قول رأيك بامانه

**mmans** · 17-03-2012 03:15 AM

يا جدعان والنبى بطلو هجص بقا لان بجد الكلام هنا مضحك اوى !!
فيرنا مين دى اللى تحط على الانترا و تويوتا و باسات !!! انتو بتهرجو يا جدعان !!
طيب انا معايا النترا و معايا تويوتا و معايا باسات .. عليا النعمة الفيرنا ده ما هيطلع منى الا لو انا جايب الفتيس على ال n !!!
وكمان التويوتا عندى 1300 مانيوال و بمسك الفيرنا بشطفها !!
و الانترا لما بطلع بيها جمب الفيرنا على تسلسل الفتيس l-2-3-d بحس ان الفيرنا توكتوك جمبى !!
و الباسات بصراحة الفيرنا ممكن تطلع منها لحد سرعة 70 .. بعد كده والله العظيم هيجيب تيلسكوب علشان يعرف يشوفنى !!!!
متحسسوناش بس ان الفيرنا دى فيرارى لان احنا مش سواقين تكاتك !!

**Hosam_Optrawy** · 17-03-2012 03:16 AM

المشاركة الأصلية كتبت بواسطة XMANX51

نفترض ان كونتاكت كار غلط
عايز اشوف مواصفات العربيه علي الموقع الرسمي للشركه بتاعت هيونداي

المواقع الرسميه بتقول ارقام كل الناس بتعديها

يعنى مثلا هوندا بتقول ان السيفيك اخرها 190 , امال الناس اللى عدت ال 220 دى عملوها ازاى

المشاركة الأصلية كتبت بواسطة XMANX51

يا فندم حضرتك العربيات دي بعد 100 حاجه تانيه معني انه يحط علي عربيه منهم انه يوصل معاه توب سبيد او يفصل عنه بمسافه كافيه جدا ان العربيه التانيه تسارعها اقل منه

اكيد بعد ال 100 حاجه تانيه بس الفيرنا مش هاتمسك كل العربيات من 0 ل 200 وتعلم عليهم واحده واحده اكيد كل شده وكان ليها ظروفها

المشاركة الأصلية كتبت بواسطة XMANX51

احب اقولك تسارع الجيتا من 0-100 11,4 ثانيه

دى انهى جيتا ؟؟؟

الجيتا 2012 تربو فى 9.8 ثانيه

الجيتا 2011 بال DSG فى 12.2

بالفتيس ال 6 سرعات Tiptronic قبل ال DSG فى 13.3

**AhMeD MeTwAlY** · 17-03-2012 03:30 AM

المشاركة الأصلية كتبت بواسطة Hosam_Optrawy

المواقع الرسميه بتقول ارقام كل الناس بتعديها

يعنى مثلا هوندا بتقول ان السيفيك اخرها 190 , امال الناس اللى عدت ال 220 دى عملوها ازاى
والله يا فندم انا حسب ما قريت

اكيد بعد ال 100 حاجه تانيه بس الفيرنا مش هاتمسك كل العربيات من 0 ل 200 وتعلم عليهم واحده واحده اكيد كل شده وكان ليها ظروفها

يا فنم حضرتك لما بتشد مع واحد واالي اعرف في الشد انك بتجري باسرع قوه عندك وهو كذلك

دى انهى جيتا ؟؟؟

الجيتا 2012 تربو فى 9.8 ثانيه

الجيتا 2011 بال DSG فى 12.2

بالفتيس ال 6 سرعات Tiptronic قبل ال DSG فى 13.3
تقريبا الاخيره

**AhMeD MeTwAlY** · 17-03-2012 03:33 AM

المشاركة الأصلية كتبت بواسطة mmans

يارب محدش يزعل من كلامى اللى فوق بس بصراحة دى الحقيقة

محدش ان شاء الله هيزعل من كلام حضرتك بس انا اتجننت لما لقيت ان الفيرنا افضل من العربيات دي قولت بدل ما انا نافخ نفسي كل سنه تعديل في الفليشيا وتسقيط وبفكر اركب تيربو اجيب فيرنا

