه بس؟؟؟! طب ازاى

انا المفروض ادفع 250 جنيه اللي هيه نسبة التحمل بتاعتي بدل 130 او اكتر كمان علشان بيبقي في نسبة اهلاك لقطع الغيار انتا بتتحملها بس اظاهر علشان انا بقالي 3 سنين مأمن مطلبتش شركة التأمين بحاجه عملولي التخفيض ده

اللى اعرفه ان التأمين بيغطى الحوادث بس و لازم يبقى فى محضر و معاينة وكلام من ده

بص يا غالي لو التكلفة زادت عن 10000 تقريبا لازم تعمل محضر واللي في العربية ده نتيجة 3 سنين تلطيش فيها وجمعتهم وروحت عملتهم بس قولتلهم اني كنت راكن العربية ورجعت لقيتها كدا علشان اخلص من الروتين اللي ملهوش لازمه يعني مش شرط تكون حادثه بالمعني المقصود

واي استفسار تاني انا تحت امرك

ربنا معاك ويعينك مشوارهم رخم بس متمشيش الا لما تستلم العربية علي الشعره علشان اكيد لازم تلاقي قلة ضمير في اي مكان