شغل ومرتب منخفض !!!!

انا الحمد لله قدمت فى شغل واتقبلت وطبعا مندوب مبيعات المشكلة ان المرتب 650 جنيه وعموله 2% وطبعا مبيعات يعنى هفضل مشاوير هنا وهناك ومواصلات ومصاريف فى حاجة بقا صاحب الشغل بيقولى هتمضى على عقد مثلا انك لو سبت الشغل خلال فتره معينه سنه هتدفع شرط جزائى طبعا هيكون مبلغ كبير انا روحت واتقبلت الحمد لله خلاص وتمام بس قلقان من حكاية الشرط الجزائى دة علشان لو الشغل كان كتير وخصوصا انى هكون لوحدى المبيعات لان الفرع جديد او لقيت نفسي هصرف المرتب كله مواصلات ؟؟؟يبقى انا مش هعرف اسيب الشغل قبل مالسنة تخلص ؟؟؟




هل اقبل 650 جنيه ولا اطلب الزياده ولو ماوافقوش ؟؟؟ وبرده الشرط الجزائى قالقنى

فكك من شغل المناديب ده و خصوصا لو لشركه بضاعتها مش بياعه و كفايه طريقه كلام الناس مع المناديب لاني جربت ابقي مندوب لمده يومين صرفت فيه مبالغ ده غير جالي اكتئاب من طريقه كلام الناس فسيبك من الشغلانه دي كلها و كله كوم و موضوع الشرط الجزائي ده كوم تاني لان اعرف ناس متدبسين و بيعملوا مشاكل عشان صاحب الشغل يرفدهم و مفيش فايده فيا هيكملوا يا هيدفعوا يا هيتسجنوا

ياباشا مفيش حاجة اسمها شرط جزائي الا في حالات معينة مثلا لو هيديلك كورسات مكلفة شوية او خلافه

لكن في حالتك دي يتكتب في العقد مهلة قبل الاتقالة من الطرفين تكون مكتوبة وموقع عليه بالقبول

يعني لو حبيت تمشي تقدم زي تنبيه بالاستقالة قبلها بشهرين ويوقع هو بالاستلام وكذلك لو حب هو يمشيك

نصيحتي ليك بالشكل ده ترفض ولو على شغل مناديب المبيعات متوافر بكثرة جدا ومرتبات اعلى من كده كمان
اقل مندوب مبيعات انهاردة اعتقد اساسي مش اقل من 800 جنيه

مهو المشكلة ان فرصة العمل دلوقتى نادرة جداااا حتى لو لقيت بيطلبو خبره مش اقل من 3 سنين !!! وانا لسة مخلص جيش ومافيش خبره
البضاعه اجهزة كاميرات وانزار ومراقبه واجهزة حضور بالبصمة اللى مريحنى شوية ان الشركة عندها اربع فروع ف الجمهورية وبتفتح الفرع الجديد عندنا

لو تعرف تلغي الشرط الجزائي و عرفهم ان موضوع بيع اجهزه الانذار دي صعبه عشان ميجوش يقولوا معملتش مبيعات فلو قالوا امين دوس مقالوش طير

اللى في الخير يقدمة ربنا

مش عارف اقول اية على البلد كل صاحب شغل بيفكر ازاى انه يشغل الموظفين باقل اجر والمعيشة كل يوم بتغلى اكتر والشباب محبط والله

تعالي شوف اللي شغالين عملوا ايه ؟ ... و الله من بعد الثوره المجيده ما دخل جيبي جنيه و فلوس خلصت و الشغل كله واقف

مهو ده اللى مخلينى متردد وبرده قلقان انى مالقيش شغل
ربنا يكرمك ان شاء الله

الله يخليك يا فندم و ربنا يوفق الجميع و يفرجها علينا

بص ياباشا انا عاوزك تحط نفسك مكان صاحب الشغل

ياترى هو لية حط الشرط الجزائى دة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وطبعااا هيا واضحة زى الشمس ...........................محدش بيعمر معاة والكل بيطفش بمعدل عالى يعنى تجرى وتقول يافكيك
هو مفكر انة هيمسمرك جنبة بالشرط الجزائى

متهيأ لى شغل مندوب ده بالذات مافيش خوف فيه من الشرط الجزائى ، لأنك لو لقيت العملية مش جايبة همها ، بلطج وماتلفش أو حتى اشبك فى شغل تانى وهو كبيره يخصم من المرتب لغاية ما يرفدك.

