الموضوع: تقرير بمقابلة قسم السيات

السلام عليكم ورحمة الله وبركاته

اخيرا الحمد لله تمت مقابلة القسم الأولي (علي الأقل من سنة فاتت) يوم امس الموافق 16-3-2012 بعد تنسيق ليها زاد عن الثلاثة شهور

في البداية كان الميعاد بعد العصر مباشرة - في ناس افتكرته بعد الصلاة - وبالفعل بدأ التواجد من قبل العصر وكانت الباكورة للمهندس ايهاب منصور - الأستاذ احمد مبارك
ثم تبعهم بحوالي ساعة المهندس احمد عبدالسلام - العبد لله محمد سيد (تأخيرنا كان لظروف خاصة بيا شخصيا اخرتنا)
ثم بعد ذلك حضر المهندس عبدالفتاح
ثم المهندس محمد مصطفي
ثم الأستاذ محمد أمين

وكعادة مقابلتنا كقسم سيات لمن نهنئ بقاعدة وقضيناها وقافي
مش عارف ليه بنقف
يمكن عشان السيات قعدتها مريحة فبنشتاق للوقوف ؟؟!!

علي هامش المقابلة

المهندس ايهاب
الوحيد الي قعد،
قعد قدام عجلة قيادة جميع السيارات ههههههههههههه
جربهم كلهم
بس والله كان ليه دور بارز جدا وفعال جدا في المقابلة ودة هذكره في موضوع منفصل انشاء الله
حيث تولي الأشراف علي السيارات ما قبل 2000 (عربيتي في البداية - عربية احمد عبدالسلام - عربية محمد مصطفي)

الأستاذ احمد مبارك
كان ليه دور فعال جدا في الأشراف علي السيارات مابعد 2000
ودة هيتضح في الصور

عربية المهندس ايهاب
بردو كان ليها دور بارز امبارح
حيث كانت بمثابة عربية الأخ الأكبر (كلنا هاتشباك وهي الوحيدة بشنطة) ربنا يارب يحفظهاله ويباركله فيها

باعوني

دي كانت صرخات احد الأعضاء في المقابلة
لما كلهم خدوا عربياتهم وطلعوا يجروا عشان يلحقوا صلاة العشاء وهو تاه بعربيته ووصل لحد شارع الطيران لحد لما الناس لقيوه واقف لوحده حزين وسألوه انت بتدور علي حد
قالهم زمايلي باعوني
وفي الأخر لقاهم في السادس وكمان جابوا عصير وشربوه

شكرا لكل الي حضر المقابلة وشرفنا بمعرفته
بجد انا سعيد جدا بمعرفة الناس الي اتعرفت عليها جديد المهندس محمد مصطفي - استاذ محمد أمين -المهندس عبدالفتاح
وطبعا سعيد جدا بلقاء كلا من المهندس ايهاب منصور - الاستاذ احمد مبارك - المهندس احمد عبد السلام

واليكم بعض الصور من المقابلة وانشاء الله باقي الصور سيتولي رفعها المهندس احمد عبدالسلام







في النهاية احب اوجه الشكر للمهندس ايهاب علي دعمه الضخم جدا للسيات ابيزا pre 2000
وللأستاذ احمد مبارك علي دعمه الضخم جدا للسيات ابيزا post 2000

والله المستعان
،
،