بنزين 80 يا باشا - مية - بنزين 80 - يا باشا - عايز بنزين 80

بسم الله الرحمن الرحيم
السلام عليكم و رحمة الله و بركاته

كنت الصبح في التوفيقية فبلف من قدام و جاي من التحرير و طالع من شارع جانبي يطلعني ع شارع رمسيس عشان اروح التوفيقية
لقيت جملة غريبة بتتردد ع سمعي و لكن نوصف الموقف الأول
الموقف شخص واقف ع الناصية اللي قبل الاشاارة اللي قبل نقابة المحاميين و لابس جاكت جلد اسود و شكله تقول سوابق
و لقيت اللي بيوطي و انا ماشي و طالع من الشارع و ع عربية قدامي برده و بيقول

بنزين 80 مية بنزين 80 يا باشا 80 يا باشا عايز بنزين 80

دورت ع شرطة عشان ابلغ عنه للأسف معرفتش أأقف الشارع كله زحمة و الاشارة فتحت و ملحقتش
كان نفسي أبلغ فعلا عشان الاشكال ديه تتمسك

ادي واحد من اللي بيبعوا البنزين 80 في السوق السودا و غيرهم وقف بالساعات في عز الشمس او الساقعة عشان ياخد كام لتر
خلاص بقت علني البيع في السوق السودا :majd(4):

حسبى الله ونعم الوكيل ... بس ياعنى ايه بنزين 80 ميه !!!!

اقتباس:

---

المشاركة الأصلية كتبت بواسطة elawany13

حسبى الله ونعم الوكيل ... بس ياعنى ايه بنزين 80 ميه !!!!

---

اكسل قصده ميه ميه

ده العادى يا اكسل باشا عندنا البنزينه مفيهاش
وفى محلين جنب البنزينه فيهم بنزين
وعلى الطرق الناس قاعده بجراكن مليانه بنزين وسولار
وجنب المركز كمان ولا حياة لمن تنادى
اصورهملك:mahf(5)::mahf(5):

اقتباس:

---

المشاركة الأصلية كتبت بواسطة elawany13

حسبى الله ونعم الوكيل ... بس ياعنى ايه بنزين 80 ميه !!!!

---

و الله ما اعرف يعني ايه جايز ثيم جديد و لا حاجة

اقتباس:

---

المشاركة الأصلية كتبت بواسطة mohammedabdallh

اكسل قصده ميه ميه

---

لا يا باشا قال ماية مش مية مية لأ ميه و مش عارف ايه المعني المقصود هنا بقول جايز ثيم جديد

اقتباس:

---

المشاركة الأصلية كتبت بواسطة mohammedabdallh

ده العادى يا اكسل باشا عندنا البنزينه مفيهاش
وفى محلين جنب البنزينه فيهم بنزين
وعلى الطرق الناس قاعده بجراكن مليانه بنزين وسولار
وجنب المركز كمان ولا حياة لمن تنادى
اصورهملك:mahf(5)::mahf(5):

---

يبقي العيب ع البنزينة نفسها لأن هم اكيد جايبن البنزين من البنزينة ديه
يا رب ارحمنا بالرغم اني مش بحط 80 لكن حاسس بالناس اللي بيفضلوا واقفين بالساعات و مخنوق عشانهم و عشان الحال اللي احنا فيه

يمكن قصده ب ميه انه كتيير

ربنا يصلح حال البلد دى و نترحم من الاشكال دى

اقتباس:

---

المشاركة الأصلية كتبت بواسطة axel

يبقي العيب ع البنزينة نفسها لأن هم اكيد جايبن البنزين من البنزينة ديه
يا رب ارحمنا بالرغم اني مش بحط 80 لكن حاسس بالناس اللي بيفضلوا واقفين بالساعات و مخنوق عشانهم و عشان الحال اللي احنا فيه

---

حاجه فعلا وحشه اوى شوفتها فى الهرم ناحيه المريوطيه تحت الدائرى بتاع الموسسه بيبعوه ولقيت ناس بتوع سزوكى بيمونو وبيخدوه منهم 1.25 يعنى سرقه علنى حسبى الله ونعم الوكيل فعلا وباين برضه ازمه البنزين رجعت تانى علشان دخت من الصبح ومش لاقى نقطه اكتر البنزينات زحمه اما مفيهاش