مع ملاحظة اننا برضه يجب أن نلتمس العذر لصاحب الشغل .. لأنه بيدى المناديب مرتباتهم من ربحه من البيع ، فماينفعش ما يبيعوش ويشتكوا من قلة المرتب.

وفيه بعض الأعمال اللى بيبقى فيها حرفة أو صنعة أو خبرة
فبرضه ما ينفعش أجيب واحد أشغله معايا وأعلمه واستحمل أخطائه على حساب شغلى
وبعدين لما يقف على رجله يسيبنى ويدور على مكان تانى ويكون راس ماله هو اللى اتعلمه عندى.

نصيحة اخويه اوعى تمضى على العقد ده انا كان لسه عندى مشكله فى الاجتماعى من مده على انى شغال وكنت عايز امشى لان المكان سىء وبيتأخر فى المرتبات جدا والمكان واقع وبلغتهم قبلها بشهر وقالولى غصب عنك تقعد لحد ما الشهر يخلص لانك ماضى فى العقد انك تبلغنا قبل ماتمشى بشهر وقعدت غصب عنى ولقيت فيوم المدير العام جه اتلككلى فأجازه خدتها وهزقنى واهاننى قدام مديرى وطردنى من الشركة وخدت فلوس الشهر السابق بالعافيه..احذر تمضى على حاجة زى كده..هتندم صدقنى
واوعى كمان تشتغل مندوب لانك بالظبط يومين وهتكره الشغل ومصاريف كتيره جدا..انا جربت كده كذا مره..
ربنا معاك واسمع كلام اخواتك صدقنى مش هتندم

لو انت بالنسبالك موضوع المندوب ده عادى
رايه عايزة ناس تشتغل sales outdoor وطبعا انت عارف يعنى ايه رايه :) يعنى اسمها بايع نفسه
ومرتب اساسى 1200 جنيه مع الكوميشن 2000 جنيه
والشغل من 11 ل 11 مع ساعتين راحة الضهر من 3 ل 5
بيكلموا ناس كتير وانا كلمونى اكتر من 5 مرات على مدار سنه عشان اروح الانترفيو ومكنتش برضى وكانوا بيطلبوا لو ليا صحاب اجبهوم
ورحت كذا مره الانترفيو وعديت وغيرت رايي فى الاخر
بتنزل تبيع الموبايلات على منطقه معينه وراكب عربيتهم الفان والسواق معاك
وفيه شغل كتير بس صدقنى ابعد عن السيلز الاوت دور خالص وال tele sales كل ده انا جربته
عايز سيلز يبقى indoor
انا قلتلك رايي لانك اخويا وربنا يوفقك

ربنا يكرمكو يا رب انا كلمت المدير دلوقتى وقولتله انا مش هينفع امضى على عقد على نفسي حاجة وخصوصا انى هشتغل مبيعات

قالى تعالى بكرة ونتكلم وهروحلة وارفض تماما انى امضى على نفسي حاجة

اقتباس:

---

لو انت بالنسبالك موضوع المندوب ده عادى
رايه عايزة ناس تشتغل sales outdoor وطبعا انت عارف يعنى ايه رايه :) يعنى اسمها بايع نفسه
ومرتب اساسى 1200 جنيه مع الكوميشن 2000 جنيه
والشغل من 11 ل 11 مع ساعتين راحة الضهر من 3 ل 5
بيكلموا ناس كتير وانا كلمونى اكتر من 5 مرات على مدار سنه عشان اروح الانترفيو ومكنتش برضى وكانوا بيطلبوا لو ليا صحاب اجبهوم
ورحت كذا مره الانترفيو وعديت وغيرت رايي فى الاخر
بتنزل تبيع الموبايلات على منطقه معينه وراكب عربيتهم الفان والسواق معاك
وفيه شغل كتير بس صدقنى ابعد عن السيلز الاوت دور خالص وال tele sales كل ده انا جربته
عايز سيلز يبقى indoor
انا قلتلك رايي لانك اخويا وربنا يوفقك

