و بالاضافة لكده يعني بالعقل عربية واحد هيجيبها بــ200-300 الف هل هيفرق معاه بنزين او سولار انهي ارخص
عرض للطباعة
هو الفكره انه سواء حلو او وحش المستهلك عندنا ملوش رأى فى الموضوع ده، يعنى لو استوردوا العربيات بتمشى بعصير القصب حتى الناس هتحطوا :mahf(5):
طول عمر البيجو من زماااااااان و هى بتنزل اى عربيه بموديل محرك بنزين و اخر محرك ديزل من اول 504 موديلات السبعينات و حتى 3008 موديل 2012 ...
العربيات الديزل مش منتشره فى مصر زى اوروبا لاسباب تتعلق بالجمارك و الضرائب و البيئة و دعم السولار و سياسه الدوله و حاجات كثيره جدا جدا
دى بيجو ديزل بس مش منتشره
اكسيل باشا
انا فاكرالاعلان بتاع العربية كان بيقول تروح شرم شيخ رايح جاي 4 مرات بتنك واحد
واعتقد ان العربيات الديزل مش بتنزل مصر علشان السولار مدعم من الحكومة وهوا اصلا في ازمة فا لو نزلت العربيات دي هيحصل مشاكل بلهبل
ايون ديزل وكان تمنها عامل 199000 :)
انا واحد زميلى كان معاه بيجو 407 وبتشتغل بالسولاز بس يخسارة اتسرقت منه من قدام البيت....*
انا واحد صاحبي معاه اوبل استرا Gtc تيربو ديزيل ١٩٠٠ بركب معاه كتير بحس ان سحبها احسن من البنزين والصوت تقريبا مفيش
معلش انا عارف ان موضوع الالف او الالفين ده فاجيء ناس كتير وانا منهم
بس انا اصل انا شوفت الاعلان من زمان والارقام كلها فاكرها بالتقريب.
هي تانكها حوالي 75 لتر (برضه تقريبا) و اللتر السولار بيعمل حوالي 30 كيلو يبقى المجموع حوالي 2200 لتر (تقريبا تقريبا)
بس تخيل عربية تفولها مرة واحدة في الشهر او كل شهر و نص
برضه حاجة كويسة :)
الجاز فعلا يعمل يعمل المسافة دى
فى محركات البنزين لتر البنزين بيتفاعل مع 14 لتر هواء وفى محركات الديزل 1لتر الديزل بيتفاعل مع حوالى 25 لتر هواء
فعلا الموضوع دة شوفتوا كتير ايام مكنت بنزل تدريب فى توكيل بيجو كانت من اكتر المشاكل اللى بتيجلنا ان يكون فى نسبة مياة كتير على السولار بيخلى العربية فى مشيها بطة وبرجلة كانوا بيجوا نغير الفلاتر ونفضى التنك ونغسلو واحيان كمان المياة كانت بتبوظ الرشاشات
الله ينور عليك
مينفعش يكون موتور ديزل وتمون العربية بنزين حتى لوكان بنزين 98 ونفس الكلام لو عربية بنزين مينفعش تحط لها سولار
لا موتور البنزين بيحرق البنزين بالشرارة انما محركات السولار الحرق فيها بيتم عن طريق الضغط وارتفاع كبير فى درجات الحرارة
مشكلة الصوت العالى فى عربيات الجاز دة بيكون بسبب طرمبة حقن الوقود كانت ومان بيتشتغل بطريقة ميكانيكية
معظم الديزل دلوقتى بقى نظام الحقن عن طريق طلمبة كهرباء فالصوت بقى اهدىىىى كتير جدا عن زمان
موتور ديزل
طب ما بدل كل شوية ازمة البنزين للي بنشوها و 80 و 90 و القصة السودا ديه
ما يخلوها كلها سولار الموضوع ده هيوفر جامد اوي سواء فلوس بتروح في الهوا او مع الناس و تبقي البلد ما كل شوية همها ازمة البنزين و السولار يبقي تاخد بالها من السولار بس
و ع ما اتذكر المرسيدس زمان كانت سولار برده
طب اي رأيكم فعلا في الموضوع و لو تم الاتجاه لانتاج السولار اكتر من البنزين و البنزين يقل و بالتالي مش هيحصل ازمة فيه يا استاذ سحس
و بصراحة انا شايف ان المفروض الناس تخف العربيات شوية يتعملنا شبكة مواصلات كبيرة و متطورة و الناس تسيب العربيات شوية
بس للأسف هي منظومة لازم تتعمل كلها
اعادة تطوير الطرق و المرور و استخدام انظمة مرورية حديثة و مبتكرة و قوانين المرور و كل ما يتعلق بها و انشاء شبكة مواصلات ضخمة و متطورة و زيادة الرقابة و التوعية
