شغل ومرتب منخفض !!!!

**Egyzizo** · 17-03-2012 07:57 AM

متهيأ لى شغل مندوب ده بالذات مافيش خوف فيه من الشرط الجزائى ، لأنك لو لقيت العملية مش جايبة همها ، بلطج وماتلفش أو حتى اشبك فى شغل تانى وهو كبيره يخصم من المرتب لغاية ما يرفدك.

مع ملاحظة اننا برضه يجب أن نلتمس العذر لصاحب الشغل .. لأنه بيدى المناديب مرتباتهم من ربحه من البيع ، فماينفعش ما يبيعوش ويشتكوا من قلة المرتب.

وفيه بعض الأعمال اللى بيبقى فيها حرفة أو صنعة أو خبرة
فبرضه ما ينفعش أجيب واحد أشغله معايا وأعلمه واستحمل أخطائه على حساب شغلى
وبعدين لما يقف على رجله يسيبنى ويدور على مكان تانى ويكون راس ماله هو اللى اتعلمه عندى.

**beshomilan** · 17-03-2012 05:12 PM

نصيحة اخويه اوعى تمضى على العقد ده انا كان لسه عندى مشكله فى الاجتماعى من مده على انى شغال وكنت عايز امشى لان المكان سىء وبيتأخر فى المرتبات جدا والمكان واقع وبلغتهم قبلها بشهر وقالولى غصب عنك تقعد لحد ما الشهر يخلص لانك ماضى فى العقد انك تبلغنا قبل ماتمشى بشهر وقعدت غصب عنى ولقيت فيوم المدير العام جه اتلككلى فأجازه خدتها وهزقنى واهاننى قدام مديرى وطردنى من الشركة وخدت فلوس الشهر السابق بالعافيه..احذر تمضى على حاجة زى كده..هتندم صدقنى
واوعى كمان تشتغل مندوب لانك بالظبط يومين وهتكره الشغل ومصاريف كتيره جدا..انا جربت كده كذا مره..
ربنا معاك واسمع كلام اخواتك صدقنى مش هتندم

**beshomilan** · 17-03-2012 05:18 PM

لو انت بالنسبالك موضوع المندوب ده عادى
رايه عايزة ناس تشتغل sales outdoor وطبعا انت عارف يعنى ايه رايه :) يعنى اسمها بايع نفسه
ومرتب اساسى 1200 جنيه مع الكوميشن 2000 جنيه
والشغل من 11 ل 11 مع ساعتين راحة الضهر من 3 ل 5
بيكلموا ناس كتير وانا كلمونى اكتر من 5 مرات على مدار سنه عشان اروح الانترفيو ومكنتش برضى وكانوا بيطلبوا لو ليا صحاب اجبهوم
ورحت كذا مره الانترفيو وعديت وغيرت رايي فى الاخر
بتنزل تبيع الموبايلات على منطقه معينه وراكب عربيتهم الفان والسواق معاك
وفيه شغل كتير بس صدقنى ابعد عن السيلز الاوت دور خالص وال tele sales كل ده انا جربته
عايز سيلز يبقى indoor
انا قلتلك رايي لانك اخويا وربنا يوفقك

**hazoom2006** · 17-03-2012 06:04 PM

ربنا يكرمكو يا رب انا كلمت المدير دلوقتى وقولتله انا مش هينفع امضى على عقد على نفسي حاجة وخصوصا انى هشتغل مبيعات