---

انا مش من القاهره والسفر هيكون مرهق جدا كل يوم او حتى السكن هناك يبقى المرتب هيضيع على السكن

اقتباس:

---

المشاركة الأصلية كتبت بواسطة screenplays

تعالي شوف اللي شغالين عملوا ايه ؟ ... و الله من بعد الثوره المجيده ما دخل جيبي جنيه و فلوس خلصت و الشغل كله واقف

---

وكنت قبل الثورة بتقبض 8000 جنيه مثلا ؟

اقتباس:

---

انا مش من القاهره والسفر هيكون مرهق جدا كل يوم او حتى السكن هناك يبقى المرتب هيضيع على السكن

---

لا يااخى انت بتيجى الانترفيو بس فى 6 اكتوبر هنا وهما بيودوك منطقة بيع جوه محافظة سكنك

اقتباس:

---

المشاركة الأصلية كتبت بواسطة mody3on

وكنت قبل الثورة بتقبض 8000 جنيه مثلا ؟

---

لا مش 8000 جنيه طبعا بس علي الاقل كان في عملاء في شركتي الاستضافه بتاعتي و كانت العمليه ماشيه + كنت ببيع و بشتري في دومينات و الحمد لله ساعتها كانت العمليه ماشيه + كنت فاتح موقع ما و كان عندي اعلانات عليه بالشئ الفلاني و الحمد لله كانت ماشيه + مجال الدعايه و الاعلان كان ماشي قبل الثوره برضه لكن لو كان بيخش جيبي جنيه قبل الثوره بعدها معتش بيخش فيه شلن حتي فاعتقد ان الثوره قضت علي مستقبلي تقريبا

لسة مكلمنى واحد تبع شركة 3d وقالى عايزين نعمل معاك مقابلة

انا اصلا مصمم 3d بس مش محترف اوى يعنى وبرده مشتغلتش فيها دعواتكم يا جماعه

اقبل الشغل طبعا ولكن بدون الشرط الجزائى .

هما مرضيوش بدون الشرط الجزائى وهو 10000 جنيه والعقد لمدة سنة وقال احنا كده بنضمن حق الشركة انك متسيبناش خلال سنة مش اكتر

انا محتار جدا خايف ارفض ميجيش شغل تانى ويبقى انا كدة اللى رفضت النعمه وقلقان اقبل واكون جيت على نفسي سنة خصوصاوالمرتب قليل برغم انه قالى المرتب هيزيد بعد 3 شهور

حق الشركة في ايه
معلش نصيحة من أخ أكبر
الارزاق على الله
بلا قلة قيمة
دور تاني وربنا يكرمك بأحسن منها إن شاء الله

10000 صاروخ في معاميعهم ... فكك من الناس دي بلا قله ادب

هو قالى يسقط الشرط الجزائى لو هتبلغنا قبلها بشهر انك هتمشي ؟؟؟

وقالى ان ده العادى وكل الشركات الكبيرة بتعمل كده

ويا جماعه عايز اعرف اية اللى يضمن للشركة انى مامشيش بعد شهرين تلاتة من الشغل؟؟

انت فى بدايه حياتك و طبيعى اول شغلك مش حيبقى زى ما انت بتتمنى. جرب و حتبقى خبرة ليك.توكل على الله بس صلى صلاة إستخارة قبلها

انا صليت استخاره يا دكتور بس عايز افهم الشرط الجزائى دة عادى بين الشركات والموظفين زى مابيقول بيتم فعلا

اقتباس:

---

المشاركة الأصلية كتبت بواسطة hazoom2006

هو قالى يسقط الشرط الجزائى لو هتبلغنا قبلها بشهر انك هتمشي ؟؟؟

وقالى ان ده العادى وكل الشركات الكبيرة بتعمل كده

ويا جماعه عايز اعرف اية اللى يضمن للشركة انى مامشيش بعد شهرين تلاتة من الشغل؟؟

---

اقتباس:

---

المشاركة الأصلية كتبت بواسطة hazoom2006

انا صليت استخاره يا دكتور بس عايز افهم الشرط الجزائى دة عادى بين الشركات والموظفين زى مابيقول بيتم فعلا