**mmans** · 17-03-2012 03:39 AM

المشاركة الأصلية كتبت بواسطة xmanx51

محدش ان شاء الله هيزعل من كلام حضرتك بس انا اتجننت لما لقيت ان الفيرنا افضل من العربيات دي قولت بدل ما انا نافخ نفسي كل سنه تعديل في الفليشيا وتسقيط وبفكر اركب تيربو اجيب فيرنا

والله يا باشا الكلام ده لو كان مظبوط اقسم بالله هشترى الفيرنا من بكرة الصبح !!
بس الحقيقة ان الكلام ده ملهوش اى اساس من الصحة ..
بدون ذكر تفاصيل و حكاوى و حوارات .. الكلام اللى اتقال فى الموضوع ده غير صحيح

**zangry** · 17-03-2012 03:44 AM

اية ده ياجدعان هى الفيرنا جامدة كده وانا معرفش :d

**Kareem Fawzy** · 17-03-2012 05:11 AM

خلينا نتكلم بصراحة
اول حاجة الفيرنا موتورها فعلاً عفى جداً على شاسيها

غير كدة كل شده وليها ظروفها ما انا ممكن اشد مع خروف فى السواقة وممكن اشد مع سواق بجد
انا معايا النترا 2007 اوتو
اشرف صاحب المناقشة والجدال كان معايا اول امبارح
شدينا مع بعض
انا مش هقولكم قطعنى والكلام دة انا كنت شادد معاه جامد ومخرجش منى قوى يعنى
بس دة علشان بس الطريق كان مش مساعد
الفيرنا عربية بتجمع بسرعة رهيبة وبجد بتجرى جرى غير طبيعى
انا طبيعة سواقتى مفترية وبشهادة ناس كتير انى اخرتى ميت على الدركسيون من اللى بعمله
ربنا يتوب عليا بس انا للاسف بعشق السرعة وبستمتع جداً بيها
وعلشان كدة مش قادر ابطل جرى ربنا يستر

فزى ما قولت كل تجربة وليها ظروفها
انا ممكن اشد مع جولف 5 واعمل معاه الصح
علشان هو مش سواق ومش عارف عربيته ومش عارف امتى يعمل كيكاية وامتى يدى اوفر دريف مثلا
لو كلامى غلط ياريت حد يقول
واتمنى المناقشة تبقى هادية ومنتريقش على بعض يا رجاله
تحياتى

**tutankhamoun** · 17-03-2012 05:48 AM

الفيرنا بتطلع العزم بتاعها الأقصى على 3000 لفة
فيه عربيات بتطلع العزم بتاعها على 4000 و فيه عربيات بتطلعه على 4500

كل لما الرقم بتاع لفات الموتور يقل يعني العزم بيخرج بدري
معناها أن العربية دي تحت 100 .......... صاروخ ........ علشان عزم بيطلع بدري قوي و كمان معاه وزن خفيف

و العكس
لو العربية بتطلع العزم متأخر
دي فوق 100 أحسن من الأولى

و الموضوع و لا له علاقة بماركة العربية و لكن تصميم الموتور و الفتيس و مواعيد خروج العزم و الحصان فقط لا غير .

العربيات اللوتس وزنها 850 كيلوجرام (مصنوعة من الكربون فيبر ) و مواتيرها 1800 سي سي بس و بتقطع عربيات أغلى منها في الثمن ثلاث و أربع مرات
علشان وزن العربية مقابل القوة اللي بتطلعها أفضل من عربيات تانية

الفيرنا من العربيات اللي بتخرج عزم بدري و وزنها خفيف نسبيا و بالتالي بتلاقي تسارعها حلو تحت 100
و لكن مع أي عربية تاني عزمها بيطلع متأخر هاتلاقي أن فوق 100 الفيرنا هاتكون أقل شوية .
أحنا بنتكلم على تقارب القوة (يعني ما بين 100 إلى 115 حصان ) مع أختلاف الأوزان .