علي فكرة
أولا سبق و قلت قبل كده ان محرك الابيزا و البولو 2000 الي 2002 ال 1000 سيسي ده مش عاجبني خالص و حتي الأن لم اجد محرك منه يعطي معدلات استهلاك مضبوطة مهما كان مشي كيلومتر قليل او كتير للأسف كله زي بعضه رغم انه أعلي تكنولوجيا عن اللي فبله و اللي بنفس المواصفات الفنية تقريبا اللي هو ال 1000 بتاع الابيزا و البولو 98 و 99
ولكن القديم أفضل ليه حتي الأن مش عارف
ثانيا الاستهلاك للبنزين بيتحدد علي حسب عوامل كتييييييييييير جدا منها
1- اسلوب القيادة
2- الطرق اللي بتمشي عليها
3- عدد مرات استخدامك للتفويلة اللي حسبتها دي يعني :-
لو مسافر مثلا اسكندرية رايح جاي و استهلكت مثلا 30 لتر و عملت 450 كيلومتر مسافة غير لما تمشي ال 450 كيلومتر دول علي 10 مرات كل مرة 45 كيلومتر في اليوم و ده بسبب انك في كل يوم بتسخن العربية الصبح و كذلك اخر اليوم و دي من اكثر الأسباب التي تؤدي لارتفاع الاستهلاك ولكنك في السفر هتسخنها مره واحده فقط في اليوم اللي قطعت فيه ال 450 كيلومتر
4- السرعات اللي بتمشي عليها لأن أنسب سرعه لأفضل استهلاك هي 90 الي 100 كيلومتر في الساعه أكثر من كده بيزيد الاستهلاك و أقل من كده لمسافات طويلة بيزيد الاستهلاك ايضا
وفيه أسباب تانيه كتير منها حالة المحرك و نوع الزيت المستخدم و حمولة السيارة و هكذا
و ياريت نبقي نتناقش في الموضوع ده المقابلة القادمة يمكن نوصل لحاجه أفضل ان شاء الله