العلامه المائيه في السماعات البايونير

**ahmed_mamdouh** · 17-03-2012 03:11 AM

ايه حكاية العلامه المائيه اللي في سماعات البايونير دي ...يعني لو مالقيتهاش على الكرتونه من برة ما اشتريش السماعه ..ولا الكلام ده مش عندنا في مصر ...لاني بصراحه شفت البايونير ال500 اللي هي فيتنامي والتقفيل بتاعها واللحام بتاع الكويل ما دخلش دماغي يعني ...قلت مش هي دي الكواليتي بتاعة ماركه عالميه زي بايونير ...والكاسيت برضه ال 2350 على الرغم من ان اداؤه عجبني لكن لما مسكت الجهاز في ايدي كده واحنا بنركبه في عربيه صاحبي حسيت برضه انه معمول من خامات رخيصه وما اتكيفتش من الكواليتي بتاعه الصاج بتاعه لقيته خفيف كده والبلاستيك بتاع الوش برضه بلاستيك طري كده مش فايبر زي اجهزة زمان :)

المهم في الاخر يعني انا بصراحه شاكك في الاجهزة اللي بتنزل مصر هنا دي ...ومش عارف بقى اذا كان بايونير اللي بيروح امريكا او الامارات او اي دوله كبيرة من دول بيبقى زي اللي بييجي عندنا هنا
ايه رأيكم ؟؟

**mo_yasser** · 17-03-2012 03:28 AM

كلامك مظبوط
وعلشان اكمل كلامك ونجيب من الاخر
50% من اجهزة بتنزل مصر يا مضروب يا هاى كوبى بس علشان احنا دوله فقيرة هما بينزللنا ارخص شئ
حتى لو اشتريت اغلى شئ برضو عمره ما هيكون نفس جوده الخارج

**mody_mt2007** · 17-03-2012 10:52 AM

ريح نفسك و هات اللى انت عاوزة من التوكيل

**ahmed_mamdouh** · 17-03-2012 01:57 PM

طيب ماهو الاجهزة اللي بتكلم عنها بيبقى معاها ضمان الوكيل !
ولا ده مالوش علاقه ؟

**mody_mt2007** · 17-03-2012 04:19 PM

ملهوش علاقة

**m7mda7md** · 17-03-2012 07:53 PM

لازم طبعا العلامه المائيه تكون موجوده بس خلي بالك بردو و شوفها عند اي حد معاه جهاز اصلي لأن كل حاجه بتتقلد و ممكن تلاقي علامه و تتخم فيها زي ما بنشوف في بطاريات الموبايل