استشارة قانونية ؟

**Muhannad1986** · 17-03-2012 12:02 AM

السلام عليكم ورحمة الله وبركاته

تحية طيبة لكل الاعضاء الكرام !

انا معروض عليا رينو لوجان موديل 2010 صاحبها يريد بيعها كاش بـ 50 الف علما بأن عليها اقساط لمدة ست سنوات تنتهى فى ديسمبر 2015 وقد دفع هو سنتين منها وحاليا نحن فى السنة الثالثة ، وقد اتفقت معه على ان ادفع جزء اقل من هذا المبلغ وبعد مفاوضات وافق لكنه قال لى ان السيارة ستظل بأسمه على ان يعطينى عقد ابتدائى لحفظ حقى .. وتوكيل بأدارة السيارة فى حال اوقفنى المرور فى مكان ما وسألنى عن مالك السيارة ، على ان يقوم هو بسداد الاقساط شهريا من المبلغ الذى سأعطيه اياه ثمنا للسيارة ، على ان انقل ملكيتها لى دون الرجوع اليه بعد انتهاء فترة القسط فى ديسمبر 2015 ، وقد اخبرنى كذلك فى حال ان توقف هو عن سداد الاقساط فسيقوم البنك بملاحقته هو .. فهل هذه الاجراءات قانونية ولايوجد بها شبهة تلاعب ؟ وبماذا تنصحونى ؟

بأنتظار رأى الخبراء

**Egyzizo** · 17-03-2012 05:32 AM

المفروض ان العربية عليها حظر بيع ..
يعنى قانوناً العربية ملك البنك أو الجهة اللى بيقسط لها.
فلو حصلت مشاكل فى سداد الأقساط البنك بيحجز على العربية دون وضع اعتبار للورق اللى بينكم، لأنك قانونا اشتريت العربية ممن لا يمتلكها.

ده تصورى للوضع
بس لو حد متخصص يفيدنا أكتر.

**lad** · 17-03-2012 12:24 PM

حوار وجع قلب بلاششششششش منه مقرف اوى ولو الراجل لاقدر الله مات ولا اى حوار هتعمل ايه اوعى تعمل الحوار ده

**halem0000** · 17-03-2012 01:32 PM

يعنى معلش ليه تدخل نفسك فى المشاكل دى شوف حضرتك قادر تدفع 50 الف معلش استحمل على نفسك شوية وهات زيرو قسط وكمان القسط هيبقى صغير واسمك اكب عربية جديدة انما مستعملة انت مش عارف اللى قابلك كان عامل فيها ايه وكمان الجديد الضمان معاك لو حاجة حصلت فيها ده رأيي بصراحة

**Muhannad1986** · 17-03-2012 03:08 PM

الله يبارك فيكم يارجالة .. هيا العربية عليها حظر بيع ينتهى فى ديسمبر 2015 لكن معاها حفظ حق للبنك ، وحق الملكية لصاحبها اللى دفع من ثمنها 20 الف بالاضافة لقسط سنتين ونصف تقريبا ...

**Muhannad1986** · 17-03-2012 03:31 PM

المشاركة الأصلية كتبت بواسطة Muhannad1986

الله يبارك فيكم يارجالة .. هيا العربية عليها حظر بيع ينتهى فى ديسمبر 2015 لكن معاها حفظ حق للبنك ، وحق الملكية لصاحبها اللى دفع من ثمنها 20 الف بالاضافة لقسط سنتين ونصف تقريبا بمعدل 25 الف يعنى الاجمالى اللى دفعه حوالى 45 الف من قيمتها ... الفكرة انه معرفة قديمة اوى ، وانا مش متوقع منه اى تلاعب بس الله يجازيكم خيرا على اللى قلتوه

**Muhannad1986** · 17-03-2012 03:33 PM

المشاركة الأصلية كتبت بواسطة halem0000

يعنى معلش ليه تدخل نفسك فى المشاكل دى شوف حضرتك قادر تدفع 50 الف معلش استحمل على نفسك شوية وهات زيرو قسط وكمان القسط هيبقى صغير واسمك اكب عربية جديدة انما مستعملة انت مش عارف اللى قابلك كان عامل فيها ايه وكمان الجديد الضمان معاك لو حاجة حصلت فيها ده رأيي بصراحة

كلامك مظبوط ياباشا بس العملية مقصرة شوية لان اكيد انت عارف اى معرض او توكيل هيطلب مفرادات مرتب وانا بالكاد مرتبى بيقضينى .. وواحد زى حالاتى محتاج يقسط ب500 جنيه فى الشهر ومعتقدش فيه حد بيقسط زيرو بسعر زى كده ..

**drosamaragab** · 17-03-2012 04:35 PM

بص يا سيدي

انا دفعت لبنك ناصر 41 وقسط الباقي على سبع سنين ونص وبدفع 503 كل شهر

انت لو دفعت ال 50 لبنك ناصر ومعاملات اسلاميه هيكون قسطك مش اكتر من 370 جنيه

لو عاوزني احسبلك قسطك كمان انا ممكن احسبهولك وسيبك من الحوار اللي انت هتدخل نفسك فيه