التعبئه العامه لجيوش الاجتماعي لاحتلال اقسام المنتدي
امبارح وانا بتمشي في شوارع المنتدي المظلمه نوعا ما
سمعت همس طالع من الاقسام
فضلت اخبط علي باب كل قسم محدش عاوز يفتحلي
واللي يفتح ويقفل في وشي علشان عربيتي غير مطابقه لمواصفات القسم
واللي يشربني شاي علي الواقف علي الباب وميرضاش يدخلني اتفرج علي القسم من جوه
وووجوه غريبه الواحد مشافهاش قبل كده في الاجتماعي ولا يعرفوا بوجوده
بناء عليه
قررنا نحن محمد الشنوري
قياده جيوش الاجتماعي للخروج واعاثه الفوضي في اقسام المنتدي
كل كام يوم حنروح قسم نعمل مواضيعنا فيه
وناكل ونشرب ونرمي في الارض عندهم
ونعملهم دوشه
واللي مش عاجبه وجودنا في قسمه يبقي ييجي يقعد معانا هنا وينور الاجتماعي وينور مقابلاتنا
واهو بالمره لما نملا اقسامهم بمواضيع الاجتماعي منسقينهم يشتغلوا تقارير للاداره فينا
ومشرفينهم يقعدوا ينقلوا المواضيع للاجتماعي
نعمل احنا ساعتها مناوره التفاف
وندخل قسم تاني نعيث فيه الفساد وناخد عربياتهم غنايم لينا
ونرجعلنا بكام اسير من هيونداي وتويوتا وسوزوكي وغيرهم
وتدب الحياه في الاجتماعي
ونتبادل التجاره والخبرات
تفاصيل الهجمه القادمه سريه نوعا ما
بس لازم نحشد قواتنا الاول علشان تكون الضربه قويه
محدش يسيح اننا حنعمل او هجمه علي سوزوكي بقي
ونخطف منسقهم وكام عضو من هناك
ونشغلهم عندنا في الاجتماعي يعملوا موضوعات
انها الحرب والنزال
فالتعدوا تانكاتكم واسلحتكم
ولينتصر صاحب الموتور الاقوي والحيله
وليهلك من يقف امام جيوشنا
هراوه الله في الارض ومنفذ قضائه علي رؤس الاعضاء
المنسق الاجتماعي للمنتدي وهازم جيوش الاقسام
محمد الشنوري