قالى تعالى بكرة ونتكلم وهروحلة وارفض تماما انى امضى على نفسي حاجة

لو انت بالنسبالك موضوع المندوب ده عادى
رايه عايزة ناس تشتغل sales outdoor وطبعا انت عارف يعنى ايه رايه :) يعنى اسمها بايع نفسه
ومرتب اساسى 1200 جنيه مع الكوميشن 2000 جنيه
والشغل من 11 ل 11 مع ساعتين راحة الضهر من 3 ل 5
بيكلموا ناس كتير وانا كلمونى اكتر من 5 مرات على مدار سنه عشان اروح الانترفيو ومكنتش برضى وكانوا بيطلبوا لو ليا صحاب اجبهوم
ورحت كذا مره الانترفيو وعديت وغيرت رايي فى الاخر
بتنزل تبيع الموبايلات على منطقه معينه وراكب عربيتهم الفان والسواق معاك
وفيه شغل كتير بس صدقنى ابعد عن السيلز الاوت دور خالص وال tele sales كل ده انا جربته
عايز سيلز يبقى indoor
انا قلتلك رايي لانك اخويا وربنا يوفقك

انا مش من القاهره والسفر هيكون مرهق جدا كل يوم او حتى السكن هناك يبقى المرتب هيضيع على السكن

**mody3on** · 17-03-2012 08:01 PM

المشاركة الأصلية كتبت بواسطة screenplays

تعالي شوف اللي شغالين عملوا ايه ؟ ... و الله من بعد الثوره المجيده ما دخل جيبي جنيه و فلوس خلصت و الشغل كله واقف

وكنت قبل الثورة بتقبض 8000 جنيه مثلا ؟

**beshomilan** · 18-03-2012 09:39 PM

انا مش من القاهره والسفر هيكون مرهق جدا كل يوم او حتى السكن هناك يبقى المرتب هيضيع على السكن

لا يااخى انت بتيجى الانترفيو بس فى 6 اكتوبر هنا وهما بيودوك منطقة بيع جوه محافظة سكنك

**Screenplays** · 18-03-2012 09:49 PM

المشاركة الأصلية كتبت بواسطة mody3on

وكنت قبل الثورة بتقبض 8000 جنيه مثلا ؟

لا مش 8000 جنيه طبعا بس علي الاقل كان في عملاء في شركتي الاستضافه بتاعتي و كانت العمليه ماشيه + كنت ببيع و بشتري في دومينات و الحمد لله ساعتها كانت العمليه ماشيه + كنت فاتح موقع ما و كان عندي اعلانات عليه بالشئ الفلاني و الحمد لله كانت ماشيه + مجال الدعايه و الاعلان كان ماشي قبل الثوره برضه لكن لو كان بيخش جيبي جنيه قبل الثوره بعدها معتش بيخش فيه شلن حتي فاعتقد ان الثوره قضت علي مستقبلي تقريبا

**hazoom2006** · 18-03-2012 10:14 PM

لسة مكلمنى واحد تبع شركة 3d وقالى عايزين نعمل معاك مقابلة

انا اصلا مصمم 3d بس مش محترف اوى يعنى وبرده مشتغلتش فيها دعواتكم يا جماعه

**ahmedkhairy** · 19-03-2012 10:38 AM

اقبل الشغل طبعا ولكن بدون الشرط الجزائى .

**hazoom2006** · 19-03-2012 08:04 PM

هما مرضيوش بدون الشرط الجزائى وهو 10000 جنيه والعقد لمدة سنة وقال احنا كده بنضمن حق الشركة انك متسيبناش خلال سنة مش اكتر

انا محتار جدا خايف ارفض ميجيش شغل تانى ويبقى انا كدة اللى رفضت النعمه وقلقان اقبل واكون جيت على نفسي سنة خصوصاوالمرتب قليل برغم انه قالى المرتب هيزيد بعد 3 شهور

الموضوع: شغل ومرتب منخفض !!!!

LinkBack

أدوات الموضوع

عرض

-

-

-

-

المواضيع المتشابهه

حل مشلكه r p m منخفض

مطلوب لشركة كبيرة ومرتب محترم لكول سنتر

مشروع منخفض القطاره

rbm في السياره منخفض

ليه سعر الستروين ax المستعمل منخفض

الكلمات الدلالية لهذا الموضوع

المفضلات

المفضلات

ضوابط المشاركة