---

ياباشا لو هيكتب في العقد انه في حالة رغبة احد الطرفين (الموظف وصاحب العمل) انه يفسخ العقد يقدم قبلها إنذار بالفصل او الاستقالة قبلها بشهر فده كويس جدا وعادل جدا

ولعلمك قانون العمل بيقول شهرين لكن في وضعك طبعا احسن

لكن لا ايصالات امانة ولا تعهدات خارج العقد يعني كله يتكتب في العقد ميبقاش فيه ملحق او ماشابه

وممكن تكتب في العقد برضه علشان تريح نفسك وتريحه ان في 3 شهور انت تحت الاختبار وان الطرفين ليهم الحق في فسخ العقد خلال الفترة دي بس دون سابق إنذار

ده هيخليك تكتشف الشركة كويس ولو معجبتكش خد بعضك وقدم استقالة وامشي فورا يبقى مخسترش حاجة

الشركات الكبيرة مفيهاش الكلام ده
وبعدين مفيش حاجة اسمها تمضى شرط وتقول قبلها بشهر
يكتب قى العقد نص واضح بالكلام ده
انك لو اخطرت الشركة قبلها بشهر لا يطبق الشرط
شكله راجل تيت مستغل انك خريج جديد وهو كمان مش لاقى حد
او شايف انك كفء اوى
لانه لو لاقى او انك مش شاطر مش هيتكلم كتير معاك

كلمته دلوقتى وقولتله انا مش هقدر اكتب على نفسي شرط جزائى زى دة علشان اشتغل وانا اكون مرتاح نفسيا

ربنا يكرم بشغل احسن منه ان شاء الله

متشكر جدا على النصايح وربنا يجازيكو خير

طب الحمد لله و اعد فر اعلانات الشغل في اهرام الجمعه و في الوسيط و ان شاء الله تتظبط في شغل كويس

اقتباس:

---

المشاركة الأصلية كتبت بواسطة hazoom2006

كلمته دلوقتى وقولتله انا مش هقدر اكتب على نفسي شرط جزائى زى دة علشان اشتغل وانا اكون مرتاح نفسيا

ربنا يكرم بشغل احسن منه ان شاء الله

متشكر جدا على النصايح وربنا يجازيكو خير

---

انا مكنتش عايز من الاول اقولك اعمل كده وارفض
لاني حاسس بيك وانت مش بتشتغل لاني مريت بالفترة دي والواحد مابيصدق يجيله اي عرض يبقى عايز يقبل بيه

معلش وربنا يعوضك بالاحسن

انا لو مكانك مكنتش وافقت برضه لاني مش مقتنع بحكايه حق الشركه لانها مش هتديلك كورسات برمجه والا حاجه عاليه اوي هيخسرو فيها 10000 جنيه علشان يضمنو حقهم وربنا يكرم باللي احسن منها

اقتباس:

---

المشاركة الأصلية كتبت بواسطة screenplays

طب الحمد لله و اعد فر اعلانات الشغل في اهرام الجمعه و في الوسيط و ان شاء الله تتظبط في شغل كويس

---

اقتباس:

---

المشاركة الأصلية كتبت بواسطة أبو صلاح

انا مكنتش عايز من الاول اقولك اعمل كده وارفض
لاني حاسس بيك وانت مش بتشتغل لاني مريت بالفترة دي والواحد مابيصدق يجيله اي عرض يبقى عايز يقبل بيه

معلش وربنا يعوضك بالاحسن

---

ربنا يسهل وان شاء الله ربنا يكرمنى والحمد لله على كل حاجة

اقتباس:

---

المشاركة الأصلية كتبت بواسطة zaman288

انا لو مكانك مكنتش وافقت برضه لاني مش مقتنع بحكايه حق الشركه لانها مش هتديلك كورسات برمجه والا حاجه عاليه اوي هيخسرو فيها 10000 جنيه علشان يضمنو حقهم وربنا يكرم باللي احسن منها

---

بالظبط ودة اللى خلانى اقوله وحتى المرتب مش مجزى انى امضي على نفسي حاجة شكرا يا باشا وربنا يكرمك ويكرمنا