المشاركة الأصلية كتبت بواسطة ibnelfared
أنهاردة الصبح دورت العربية سمعت خبط جامد قوى قلت الزيت قليل لاقيت الزيت مظبوط المهم حاولت وقولت أتمشى لغاية المياكانيكى ألى كنت عند أمبارح وكان مغيرلى الأبلاتين والكوندنسر وظبطلى الدبرياج ؟
لاقيتة بيقولى ممكن تعمل عمرة ولا أقولك يمكن طلمبة البنزين أو الديسك والأسطوانة ؟؟؟
لا تعليق طبعا ؟
مشيت بأدبى وروحت لواحد تانى معرفة خفيفة قالى أن الترس ألى بينزل فيه الأسبراتير بايظ فعلا غيرة لاقيت الكلام بتاعه صح ؟
وقالى نصيحة منى ليك أحنا نفك الموتور ونكشف عليه كلة ولو محتاج حاجة نغيرها ليه وغالبا طقم شنبر وغير الأسطوانة والديسك ؟ وقالى أنه بيعمر الموتور بــ 500 جنية والموضوع دة هياخد منة يوم واحد بس ؟ فهل العمرة غير الديسك والأسطوانة ؟ ولا أيه
فطبعا أتأكدت أنى كنت بروح لواحد تانى مش ميكانيكى لكن دة الله أكبر عليه ؟
عشان كدة أنا هستأذنكم تستحملونى شوية معلش لأنى هاعمل ألى قالى عليه الميكانيكى دة ومحتاج من حضراتكم توجهونى بخبرتكم عن أيه المتبع فى فك الموتور وتعميرة و و ألخ .
أسعار طقم الشنبر + طقم سبيكة ( ودى قالى أحتمال لما سمع الخبطة فى البداية ) + الديسك والأسطوانة وبلي الدبرياج + طقم جوانات .
معلش أنا والله تعبت ودة الكل مدحلى فية وفعلا هو من أول ما أتكلم عايا أتكلم بكل مصداقة