الرجاء النصح محتارة في جين 2

**tutankhamoun** · 06-06-2008 03:29 PM

المشاركة الأصلية كتبت بواسطة Ahmed A.Maksoud

الى الزمياة اللى بتفكر تشترى الجين 2

شوفى حد معاه العربية أسأليه زى الأخ توت كده
متسأليش حد مش معاه العربية

دول طلعوا الميجان لازم يتعمل Setup للكاوتش عشان العربية تتظبط لييييييييييه هو أنا راكب عربية Virtual Reality ?

معظم الشائعات بتطلع من ناس ممكن ميكونوش عارفين شكل العربية اللى بيتكلموا عليها و يكون سمع من واحد يعرف واحد عنده واحد قريبه جوز بنت خالة عمته صاحبه بيشتكى من عربية جين 2 ( و ممكن بعد كل اللفة دى تكون العربية ميجان 2 مثلاً والبيه اللى بيفتى سمع كلمة 2 قال يبقى هى دى :) )

بجد أنت فطستني من الضحك يا أستاذ أحمد

بُص يا يا باشا .......... أيه رأيك نوصل الميجان و الجين 2 على البلايستاشين ............. و نشتري برنامج إفتاء مصري ......... و دول كتير و ببلاش كمان ............ و نعملهم ريست

**nh_arch2006** · 06-06-2008 06:36 PM

جزاكم الله الف خير على الاهتمام وانا ان شاء الله هاخد برائ غالبية الاعضاء اللي معاهم العربية بالسلب او الايجاب على حسب النتيجة وفعلا شكرا على الاهتمام.

**goodwave** · 07-06-2008 10:58 AM

الاخ توت

شكرا يا عم على الدعوات الجميلة وجزاك الله خير.

وإن شاء الله نبارك للأخت لما تشيل من دماغها فكرة الجن 2 وتجيب ياريس مثلا :) :) :)

**tutankhamoun** · 07-06-2008 11:11 AM

المشاركة الأصلية كتبت بواسطة goodwave

الاخ توت

شكرا يا عم على الدعوات الجميلة وجزاك الله خير.

وإن شاء الله نبارك للأخت لما تشيل من دماغها فكرة الجن 2 وتجيب ياريس مثلا :) :) :)

آه ............. أنت داخل تقطع علينا و لا أيه يا أبو كنزي ؟؟؟؟؟؟؟؟

طيب أحنا هانعديها المرة دي علشان خاطر كنزي بس

**goodwave** · 07-06-2008 11:22 AM

متشكريييين يا أصيل :) :) :)

**ahmedsiyam** · 08-06-2008 10:23 AM

الاخت الفاضلة

انا عن تجربتى العربية وحشة و فيها مشاكل و التوكيل للاسف الشديد زيه زيى اى توكيل فى مصر
وزيى مافى ناس ركبت العربية و انبسطت منها فى ناس ركبت العربية و اشتكت منها وانا واحد من الناس كل ما ادخل عربيتى التوكيل اطلع بمشكلة جديدة
اخرها العربية مارضيتش تدور و روحت التوكيل و طبعا واخد العربية على ونش و حاجة اخر بهدلة عملوا حادة اسمها كودنج للمفتاح و العربية اشتغلت و تمام
باليل باشغل التكييف وانا منور نور الصالون و نور العربية الامامى لقيت النور كله اضائته بتروح و اول ما التكييف يلقط و يشتغل يبتدى النور يرجع تانى عادى

راجعى موضوعاتى و اتعرفى على الجانب الاخر من الاراء علشان يبقى حكمك فى محله

وربنا يوفقك لما فيه الخير و لو جبتيها يطلع حظك حلو بامر الله و تنبسطى منها جدا لانى عندى قناعة تامة لو العربية دى مظبوطة هاتبقى حلوة جدا انما للاسف بتطلع من بلادها من غير مايتعمل اختبار للجودة

**mohamed el hussien** · 09-06-2008 02:21 AM

توكلي علي الله
دي عربية هايلة

**tutankhamoun** · 09-06-2008 11:03 AM

ده صورة من التصويت الخاصة برضاء مالكي الجين 2 عنها و تظهر النتائج كالتالي
27 مالك للجين 2 راضيين تماما عن السيارة
و منهم 15 مالك للسيارة يظن أنها ممتازة
و أيضا ....... 6 ملاك يظنون أنها جيدة جدا
و هناك مالك وحيد يظن أنها جيدة فقط

و هناك 5 أفراد يظنون أنها سيئة
و أنا شايف إن ده ممتاز ............ خصوصا إن أي عربية هاتلاقي ناس أشتريتها و مش عاجباها أو مش عاجبها أي حاجة فيها

و 22 واحد راضي عن السيارة قصاد 5 مش راضيين عنها .,......... يدي مؤشر إن السيارة رائعة
و أتكلي على الله و ربنا يوفقك و أشتري السيارة

**MoToRiZeR** · 10-06-2008 10:30 PM

بمناسبة البنات و حب الجين تو
انهاردة علي طريق الواحات واحدة ست كبيرة يعني مش اقل من 55 سنة مثلا
كانت راكبة جين تو و شايفها طيارة غرز في المرايا ..
جت عدت من جنبي بغرزة مميتة ! ( غرزة حرف S بيني و بين السيارة اللي قدامي في الحارة الاخري)
بس دي الغرزة الوحيدة اللي ضحكتني من ساعة ما ابتديت اسوق

**nh_arch2006** · 12-06-2008 02:53 AM

بجد يا جماعة انا شاكرة جدا تعاونكم وانا فعلا سعيدة لان بشوف اراء مختلفة عشان الحكم على السيارة يكون بعد سماع الحلو والوحش فيها وان شاء الله اكون احد اصحاب الرائ عن تجربة في هذه السيارة وان شاء الله يكون رأئ ايجابي .

الموضوع: الرجاء النصح محتارة في جين 2

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

ارجو النصح و المساعدة

ارجو النصح والمشورى

أرجو النصح من خبراء ال 128

برجاء النصح والإرشاد

طالب النصح

الكلمات الدلالية لهذا الموضوع

المفضلات

المفضلات

ضوابط المشاركة