و في نفس الوقت لو الناس لقت ان المواصلات متوافرة بالشكل و تقدر توصل اسرع يبقي الناس هتسيب العربيات و ياخدوها مواصلات و كده هنخف حاجات كتيير بيحصل فيها ازمة سواء مرور او وقود و غيره من الازمات اللي بنواجهها و انا عن نفسي بحاول قدر الامكان اسيب العربية و اقضيها مواصلات و الخطة الجاية ان شاء الله استخدم العجلة اكتر من العربية :)
هههه زى فيلم غبي منه فيه :)
طب هقولك حاجة يا باشا
اللي بيبهدل المواصلات ايه مش السواقين اللي بيفضلوا يعبوا في العربية كأنها علبة سردين او يفضلوا ياخدوا في غرز و يخبطوها كل شوية
لو اتنبه ع كل سواق اوتوبيس انه بعد ما كل الكراسي تتملي ميركبش اكتر من 20 واحد في العربية بدل الشعلقة اللي بنتشعلقها كلنا ديه و الميني باص مش اكتر من 5 و الكومسري بدل ما سيادته مقضيها قعدة جنب السواق و ينزل يشتري أكل في وسط ساعات شغله يقعد ورا و يتابع الناس و طبعا لما يكون الاوتوبيس مش زحمة هيقدر يشوف و يكون فيه مفتشين كل شوية و يكونوا ناس جداد بلاش القدام اللي بيطلعوا يسلموا و يشوفوا التذاكر بتعت الركاب و ينزلوا منها برده زيادة فرص العمل و مها زيادة الرقابة
بالنسبة الكتابة و التقطيع ديه اغلبها من الاماكن الشعبية فممكن فكرة تانية تتعمل يا تتعمم ياما تكون للاوتوبيسات اللي بتنزل للمناطق الشعبية و هي بدل كراس جلد و احلي فينش تبقي كراسي معدن او زي بتاعت المترو مش هيحصل فيها حاجة في اسوء الاحال لو اتكتب عليها هتتمسح
و طبعا لو اتعملت حملات توعية للناس ان ديه حاجاتنا و اننا لما بندفع تمنها يبقي لازم نحافظ عليها
هتوصل لناس كتيير اكيدناس هتكبر بس اللي هتوصله لما يشوف حاجة زي كده مش هيسكت و يكلم اللي بيخرب الحاجة
و الميكروباصات ديه المفروض متنزلش الشوارع أصلا لتوصيل الركاب ديه اخرها تنقل بضاعة و لا هم بيعملونا ع اننا بضاعة بتتنقل ياما تفضل لنقل الركاب في المناطق اللي مش هتقدر الاوتوبيسات توصل لها
و لا ايه رأيك ؟؟
سلام قولا من رب رحيم
معايا واحد صاحبي معاة 407 ديزل 1600سي سي موديل 2008 ودى مخليها للسفر علشان مبتستهلك ومتكلفوش حاجة وماشاء الله عليها وحتى قطع غيرها بيجبها من الجزائر وماشاء الله عربية روعة
وكان ديما يعقد يضحك لما يقولي اخش البنزينة ويلاقى صف طويل واقف علي طرمبات البنزين وهو يخش يفول سولار ف دقيقة ويمشي
والناس تبقي هتتجنن
مع العلم انو صحبي دة معاة غير البيجو باسات وكروز وسيراتو وستروين c4
بس هو ديما بيحب يركب البيجو
بتقرو على العربيات السولار ... طيب عاملين ايه فى ازمة السولار اليومين دول :) واقفين طوابير زى ماحنا واقفين فى طوابير البنزين :(
فعلا أكثر من 80% من السيارات فى اوروبا بتمشى بالديزل لانه ارخص بعض الشىء و موفر
المشكله عندنا مش فى نضافه السولار او شوائب
المشكله فى رقم السيتان Cetan Number فى الديزل او السولار , فى الخارج بيتاروح بين 46 الى 50 (اعلى رقم) و عندنا فى مصر لا يزيد عن 38-40
وده لو عندك عربيه محترمه(اوروبى) بتشتغل ديزل فى مصر لازم تحط محسن سيتان و نسبه التحسن بتكون 2-3 +
مشكله اخرى هى المحتوى الكبريتى (sulpher content) فى مصروالشرق الاوسط حوالى 5000ppm وفى الخارج حوالى 200-300ppm
وده لازم معاه تغير الزيت على فترات اقل 5000 الى 7000 كم مقارنه ب 15000 الى 20000 كم بنفس نوع الزيت
المياه مشكله اخرى و يمكن تفاديه بأختيار بنزينه و الثبات عليها او شراء قمع فصل للماء عن زيت الديزل , و الماء بيأثر على الرشاشات و طرمبه الوقود